Duudurmak bölümü Çadır – Lungada kabletti eni tehnika avadannıklarını

Çadır — Lunga muniţıpiyasının perinatal merkezi kabletti eni zamandaş tehnikayı, ki  vakıdında zor  duuduran karılara yardım etmää. Proektin ilk  payında tehnika alınmasına harcandı  104  bin dollar. Tehnikayı satın aldı  insannarı  destekleyän OON fondu Amerikanın yardımınnan. Proekt  verecek  kolaylık  insana kaliteli  medik yardımını  vermää.

Çadır  kasabasının perinatal  merkezinä gumanitar  yardımı  zamandaş  tehnikaylan geldi. Tedarıkları erleştireceklär operaţıya zalasında: eni masalar, tehnika aneteziyayı koymaa deyni hem anayı uşaklan bilä ilk saatların içindä kontrol edän tedarlıklar.

«Belliki, medik  yardımı üüsek uura kalkacȇk. Biz taa kaliteli  yardım  edeciiz ana olmaa  hazırlanan karılara. Yok  okadar  laf, nekadar biz  şükürüz te o insannara kim yardım etti  bu  tehnikayı  bizä  satın almaa», — nışanadı perinatal merkezin  başı Valentina  Pelipenko.

Duudurmak bölümünä yapılan yardım baktırȇr verilän medik yardımını kaldırmaa taa üüsek uura, kaviletmää  kolaylıkları  taa ii  gözletmää ana olmaa hazırlanan karıları, saalıklı  uşaa dünneyä  getirmää hem duudurmaktan sora vakıdı kontrol etmää.

«Bizim bölüm, bizim palatalar, operaţıya  zalasında  olacȇk  en  ii  hem  zamandaş  tehnika.Onnarı  kullanȇrlar, ki karılar  kolay  hem  salıklı  uşakları  duudursunnar. Bizim merkez olacȇk en ii bütün Gagauziyada», — nışanadı Gagauziya saalık bakanı Svetlana Duleva.

 

«Hepsi  tedarlıklar, mobila  hazırlandı  hem satın alındı  maasuz bu  merkezä  deyni», — açıkladı Çadır-Lunga  administraţiyasının başı Natalya  Şoşeva.

Hep ölä UNFPA duudurmuş  karıların  palatalarını da mobilalaylan donattı. Satın alınacȇklar ruba dolapları, yatak başı dolapları, kondiţionerlar. Medik mobilası – dolaplar hem buz dolapları ilaçlar için hem  başka  pek  lääzımnı avadannıklar.

«Bizim  yardım proektin bir  payı onun için, ki  avadannıklar  hem  tehnika yardım etsin erli  insannara  hem  Ukrayından  kaçan  insannara», — açıkladı UNFPA temsilcisi Anastasiya Primova.

Kaliteli  medik  yardımı  bu  avadannıklarlan olacȇk  taa kaliteli, nışannȇr  diş  işleri  bakanı  Vitali  Vlah.

Canavar hem kasım ayların süresindä  UNFPA  bütün Moldovada 22  duudurmak  zalasına eni avadannık vereceklär, ne yardım edecek  15  bin uşak  saalıklı  duusunnar. Zamandaş  tedarlıklar koyulacȇklar devlet  hem  erli  uurunda  duudurmak evlerin 7  reanimaţıya odalarında.

Reportör: M. Topal

Video: V. Tabaçuk

Kurgu: A. Topal




Источник grt.md
275

İlgili statyalar

Çadır-Lungada büük remonttan sora açtılar duudurtmak bölümünü

Çadır kasabasında Perinatal bölümü düzmäk işlerindän sora açıldı. Şindi o hazır kabletmää karıları hem Çadır dolayından, hem başka dolaylardan. Mediţina merkezindä var zamandaş tehnika ki kaliteli mediţina tardımını vermää. Devlettä mediţina bölümü ilerlesin deyni lääzım olsun ii infrastruktura, tehnika hem becerikli uzmannar. Bu en önemli ki eni yaşamak için koşullar olsun. “Büün biz bitki etapta bulunȇrız. Başarȇrız düzmäk işlerini. Burada var zamandaş tehnika.  Bölä tehnika var devlet mediţina kurumnarında”, — söledi Gagauziya saalık bakanı Svetlana Duleva. Nışannandı, ani büünkü koşullar Çadır kasabasınınperinatal merkezindä hep ölä nicä da Kişinövdakı Ana hem uşak merkezindä. Bütündän düzmäk işleri yapıldı  avtonomiya bücetindän, tehnikayı aldı…

Komrdadın duudurmak bölümü kabletti eni tehnikayi

Komradın dolay bolniţası kabletti eni tehnikayi. O geldi OON fondundan. Tertiplär duudurtmak bölümü için. OON Fondu Moldova bolniţaların 7 duudurtmak bölümnerinä eni tehnikayi getirmää deyni her taraftan işini yaptı. Yardımı kabledän bolniţaların sırasına Komradın hem Çadır-Lunganın duudurtmak bölümneri  da alındı. Medik kurumnarınnan birliktä kararlandı ne lääzım alınsın deyni izmetleri hem yardımı taa kaliteli vermää.  «İlktän açıklandı lääzımnı tedarıklar, sora ȇkspertlär duudurtmak bölümnerindä işledilär. Müdürleri hem doktorları soruşturdular, ne etmeer hem ne zorluklar var işlärkana. Ȇkspertlär halklarası iş ortaklarınnan işledilär», — haberledi Moldovada UNFPA kurumun cümne baalantıları koordinatoru Аnastasiya Primov. Tedarıkları getıirdiynän, bioinjinerlar onnarı erlerinä koyup çalıştırêrlar. Sora uzmannara trening yapêrlar,…

Çadır – Lunga bolniţasına verildi 300 million ley derindän remont işlerinä  

Gagauziyanın vatandaşı Mihail Vlah kendi facebook sayfasında erleştirdi fotoları, angılarında  gösterili Çadır – Lunga dolay bolniţasının duudurmak bölümün koşularınnan baalı problema. Bu günnerdä bizim televizion grupamız bulundu medik kurumunda hem yakından tanıştı durumnan. Çadır – Lunga dolay bolniţasının öndercisi Natalya Popazoglo nışannadı, ani fotolar, angılarını erleştirdi Gagauziyanın cümnä aktivisti Mihail Vlah, açıklȇȇrlar problemayı, angıs vardı medik kurumun perinatal merkezindä. O  çeketti çalışmaa taa 1990 – ci yıllardan beeri, da o zamandan orada yapılmadı derindän remont işleri. Gagauziya Bakannık komiteti karaladı vermää  3 million ley remont işlerini perinatal merkezindä yapmaa. O bulunȇr yapının 3 – cu katında. 2021 – ci yılda …

Çadır – Lunga bolniţanın duudurmak bölümü enilener

Çadır muniţipiyasının dolay bolniţasında düzmäk işleri gider. Bu uura doorulu 2,9 mln.ley avtonomiyanın bücetından kapital investiţiyalar programasına görä. Gagauziyanın Başkanı İrina Vlah kontrol etti ne uurda iş gider. Çadır dolay bolniţasında Perinatal merkezindä düzmäk işlerindän kare koyulacek eni tehnika ki duudurmaktan sora karılar hem uşaklar ii koşullarda bulunsunnar.  Eni tehnika hem tedarlıklar alınaceklar palatalara, imäk odasına hem gigiena odalarına. “Mediţina kurumnarı – soţial – ekonomika infrastrukturasının önemli payı. Lääzım  ilerletää saalıı korumak sistemasını  hem duudurtmak için ii koşulları yapmaa”, — nışannadı Gagauziyanın Başkanı İrina Vlah. Bu günä kadar düzücülär duvarların suvasını hem kimi duvarları yıktılar, eski komunikaţiyaları daattılar. Döküldü erlär,…

/Video/ Valkaneş bolniţası kabletti Almaniyadan yardımı

Valkaneş dolay bolniţasına Almaniyadan mebel tedarıkları getirildi. Yardımı devletimizä getirtti Halk antikrizis ştabı kurucusunnan Viktir Petrovlan başında. Valkaneş dolay bolniţasının medik uzmanı Oksana Radukan açıkladı, ani bolniţa kabletti eni medik yataklarını, kuşȇtkaları, skemneleri, dolapları, yorgannarı, çarşafları hem  konservalı meyvalarlan, zarzavatlarlan bankaları. «Biz pek  bekledik bu  yardımı. Te, ne büün geldi bizä, lääzımnı. Bolniţada bulunan hastalar lääzım islää koşullarda bulunsunnar. Şindi bu eni tedarlıklarlan bizä taa kolay olacȇk işlemää hem insana da raat», — söledi Oksana Radukan. Almaniyadan getirilmiş yardım zamanında geldi, nışannȇȇrlar bolniţa hastaları. » Sevineriz. Hepsi  bolniţada eskidi. Saa olsunnar te onnar, kim yardım eder hem  ilaçlȇȇr bizi». »…