Erli kuvetlär yardım ederlär sport ilerlesin Gagauziyada

Balkan oyunnarı  serbest güreşmesindä Türkiyada  geçtilär. Komrat  muniţipal sport okulun   güreşçileri onnarda pay aldılar. Sportçular getirdilär regionun kumbarasına üç ödül.  Çocukların taramaklarını esaba aldılar erli kuvetlär.  İlerleder temayi   bizim korespondentimiz.

Türkiyä devletindä geçmiş Balkan oyunnarında Yalova kasabasında Gagauziyayı tanıttırdı  üç sportçu, Komrattan hem   Tarakliya kasabasından  güreşçilär.  Serbest güreşçileri getirdilär devletin üülen tarafının kumbarasına  edi ödül.  Çocukların ii pay almaları içın  Balkan yarışmaklarında nışannadı  Komradın primariyası. Onnara verdilär diplom hem para baaşışlarını.  Tarayıcılar urguladılar , ani onnar sevinerlär  baaşışlara , ilerdä onnarda çok saatlık sınışlar  hem eni taramaklar Evropa hem dünnä yarışmaklarında.

PAVEL ARNAUT Balkan oyunnarın çempionu : — «Bän sevinerim, ani beni baaşışladılar böla yarışmaklar için. Bu ilk benim yarışmaklarım  aşırıda. Onnar geçtilar bana deyni ii».

RENAT ARNAUT Balkan oyunnarın bronz ödülcüsü : — «Şükür ederim sponsorları hem trenerları, angıları koydular   çok kuvet ki biz tarayalım».

Trener Evgeniy Nedälko  nışannadı , ani hodullanȇr çocukların taramalarınnan,  onnara deyni bu ilk   yarışmaklar  aşırıda.  Da uşaklara veriler stimul güreşmää, açan erli kuvetlär onnarı esaba alȇrlar.

Munitıpal  sport okulun başı Gennadiy Tulba  sayȇr, ani  uşaklar bu taramaklarda durgunmayaceklar, da taa çok keret kaldıraceklar devletin hem regionun bayraanı  halklararası arenada, kasabanın primariyası da  buna yardım edecek.

GENNADİY TULBA  Komrat   sport okulun  başı : — «Serbest güreşmesinin bölümü bizi sevindirer, sevindirelär  başka bölümnär dä, her yıl onnar getirerlar eni ödülleri Moldova çempionatlarından, Balkan oyunnarından, çıkışlar türlü uurda, biza deyni pek ii».

Hepsi tarayıcılara hem trenerlara verdilär diplom hem para baaşışlarını sayıda 1000 ley. Hep öla nışannadılar diplomnarlan sponsorları, angıları yardım ettilar gitmää yarışmaklara.  Buluşmanın süresindä sportçular danıştılar erli kuvetlerä, açmaa deyni  güreş zalasını, neredä sportçular hazırlanaceklar.  Bu yıl serbest güreşmesi sekţiyasına  aldılar taa üç gruppa.




Источник grt.md
228

İlgili statyalar

Gagauz güreşçilär kazandılar Balkan oyunnarında ödülleri

Harman ayın çeketmesindä Turkiya devletindä Yalova kasabasında  geçtilär uşakların aralarında serbest güreşmesi edinci Balkan oyunnarı.  Onnarda  pay aldı Moldovanın üülen tarafından komandası, angısına girdi  7 güreşçi  Gagauziyadan hem  Tarakliyadan. Sportçular getirdilär  komandaların kumbarasına 7 ödül.  Komrat muniţıpal sport okulun  üç güreşçisi getirdilär Blkan oyunnarından, angıları geçtilär Türkiyada, üç  ödül. Altın kazandı 41 kilalık kategoriyada Pavel Mavrodi. O üüsek uurda geçirdi güreşleri, brakmayıp konkurentlarına şans taramaa.  İkinci oldu  Nikita Yakimov 44 kilalık kategoriyada, angısı geçirdi  üç güreş da ilk er için tarattı konkurenta Makedoniyadan. Bronz ödülcüsü oldu  Renat Arnaut. Trenerın Evgeniy Nedälkonun laflarına görä, çocuklar geçirdilär güreşleri üüsek uurda hem gösterdilär,…

TİKA yardımınnan Türkiyedä U-17 güreş çempionatlıına hem Balkan oyunnarına gittilär

Moldova güreş federațiyasının hem Gagauziyanın Komrat kasabasının Uşaklarlan gençlär sport şkolasının (UGSŞ) yardım için Türk İşbirlii hem Koordinaţiya Agenstvosu (TİKA)ya danışmasınnan TİKA kolayalık oldu da Moldovanın hem Gagauziyanın güreşçilerini Türkiyedä olacek U-17 cerbest güreş çempionatına hem Türkiyenin Yalova kasabasında geçecek 8-ci Balkan sport oyunnarına (27-28 iyül) katılsınnar yardım etti. “Bu danışmaları esaba koyarak, karar aldık Moldovanın hem Gagauziyanın sportsmennarına yardımcı olmaa, – açıkladı “Ana Sözü” gazetasına TİKA Kişinev ofisin koordinatoru Selda ÖZDENOĞLU. – Moldovanın 5 serbest güreçşisinä uçak biletlerini kestirdik. Onnarın arasında var gagauz güreşçisi Evgeniy NEDÄLKO da. Bundan kaarä, Türkiyenin Yalova kasabasında geçecek 8-ci Balkan sport oyunnarına gidän Komrat…

TİKA yardımınnan Türkiyedä U-17 güreş çempionatlıına hem Balkan oyunnarına gittilär

Moldova güreş federațiyasının hem Gagauziyanın Komrat kasabasının Uşaklarlan gençlär sport şkolasının (UGSŞ) yardım için Türk İşbirlii hem Koordinaţiya Agenstvosu (TİKA)ya danışmasınnan TİKA kolayalık oldu da Moldovanın hem Gagauziyanın güreşçilerini Türkiyedä olacek U-17 cerbest güreş çempionatına hem Türkiyenin Yalova kasabasında geçecek 8-ci Balkan sport oyunnarına (27-28 iyül) katılsınnar yardım etti. “Bu danışmaları esaba koyarak, karar aldık Moldovanın hem Gagauziyanın sportsmennarına yardımcı olmaa, – açıkladı “Ana Sözü” gazetasına TİKA Kişinev ofisin koordinatoru Selda ÖZDENOĞLU. – Moldovanın 5 serbest güreçşisinä uçak biletlerini kestirdik. Onnarın arasında var gagauz güreşçisi Evgeniy NEDÄLKO da. Bundan kaarä, Türkiyenin Yalova kasabasında geçecek 8-ci Balkan sport oyunnarına gidän Komrat…

Ödüllerin üçünü dä kazandılar Komrattan genç boksörlar Moldova çempionatında

Belţı kasabasında  geçti Moldova boks çempionatı,  neredä  toplandılar  devletin en kaavi  sportçuları. Gagauziyayı tanıttırdılar sportçular üç dolaydan.  Ödülleri  getirdilär  regionun kumbarasına  Komrat kasabasının boksörları. Çadır hem Valkaneş sportçuları  kalkmadılar pyedistalın üüsek basamıına. Yakın 120 boksör-ünior dört günün içindä  götürdülär kızgın düüşleri hak için kalkmaa pyedistalın  üüsek basamaklarına da Moldovanın toplumunnan ceviz ayında güreşmää Evropa Çempionatın ödülleri için, yarışmak geçecek İtaliyada. Komandaların aralarında ilk eri kazandı  ringın çorbacıları Belţıı  toplumu, onnar kazandılar 12 ödül. İkinci erdä  bulunȇr Komrat  komandası. Sport liţeyın hem  uşak sport okulun  boksörları kazandılar 3 altın, 3 gümüş hem 3 bronz.  Nicä nışannadı  trener Şȇrali Turgunov,  çocuklar pay…

150-dän zeedä gencecik güreşçi gösterdi uurunu Gagauziyanın çempionatında

Serbest güreşi yarışmakları geçti Kıpçak küüyündä. Bu yarışmaklar yardım ederlär genç güreşçilerä hazırlanmaa Moldovanın serbest güreş çempionatına. Gagauziyanın serbest güreşi çempionatında Kıpçak küüyündä pay aldılar 13 yaşınadan güreşçilär bütün avtonomiyadan. Yıl-yıldan taa çok uşak havezlän geler güreşä. Yarışmaklarda pay aldılar 150 güreşçidän zeedä, güreşlär geçtilär 13 aarlık kategoriyasında. Hepsi güreşçilär gösterdilär kendilerini üüsek uurda. “Bizdä Gagauziyada 800 kişiya kadar çoçuk güreşlän zanaatlanêr, işleer 26 trener. Onuştan biz yapêrız çempionatı etaplara görä. Büün Kıpçak küüyündä, taa Kongazda yaptık, olacek Komrat kasabasında da”, — açıkladı Gagaziya sport bakannıın uzmanı Pötr Kuru. Yarışmakların davacısı Mihail Molla çizgiledi, ani bu çepmionat yardım edecek bulmaa…