Gagauziya aksakallar sovedi açıkladı yaşlı insannarın problemalarını kış vakıdında
Gagauziyada 27 bin pensioner var. Komratta yaşȇȇr 4 bin yaşlı bulunan insan. Onnardan 200 yufka kolaylıklarlan. Gagauziya aksakalların sovedı barabar primariya çalışannarınnan herzaman üürenerlär durumu, ki yardım etmää fukaarä insannara. Angı problemalarlan onnar büünkü günä karşı gelerlär, aksakallar açıkladılar toplantısında.
Suuk vakıtta Gagauziyanın zor durumda bulunan yaşayannarı karşı gelerlär bir sira zorluklan. Çözmää onnarı yardım ederlär kuvet götürücüleri. Bu kış 400 skladometra odun verdilär lgota paaya görä fukaarä aylelerä. 80 aylä kabletti birär skladometra odun. Ama aksakallar sovet azaları nışannadılar ani bu yardım etmeer, ki yaşta bulunan insannar kışı geçirsinnär. Onnarın soşial ödemekleri pek küçük, para etmeer gazı – şafkı ödemää, imelik alamaa da hiç ta kalmȇȇr para, nışannnadı aksakallar sovetın başı Vasiliy Arnaut.
Kimi insannarı soba kurtarȇr. Küülerin çoyunda insannar pak onnan isınabilerlär, nışannadı Vasiliy Arnaut. Hükümet verer yardım odunnarın satın almasında, ama hep okadar diil hepsi insannar bu yardımı kablederlär, söledi o.
Kimi primariyalarda insannara, kim en zor durumda bulunȇrlar, odunnarı evä götürerlär, haberledi Vasiliy Arnaut. Kurtarȇr yaşayannarı o da, ani bu kışın taa sızak hava.
Sovedin oturuşunda pay aldı Gagauizya Halk Topluşu başının yardımcısı Aleksandr Tarnavskiy. O çizgiledi, ani Gagauziya kuvetleri çalışȇrlar yardım etmää insannara suuk zamanda.
Gagauziyanın aksakalları neetlenerlär taa bir sıra danışmaa kuvetlerä yardım için.
Источник grt.md
