• Kimilerin brauzerlär var nicä yannışlık göstersinnär. Bu olursa, yannışlıı ignor edip taa bir kerä hep o servislan girin.
Saytın bölümneri
Kullanıcılar Online

Gagauz Konstantin BARGAN patriarhın arhidiakonu oldu

Gagauz Konstantin BARGAN patriarhın arhidiakonu oldu

2022-ci yılın Büük ayın (yanvar) 7-dä Moskvanın Kurtarıcı Hristozun Kafedral Sobor Klisesindä Rusiyanın Ay-Aydın Patriarhı KİRİL üüseltti ptriarhın arhidiakonu sanına onun yanında işleyän popazı Ay-Boba Konstantin BARGANı.

Rusiya Klise kanonnarına görä patriarhın arhidiakonu – Patriahın yanında izmet edän arhidiakon sayılêr hem bu san veriler sadecä Patriarhın kendi emirinnän veriler o arhidiakona, angısının Klisenin önündä büük izmetleri var yada kendisinin Patriarhın önündä çok yıllar lekesiz izmetleri için.

Patriarhın arhidiakonu sanı siirek veriler. Bitki kerä bölä bir iş oldu taman 100 yıl geeri 1921-ci yılda. Hem, Rusiya Patriarhlıı kurulduu gündän beeri, bu patriarlıın istoriyasında sadeecä sekiz patriarhın arhidiakonu oldu, sekizncisi da – Ay-Boba Konstantin BARGAN.

Konstantin BARGAN duudu 1984-cü yılda Gagauziyanın Kongaz küüyündä.Başardı Moskvadakı ruh Seminariyasını hem Akademiyasını. Artık 12 yıl Moskvanın Kurtarıcı Hristozun Kafedral Sobor Klisesindä Rusiyanın Ay-Aydın Patriarhı KİRİLın yanında izmet eder.

Gagauz Konstantin BARGAN patriarhın arhidiakonu oldu

Gagauz Konstantin BARGAN patriarhın arhidiakonu oldu

Foto: Oleg VAROV, www.patriarchia.ru




Источник anasozu.com
Haberci
25.01.2022
527
0
Categories: Новости

İlgili statyalar

Konstantin GERMEK geçindi

2022-ci yılın Çiçek ayın (aprel) 2-dä geçindi S “Düz Ava” gagauz türkü hem oyun ansamblisinin horeografı hem baletmeysterı Konstantin Afanasieviç GERMEK. Konstantin GERMEK çok yıllar işledi Semön POMETKO adına “Düz Ava” gagauz türkü hem oyun ansamblisindä hem o ansamblinin üüselmesi için çok zaamet etti. Ansamblinin horeografı hem baletmeysterı olarak Canabisi koydu sțenaya gagauzların istoriyasında horeografiya tarafından en gözäl oyunnarı: “Çobannar”, “Dostluk oyunu”, “Düün”, “Kız oyunu”, “Köstek oyunu”, üç bölümnü “Gagauz süitası”, “Bulgar süitası”, “Moldovan süitası”, “Valkaneş kadıncası”. Bu oyunnarın horeografiyası hem onnar için yapılan kostüm şedevraları, halizdän oldular dünnää uurunda eşi olmayan büük yaratmalar. Konstantin GERMEK zaametlerinnän Semön POMETKO adına…

Haberci
420
04.04.2022

Video: Gagauz yazıcısı Konstantin Kurdoglo ödüllendi Respublika ordenınnan

Canavar ayın 15 – dä prezident Maya Sandu imzaladı kararı ödüllemää Moldova devletin 30 yaşayanını Respublika ordenınnan, angıları “braktılar iz  Moldovanın istoriyasında hem üüselttilär devletin imidjını dünnä uurunda”. Onnarın aaralarında avtonomiyanın yazıcısı, üüredici, Gagauzlar yazıcıların  Birliin baş redaktoru, Baurçu küüyün yaşayanı Konstantın Kurdoglu da.   Konstantin İvanoviç  yazdı 10 — dan zeedä kiyat, angıların arasında Büük Vatan Cengi için hem başka önemli hem meraklı sayfalar için gagauz halkın istoriyasından. Memleketin üüsek ödülü veriler Moldova devletin 30 – cu  yıldönümün baamsızlı için. Источник grt.md

Haberci
497
18.10.2021

Sergey BARGAN Halklararası turnirın çempionu

2022-ci yılın Kirez ayın (iyün) 5-15 günneri arasında Bulgariyanın Primorsko kasabasında geçti şahmatalarda Halklararası turnirı, angısında pay aldılar 15 devlettän 150-dän zeedä şahmatacı. Moldova komandasınnan orayı katıldılar Gagauziyadan da anılmış hem genç sportsmenarı. Gagauziyadan halklararası uurunda sportta master Sergey BARGAN bu turnirın çempionu oldu hem turnirın Kuboonu hem da para ödülünü kazandı. Bu Halklararası turnirdä kendi ustalıının incelettilär Gagauziyanın genç şahmatacıları da, bakmayıp ona, ani priz verilän erleri kazanmaa becerämedilär. Lääzım urgulamaa, ani Gagauziyadan şahmatıcılar Bulgariyadakı bu Halklararası turnirinä gitsinnär deyni zaamet ettilär Gagauziyanın şahmata federațiyası hem Moldova Respublikasının şahmata-şaşki klubu. Ayırıca para tarafından saadıç oldu Gagauziya gençlik hem sport…

Haberci
351
23.06.2022

Büün Ay İordan Günü bakılêr

Hristian kalendarinä görä, Büük ayın 19-da Kurtarıcı İisus Hristoz vatiz edilmiş İordan deresinin sularında. Vatiz etmiş onu prorok İoan Vatizedici. Bu klisä yortusunnan ilgili bu gündä kliselerdä büük slujbalar yapılêr, vatiz ediler hem ayazma okunêêr. Kurtarıcı İisus Hristoz vatiz gününä gagauzlar Ay Yordan, Yordan günü, Ayazma yada Vatiz günü deerlär. Sayılêr, ani Ay Yordanda (Büük ayın 19-da) hem Ay İvanda (Büük ayın 20-dä) okunan ayazma bir yıl bozulmêêr, faydalı kalêr hem ilaç erinä kullanılêr. Ayazma okuyarkan, açan popaz ayazma içinä kruçayı sokêr, klisä aulu içindä yada klisä eşiklerindä duran adamnar tüfeklerdän patladêrlar (cadıları hem yabanıları ürkütmää deyni). İnsannar kurşunnarın kiyattan…

Haberci
1036
19.01.2022

Report

Harassment or bullying behavior
Contains mature or sensitive content
Contains misleading or false information
Contains abusive or derogatory content
Contains spam, fake content or potential malware

Block Member?

Please confirm you want to block this member.

You will no longer be able to:

  • See blocked member's posts
  • Mention this member in posts
  • Message this member

Please allow a few minutes for this process to complete.

Report

You have already reported this