Moldovanın tek kurumu eko evleri yapȇr. Bu yıl » İnvest Gagauziya-2022″ forumunda onnar kendi biznes ideyasını temsil ederlär.Zamandaş üretim 2021-ci yılda seftä başladı çalışmaa. Komradın iki yaşayanı Evropada çok yaşadıkatan sora vatanında kararladılar bölä biznesi açmaa.Çekettirmää deyni biznesı lääzım oldu million leyä yakın.Neçin bu evleri lääzım Gagauziyada yapmaa annattı Zahariy Dolomanci.
Gagauziyanın Kultura evlerin çöyuna lääzım remont yapılsın. Bunu için haberledi Gagauziyanın kultura Bakannıın başı Marina Semönova, temsil edärkana kultura bölümün çıkışlarını 2021 yılı için. Geçmiş yıl dolay bücetindän Kultura evlerin tertiplemäk işlerinä verildiydi 2,5 million ley. Kimi dolay Kultura evlerin binaları şindiki zaman bulunȇrlar kötü durumda. Gagauziyanın kultura Bakannıın başı Marina Semönova nışannadı, ani bu problemanın çözülmesi ön daavaların aarasında bulunȇr. MARİNA SEMÖNOVA Gagauziyanın kultura Bakannıın başı: «Belli, ani avtonomiyanın 10 kultura evi bulunȇrlar ii durumda. 7-dä lääzım üstün remont geçirlensin, taa edi Kultura evindä derindän düzücülük işlär lääzım geçirsinnär. 2 ev daalȇr hem birisini dä 2018-ci yılda taa yıktılar».…
Komratta «Nicä ilerletmää küçük hem orta biznesi» konferenţıyası geçti. Pay alannar lafettilär biznes ilermesinin perspektivaları için. Açıkladılar problemaları, angıları engel ederlär küçük hem orta biznesi götürmää. Belli ettilär, koly mı ya da zor Moldovada kendi biznesını açmaa çiftçi, yapıcılık, trasport, IT, alış veriş sektorlarında. Hep ölä açıklandı investiţıya, para hem grant kabledilmesi temaları. İş adamnar biznes ilermesi için kolaylıkları üürendilär, nicä hükümetin tarafından yardımı kabletmää, tanıştılar başarılı iş adamnarınnan. ODİMM annatı iş adamnara üüretim kursları için, türlü sergilerdä pay almaları için. Hep ölä açıklandı Gagauziyadan proktlerin içindelii hem onnarın kolaylıkları grant kabledilmesindä. «Gagauziyada bölä buluşmaklar her yıl isteeriz geçirmää, ki…
Moldovanın dava instanţiyası taa bir gagauz kanonunu durguttu. Bu sıra Komradın Apelläţiya davası Gagauziyada durguttu «kanon ayırı çalışmak soylarına görä liţenziyası için». Dava kurumun saytında kararın bir payına rezolüţiya peydalandı. Onda söleniler, ani isk Gagauziyada kanonun zapedilmesinä ayırı çalışmak soylarına görä liţenziya durguduldu. «Komradın administrativ bürosunun iskını bildirmää, Gagauziyanın erideki kanonunu «Ayırı çalışmak soylarına görä liţenziya durgutmaa» — söleniler Komradın Apelläţiya palatasının rezolüţiyasında. Bu kanon «Gagauziyada ayırı çalışmak soylarına görä, liţenziya» 22 yıl çalışȇr. O 2000-ci yılda kabledildi. Kanonun kabledilmesi için kendi bakışını Halk Topluşunun deputadı ikinci çaarıştan İvan Topal açıkladı. Avtonomiyanın ekonomika ilerlemesindä bakannıın eski başı Vitaliy Kürkçü sayȇr, ani…
Gagauziyada canavar ayın 19-da 1946-47 yıllarında aaçlık kurbannarın anmak günü bakılȇr. Bu aaçlık, istoriklerin laflarına görä, Moldovanın üülen tarafı için hem gagauzlar için oldu en büük bela yılları. O zamannar aaçlıktan savaştı insan bütün Moldovada, ama ölüm bu zarardan 10 kat taa zedäydi. Gagauziyada aaçlık kurbannarın anmak günü 2019 yılından bakılȇr. Ofiţial statistikaya görä 1946-47-ci yıllarda Moldovada aaçlıktan yakın 200 bin kişi öldü. Laf gider o insannar için, kimin ölümnük dokumendindä sebep distrofiya yazılı. Ama istoriklär sayȇrlar, ani kurbannarın sayısı taa da zeedä. Sade 1947 yılın küçük ayın 15-dän respublikada 208 941 distrofiyadan hasta insan sayıya koyuldu. En pek bundan zararlandı…
Avtonomiyanın investiţiya potenţialın tutturması – erli kuvetlerin önemli prioritetların biri. Neetlän biznesı ilerletmää Gagauziyanın biznes tutturmak fondundan kimi subsidiyalar verilecek. 5 yılın süresindä yakın 2 milion 400 bin ley Çadır muniţipiyasının kompaniyası kabledecek, angısı 70 iş eri açtı. Gagauziyanın en büük kompaniyaların biri 2016 yıldan üzüm çekerdeendän oloyun hazırlanmasınnan zanaatlanȇr. Kabledilmiş malını Evropadakı panerlerinä yollȇȇr. Kurum tehnika infrastrukturanın, transportun hem işin koşulların modernizaţiyasından sora başladı bu işi yapmaa. En önemli, ani eni iş erleri açıldı bakmayarak pandemiya vakıdına. Peydalandı lääzımnık eni alış-veriş erlerini bulmaa. Kurumun başı Valentina Uzun nışannadı, ani ileri Kitay devletinnän işlärdilär, panerlerin kapanmasından sora, Evropa Birliinä geçtilär.…
Please confirm you want to block this member.
You will no longer be able to:
Please allow a few minutes for this process to complete.
