Gagauz türkücüleri Mihail hem Valentina Yasıbaş «Gagauziyanın şannı yaşayanı» adınnan ödüllendilär

Çok yıllar çalışması için milli  kulturanın ilerlemesi için, gagauz dilin hem incä zanaat muzika uurunda, karı – koca Mihail hem Valentina Yasıbaş «Gagauziyanın şannı yaşayanı» adınnan ödüllendilär. Onnarın türküleri Gagauziyada hem aşırı devletlerdä öterlär. Diplomnarı artistlerä baaşladı Gagauziyanın Başkanı İrina Vlah.

«Yasti» duȇtı diil saade muzika grupası. Bu karı – koca Mihail hem Valentina  Yasıbaş duȇtı. Onnar evlendilär 15 yıl geeri, ondan sora nicä  Mihail Çakirın adına pedagocik koledjını başardılar, Komrat  Devlet Universitetinä vokal üürenmää gittilär. Çok yılların süresindä  «Yasti» duȇtı eni kompoziţiyalarınnan yaşayannarı sevindirer. Gagauziyanın Başkanı İrina Vlah şükür laflarını Mihaila hem Valentinaya söledi onnarın  üüsek uurunda çalışması için gagauz kulturanın ilerlemesindä.

İRİNA VLAH, Gagauziyanın Başkanı: « Sizin yaratmalarınızda bütün üürektän hem candan açıklanȇr sevgi teması ana dilinä, duuma erinä,  ana – boba hatırlamasına, nicä zorlukları geçmää.  Sizin türkülerin lafları pek derin, fikirli, muzika sa pek şıralı. Sanȇrım, ani bunun için  da sizi severlär seslemää her bir yaşta insannar. Büünkü günnär biz geçireriz zor vakıtları, krizis vakıdını, yaradıcılık uurunda  insannar yardımcı olȇrlar  bizim cümneyi birleştirmää».

Muzika sayılȇr hertürlü kulturaların bir payı. O belli eder bizim yaşamamızı hem paalılıklarımızı. Muzikanın hatırınnan biz var nasıl annayalım, nicä yaşardılar hem ne düşünärdilär  insannar 100 yıl geeri. Bundan karä,  muzikada korunȇr diil saade annamak, kimiz biz, ama ta bizim dilimiz dä, angısında lafettillär bizim dedelerimiz, nışannadılar artistlär.

Gagauziyanın kultura bakanı Marina Semönova çizgiledi, ani «Yasti» duȇtı gözelleder avtonomiyanın hepsi konţertlarını.

Yasti» duȇtın duuması Kongaz küüyündän. O anılmış diil saade Gagauziyada, ama sınır aşırı devletlerdä da.  Mihail hem Valentina Yasıbaş – onnar ilk çalgıcıların arasında, kim  çeketti çıkarmaa klipları gagauz dilindä.




Источник grt.md
283

İlgili statyalar

KARAOKE GAGAUZÇA

Çiçek  ayın  27-dä  «Ana Dilimiz» günü  bakılȇr. Heryıl  Gagauziyada  bu  gün  türlü  olaylar  geçiriler. Yortulu  gündä  Gagauziyanın genel  kultura  bakannıı  tanıştırdı  eni  proektlän —  «Karaoke gagauzça». Başa  çıkarmaa bu proekti  yadım ettilär  avtonomiyanın anılmış  artistleri  Pötr  Petkoviç hem  Mihail  Paçi. Karaoke toplumun  tanıtması  Komrat  muniţıpiyasının Kultura evindä  geçti. Oluş  bir salada  topladı uşak başöaların hem okulların  üürenicilerini. Gagauziyanın Başkanı  İrina Vlah   pay aladı olayda. Bitki  vakıtlar  kuvetlerin  önündä  ön daava koyuldu ,ki gagauz dili ilerlesin,unudulmasın  hem  taa geniştän kullanılsın. Kultura bakannıın başı Marina Semönova nışannadı, ani  uşaklar Ana dilini lääzım üürensinnär havezlän. Karaoke  türkülär dä  meraklandıracȇklar hem yardımcı  olacȇklar  gagauz…

Çadırdakı M. Guboglu adına liţeyin hepsi klaslardan üürenicilär “Ana dilimiz” yortusuna baalı açık dersi hazırladılar

Çadır kasabasının M. Guboglu adına lițeyindä  geçti açık ders.  Literatura-muzika olayı baalıydı «Ana dilimiz» yortusuna, angısını avtonomiyada nışannayaceklar çiçek ayın 27-ndä, hem gagauz yazıcısının Dionis Tanasoglunun 100-ncü yoldönümünä. Çadır kasabasının Guboglu adına lițeyin 1 — 11 klaslardan üürenicilär açık urokta aktiv pay aldılar. Onnar gösterdilär muzika kompozițiyalarını gagauz dilindä, okudular şiir, annattılar şannı gagauz yazıcıları için hem kultura insannarı için. “Bu yortuya  hazırlandık 1 ay. Türküleri, şiirleri ürendik, kendimiz hazırladık bu yortuyu. Uşakların kalbinä yakın bu yortular. İsteerlär pay almaa, getirerlär eksponatları. Bizim liţeyimizdä uşaklar lafederlär gagauz dilindä”, — söledi üürenicilerin biri.   “Bizim şkolamızda geçti D. Tanasoglu için urok. …

Video: Valkaneş kasabasının muzika okulun 60-cı  yildönümü

Valkaneş kasabasının muzika okulun  üürenicileri  hem  kolektivi üüretim kurumun 60-ci yıldönümünü kutladılar büük konţertlan. Musaafirlär baaşladılar okula eni instrumentleri. Valkaneş kasabasının muzika okulu 1961-ci yılda açıldı. Bugün okulda 92 uşak  üürener,12 üüredici dä çalışȇr. Öndercilik eder Mariya Çerneva, angısının  «Maestru în artă» şannı adı var. MARİYA  ÇERNEVA, Valkaneş kasabasının muzika okulun başı: «Okul başladı kendi işini incä zanaat evindä. Ozaman onun adıydı Pionerlar evi. Çok yıl eri yoktu. Klas etişmäzdi. Ayırı bir bina düzdülär, ama er tepremesindän sora o daaldı. Poliţıya binasında çalıştık. Te 2000- nci yıllardan beri burada işleeriz. 20 yıl bu okulda çalışȇrız». Okulda var fortopiano, bayan, akordeon, kemençi, fleyta, nay hem truba instrumentlerin klasları. Üürenicilerin arasında var uşaklar, angıları becerikli  kemençedä oynȇȇrlar, ama fleytayı  ayırdılar. Çoyu…

Gagauziyanın turizm özelikleri için videolara prezentaţiya yapıldı

Kongaz küüyündä avtonomiyanın turizm uurunda ilerlemesinin gelecännän baalı “Gagauziya. Gözellik içindä” («Гагаузия». Красота внутри») proektin prezentaţiyası geçti. Buna görä birkaç video Gagauziyanın kultura tarafından zenginni için gösterildi. Olay Kongaz küyün turizm uurunda etno-merkezindä yapıldı. Video materiallar Gagauziyanın gözellii hem zenginnii için türlü auditoriyaya hazırlandılar. Onnar gagauzların zengin kulturası için, arhitektura yapıları için, tabiyatın gözelli için hem turizm uurunda kolaylıkları için açıklȇrlar. Videolar biznes adamın İgori Ganänın yardımınnan hazırlanıldılar. İgor Ganä: «İdeya ozaman geldi, açan kendim tanıştım Gagauziyaylan da annadım, ani bu lääzım. Gördüm, ki avtonomiyanın potenţialını var nasıl bizim becermeklerimizlän ilerletmää. Logikaya görä dooru olaceydı yapalım bişey, ki region ilerlesin.…

Başkan bulundu “Ana dilimiz” yortusuna baalı açık derstä Kongazın V.Topal adına okulunda

Фото: страница башкана в Facebook Gagauziya Başkanı İrina Vlah bulundu Komrat dolayın Kongaz küüyün Varvara Topal adına gimnaziyasında. Başkan pay aldı açık urokta, angısı baalıydı «Ana dilimiz» yortusuna. Dersi götürdülär 1-nci klasın üürenicileri hem onnarın üüredicisi Mariya Arnaut, haberleer başkanın pressa izmeti. Urokta üürenicilär annattılar Kongaz küüyün anılmış insannarı için, angıları çalıştılar gagauz dili hem kulturası ilerlemesi için, hem braktılar büük iz Kongazın, Gagauziyanın hem Moldova Respublikasının kalkınmasında. Açık urok geçti gagauz dilindä. «Herbir buluşmak bizim uşaklarlan – o cana deyni yortu. Bizdä talantlı uşaklar. Da Siz, sayıgılı üüredicilär, ilerledersiniz bu talantları, Sizin zaametinizlän onnar halizdän şılêêrlar. Saa ol deerim…