Gagauz güreşçisi İvan İkizli kazandı bronza ödülünü kazah güreşi Dünnä çempionatında
Kazahstanda Astana kasabasında kazah güreşi Dünnä çempionatı geçti. Yarışmalarda 34 devlettän sportçu pay aldılar. Moldovadan çempionata katıldı 6 sportçu. Onnarın arasındaydı Gagauziyadan güreşçilär İvan İkizli hem Dmitriy Duşkov. İvan İkizli bronza ödülünü kazandı, Dmitriy Duşkov 5-ci oldu.
İvan İkizli serbest güreşindä 9 yaşından. Onun sportta yolu ana küüyündä Kongazda başladı. Güreşi ayırdı zerä ozaman küüdä başka bişey yoktu.
Bakmayarak ona, ani İvan İkizli artık tanılan hem başarılı sportçu, o seftä kazah güreşi Dünnä Çempionatında pay aldı. «İlk eri almaa neetim, ruh gücü hem dayman hazırlanmak yardım ettilär bana bu ödülü kazanmaa», söledi İvan İkizli.
Genç olan İvan İkizli sınaştı herbir yarışmada ensemää. Sade2022-ci yılda o iki sıra broz ödülleri Dünnä Çempionatı yarışmalarında kazandı hem serbest güreşi Moldova Çempionatında ilk eri aldı.
Kazah güreşi Dünnä Çempionatına Moldovadan katıldı altı güreşçi. Gagauziyadan onnarın aralarındaydı İvan İkizli hem Dmitriy Duşkov. Sportçuları tutturdu engelli sportçulari destekleyän «İFAVİS» fondu.
«Potenţıal var, öbür sportçular da islää kendilerini gösterdilär. Dmitriy Duşkov 5-ci eri aldı. Öbürlär dä geeri kalmadılar, en becerikli sportçuların sayısında. Bu çıkışlar gösterer, ani bizim uşaklar becererlär türlü sport çeşitlerindä güreşmää», söledi «İFAVİS» fondu başının yardımcısı Valeriy Zabolotniy.
Valeriy Zabolotnıy nışannadı, ani sport yarışmaları kaavi temeli koyȇrlar gençlerin terbiedilmesindä, yapȇrlar onnarı taa neetli, yardım ederlär korkularını ensemää hem üüsek başarlara getirerlär.
Avtor: М.Тopal, video: V. Тabaçuk, montaj: А. Тopal
Источник grt.md 17.12.2022