Gagauziya dün ,büün hem sabaa- tombarlak masanın teması. Aksakallarn
Gagauziyanın akasakalları sentäbrinin 7-dä tombarlak masanın dolayında oturup kaldırdılar soruşları,angıları şindiki zaman dalgalandırȇr cümneyi. İdeyä toplamaa bölä buluşmayı çıktı cümnä aktivistindän Mihail Vlahtan. Var planda oktäbrinin 2-dä 2022-ci yılda deputatların syȇzdını geçirmää. Oturuşun pay alannarı belli ettilär puktları,angılarını isteerlär bakılsınnar deputatlarlan.
Cümnä aktivisti Mihail Vlah verdi ideyä tombarlak masanın dolayında toplamaa aksakalları,cümnä aktivistlerini,deputatları . O nışannadı yakında deputatların syȇzdın geçirilmesini.
MİHAİL VLAH cümnä aktivisti : « Syȇzd boşa diil lääzım geçsin. On yapılȇr ,ki Gagauziyanın geleceeni taa islä yapmaa. Bizim uşakalara deyni,angıları isteerlär avtonomiyada kalmaa yaşamaa. Dedelär için,angıları bu avtonomiyayı düzdülär».
«Geldi vakıt bizä milletin harakterini göstermää bir kaç soruşların çözülmesindä»- , nışannadı Gagauziya Halk topluşun eks-başı. Onun bakışına göörä Moldova Devleti 28 yııl geeri kayıl oldu avtonomiya statusunnan hem adadı o kanona göörä bizimnän işlemää.
MİHAİL KENDİGELÄN Gagauz Respublikasının sovedin eks-başı : «Lääzım bakalım 28 yılın süresindä nicä Moldova kendi funkţıyalarını yaptı. Yardım etti mi Gagauziya ilerlesin deyni.Geldi vakıt ozaman danışmaa Evropa birliinä,Rusiyaya,Türkiyaya o sa başka devletlerä mi,ani onnar olsunnar bizim garantımız. Ama Konstituţıyayı diiştirmedän yok nicä ileri gidelim ».
Tombarlak masanın pay alannarı açıkladılar kendi bakışını syȇzdın geçirilmesi için.
MİHAİL KIVIRCIK cümnä aktivisti : «Syȇzd geçirilär sä isteerim yalvarmaa, ani te o neetlär başlasın aslıya çıkmaa. Zerä bitki iki syȇzd geçti boşa».
Buluşmanın süresindä Gagauziyanın aksakalları barabar cümnä aktivistlerinnän hem Halk topluşun deputatınnan kaldırdılar başka soţıal önemli soruşları da.
Источник grt.md 07.09.2022