«Gagauz kilimneri-2022» festivali avgustun 14-dä geçecek
«Gagauz kilimneri-2022» 9-cu millet kilim festivali bu yıl avgustun 14-dä Gaydarı küüyündä geçecek. Oluş region uurundan respublika uurunadan büüdü. Festival yıl-yıldan genişleer: zeedelener kilim aulları, el ustaları, musaafirlär, programa. Oluşun enilikleri hem özellikleri için Svetlana Dimitroglonun materialında.
Bu yıl «Gagauz kilimneri-2022» millet kilim festivalin kurucuları kendi sınırlarını genişleder. Oluş yardım eder gagauz kilimciliin adetlerini hem tradiţiyalarını korumaa.
МАRİNA SEMÖNOVA, Gagauziya kultura bakanı: «Büün kilimcilik, nicä ustacılık kaybelerţ kaldı sayılı insannar, angıları bu zanaatı ilerlederlär. Kilim kırmasınnan baalı adetleri bizim halkımız sayȇr hem koruyȇr».
«Gagauz kilimneri-2022» festivalini bu yıl 18 aul düzecek. Yortunun özelliini gagauz millet aulları kuraceklar, oluşa katılaceklar musaafirlär Taraklıdan, Hınçeşttan, Leovadav hem Besarabkadan.
МАRİNA SEMÖNOVA, Gagauziya kultura bakanı: «Moldvannarın hem bulgarların kilimciliktä kendi millet tehnikası hem adetleri var. Bunun için festivalin pay alannarın olacek kolaylıı kendi becermeklerinnän paylaşmaa».
«Gagauz kilimneri-2022» millet kilim festivali bu yıl lüzgär dermenin dolayanında geçecek. Dermen-Moldovanın kulrtura hem istoriya anmak taşı XIX asirdän kalma sayılȇr.
Источник grt.md 12.08.2022