Eni proekt çalışannara küçük uşaklarlan

Nicä  bulmaa balansı  aylän  hem  işin arasında  — büük bir soruş. Regionun  karıları nışannȇȇrlar,ani  zor  olmaa ii çornacıyka,  becerikli  işçi hem  ana birkettä . Ama  bu  problemdan bulundu  çıkış . Kongaz küüyündä  » Asena-Tekstil»  fabrikasının  aulundan  proektin giriştirlenmesinin hatırınnan. Temayı ilerledeer Marina Topal.

Kongaz küüyün  » Asena-Tekstil»  fabrikasının  aulunda  uşak meydanı  koyuldu  . Bu proekti   giriştirdi  hem  ödedi  UNFPA  kurumu  barabar Moldova  Devletin  alış-veriş  palatasınnan. Proekt  doorudulu  ilerletmää deyni  aylä  zenginniklerini  iş erindä hem  vermää birtürlü hakları  koliktivin hepsi  azalarına.

NELLİ  RUSSU proektin koordinatoru : — » Uşaklar memnun.  Biz dä  sanerız,ani  bu  iniţıativa  olacȇk  örnek  başka  kurumnara deyni. Kurumnarın izmetçilerinä  deyni  bu  nışan, ki  ödercilär  olsunnar  ta saygılı  onnarın aylelerinä» .

DİANA  RUSSU Moldovanın alış- veriş palatasının  azası : — » Biz pek  sevineriz,ani   alış- veriş palatasının  azası  oldu  promoutȇr  bu  iniţıativada.  Bän isterim şükür  etmää ,ani  hep  bir  katılȇrsınız  bizim  programalara hem  olȇrsınız  örnek  başkalarına».

Fabrikanın genel  başı  Lüdmila Sert  nışannadı,ani  onnar ansızdan  katıldılar  bu proektä . Yarımı yılın içindä artık  genişlettilär  kendi  kolaylıklarını   aylelerin yardımınnan. Kurumun  başı  söledi,ani  bu işin çıkışları  belli.

LÜDMİLA SERT  kurumun genel başı  :- » İlkin biz  kavilettik  kurumun imidjını. Bizim zaametçilär  duyȇrlar kendilerini  taa çetin hem  uygun iş erlerindä. Onnar  duyȇrlar  bizim  zaametimizi  bu uurda.   Birliktä  ilerleer , nicä  professional  ölä dä  aylä  paalılıkları».

Avtonomiyanın Başkanı İrina Vlah  urguladı,  ani  büün yaşȇrız  zor  vakıtta. Analar-bobalar  geçirerlär  çok vakıt  iş erlerindä. Konuşmaa  uşaklarlan  kalmȇȇr  zaman. Onnar  büüyerlär  kendi başına.

İRİNA VLAH  Gagauziya Başkanı :- «Açan  kurumun öndercisi  kurdu  bu  obyekti  analar  uşaklarlan barabar  var nicä  geçirsinnär  türlü oluşları. Bizä  deyni  bu pek  önemli  nışan da umutlanȇrım,ani  bu diil bitki adım. Da taa çok bölä  programaa giriştirlenecek».

Kurumun işçileri  nışannadılar ,ani  şindi  var nicä  bulsunnar  balans  işin hem aylenin aralarında.

— «Şindi  uşaklarımız olacȇk yanımızda. Düşünmeyeciiz,ani  onnar sokakta kendi başına . Burada  er  kapalı. Meydan mar,oynasınnar».

Proekt  genişletmää kolaylıkları  işin hem aylenin arasında deyni  yapıldı  Evropa  birliinnnän. Bütündän harcandı 10 bin dollar.




Источник grt.md
237

İlgili statyalar

Komratta Almaniyanın GIZ kurumun yardımınnan var nicä yapılsın taa iki büük proekt

Kıran ayın 8-dä  Komradın primariyasının çalışannarı  Almaniya agenstvosunun  Strong Buisness Comunity from Moldova (SBC)  proektin  azalarınnan buluştular. Laf gitti SBC proektin ikinci komponentin plana koyulmuş olayları için. Proektin  bu  komponenti  doorudulu  ilerletmää  Komrat kasabasını. Buluşmanın süresindä  SBC proektin temsilcileri bildirttilär kolaylıkları, angılarını  verecek proekt  Komradın ilerlemesi için. Proektin başı  Rudolf  Gref  nışannadı, ani onnar yardım edeceklär muniţıpal işçilerä hazırlamaa hem  finanslamaa iki  infrastruktura proektlerini. Bundan kaarä proektin azaları  üüredeceklär   proektlerin sırasını  plannamaa. » Neylän biz sizä  var  nicä  yardım edelim? Sizinnän bilä  belli edecez  en önemli  proektleri kasabanın ilerletmesi için. Biz birkaç  adım ileri bakȇrız. Diil sade  3-4  yıla, ama …

Başkan Ukrainanın vatandaşları için Moldovada: “Lääzım düşünelim, nicä bu insannarı cümnemizin bir payı yapalım”

Devletlerin öndercileri aralarında kavga — herzaman prost. Ukrainanın hem Russiyanın aralarında durumda bir çıkış var — dialog. Lääzım annaşmaa hem düşünmää o insannar için, angıları orada yaşȇȇrlar. Bunu açıkladı Gagauziyanın başkanı İrina Vlah GRT kanalında “İntervyu nedeli” programasında. Moldovaya Ukrainadan cenk olayların çeketmesindän 101 bin insandan zedä geldilär. Onnarın arasında var 49 bin uşak. Devletin merkezlerindä 4 bin insandan zeedä erleştilär, taa çoyu onnardan karılar hem uşaklar. Devletin yaşayannarı kalmadılar bir tarafta da bütün ürektän yardımnan karşıladılar onnarı, açıkladı Gagauziyanın başkanı İrina Vlah. «En ilkin biz yalvardık insannara yardım etsinnär rubaylan, ayakkaabıylan hem, kimin var kolayı, ellerinä alsınnar. Büün biz…

Germaniyadakı GIZ kurumu yardım edecek Komratta eni proektları giriştirmää

Komratta geçti buluşmak erideki kuvetlerin temsilcilerinnän hem GİZ kurumun delegaţiyasınnan. Taraflar baktılar soruşları, baalı  eni proektın giriştirilmesindä soţial hem ekonomika uurunda. «Kaavi cumnenär hem bizness Moldova için» proektın başı Tomas Förh nışannadı, ani Komratan kaarä, yardım olacek devletin başka yaşamak punktlarına da. “Bu proekt iki kasabada olacek — Komratta hem Sorakada, hem da Edineţ, Leova, Strȇşeni dolaylarında. Bu proekta para verilecek Almaniyadan hem Evropa Nasaatından hem sürtecek 4 yıl”, — açıkladı proektın başı. Yakın zamanda taraflar genä buluşaceklar deyni  bu uurda kaavileştirmää baalantıları hem belli etmää işin sırasını, nışannadı kasabanın başı Sergey Anastasov. O ekledi, ani  taa ileri ii proektları…

Moldovada açıldı şarap turizması marşrutlar. Biri onnardan üülen tarafında geçer

Moldovada kurdular dört şarap turizması marşrutlarını. Ona girdilär Moldovanın 10 şarap kurumu. Şarap turizması marşrutlarına girdi  dört  turistlik yolu: Ştefan Vode, Valuluy Traiyan, Kodru hem Moldovanın poyraz dolayı. Proektin neeti — birleştirmää kultura zenginniklerini şarap uurunda. Proektin menecerları tanıştırdılar musaafirleri regionnan hem annattılar meraklı erlär için. Musaafirlär dä paylaştılar kendi bilgilerinnän bu uurda. “Bän sevinerim açıklamaa  bu proektı, angısı baalı şarap turizmasınnan Moldovada hem Rumınıyada. O pek önemli bizim regiona deyni, çünkü bizim regionda şarapçılık ilerleer, da hepsi turistik obyektları, angıları bizdä var, kabledeceklär üüsek gelirleri bu proekttan. Çünkü biz açacez eni marşrutları hem  te onnarı, angıları  var bizim regionda…

Komratta industrial kolecin düzülmesi ilerleer

Gagauziyanın Başkanı İrina Vlah, Moldova başbakannıın yardımcısınnan ţifra tehnologiyaları ilerletmesi soruşlarında Üriy Ţurkannan, Üüretim ministrusunnan Anatoliy Topallan hem Moldovada TİKA kurumun başınnan Selda Özdenooluylan barabar baktlar ne uurda gider Komratta industrial kolecin düzülmesi. Komrat kasabasında düzülän industrial kolecindä üürenäbileceklär 600 student. Üürenicilerä deyni düzülecek 500 kışılık yaşamak binası da.  Bundan kaarä olacek sport kompleksi, düzüleceklär yollar hem binanın ortasında özel dinnenmäk aulu yapılacek. Büünkü gündä sıralanmış işlerin yarısı şansora yapıldı. Büünkü gündä şansora kaldrıldı kolecin baş binası, koyulȇr binanın örtüsü. Bu işlärlän barabar binanın içända da işlär ilerleerlär. Regional kuvetleri proektä görä buradan geçan elektrik yollarını çıkardılar binanın bir tarafına.…