Gagauzianın yaşayannarı kabledeceklär yardım suuk vakıdı için. Kimä hem neredä onu vererlär?
Avtonomiyanın 2023-cü yılın bücetinä konuldu 30 million ley ki yaşayannara suuk vakıtta yardımı vermää. Bu yıl yardımın verilmesinnän baalı programaya kimi diişilmekleri giriştirdilär.
700 ley bir ayleyä. Bölä para sayısı bakılȇr bir ayleyä. Gagauziya kuvetleri yaptılar bunu ki ȇnergetika krizisin çıkışlarını insan taa ilin geçirsin hem taa çok insanı kaplasın, haberledi Gagauziya saalık bakanı Svetlana Duleva. O urguladı, ani bu posobiyayi var nasıl kabletsinnär aylelär, angılarında var pensionerlar. Svetlana Duleva nışannadı, ani hepsi pensionerlarda var hak kabletmää posobiyaları suuk zamanı için.
Svetlana Duleva haberledi, ani 700-zär ley kabledeceklär aylelär, kim respublika uurundan bölä yardımı kabletmeer.
Suuk zamanı için 700 ley verilecek sade üç ay: Büük (yanvar), Küçük (fevral) hem Mart ayları için.
Şansora hepsi soţial asistentlar işleerlär insannan da kablederlär dokumentleri, annattı Svetlana Duleva. O nışannadı, ani lääzım olarsaydı, soţial asistentlar işleyeceklär dinnenmäk günnerindä da.
Gagauziyada suuk zamanı için psobiyaları kabledecek 21 bindan zeedä aylä.
Источник grt.md 09.01.2023