Dm.Karaçoban adına liţeyin üürenicileri bir günä üüredici oldular
Komrat kasabasının D.Karaçoban adına liţeyin üürenicilerinä verildi kolaylk bütün gün geçirmää urokları üüredicilerin erinä. Bölä iniţiativaylan çıktılar okulun büük klasların üürenicileri.
Bu günün baş neeti topluydu onda, ani vermää kolaylık üürenicilerä duymaa üüredicilik işin cuvapçılıını hem taa annayışlı üüredicilerä dooru kendilerini götürmää.
YANA, Komrat kasabasının D.Kara Çoban adına liţeyin üürenicisi: «Bän pek sevdim bölä dersleri, onnar vererlär bizä kolaylık ilerletmää bilgilerimizi. Yardım ederlär bizä annamaa üüredici zanaatını derindän».
Büük klasların üürenicileri büük dikkatlıklan kendilerini üüredicilik uurunda denedilär. Çoyu, sevip urokları geçirmää, gelecektä bu zanaatlan balamaa kendilerini isteerlär.
ALEKSANDRA KARAYANİ, Komrat kasabasının D.Kara Çoban adına liţeyin üürenicisi: «Bän denedim kendimi büün rumın dili üüredicisi gibi. Pek sevdim, hem düşünerim gelecektä yaşamamı bu zanaatlan balamaa».
VİKTORİYA BEJENAR, Komrat kasabasının D.Kara Çoban adına liţeyin üürenicisi: «Bu iş pek faydalı üürenicilerä deyni. Düşünerim, ani çoyu büün annadılar, yakışȇr mı bu zanaat onnara, osa yakışmȇȇr mı».
SERGEY SEMÖNOV, Komrat kasabasının D.Kara Çoban adına liţeyin üürenicisi: «Bän seftä kendimi üüredici gibi denedim. Sayȇrım, ani bölä günneri, en azdan, iki sıra yılda lääzım geçirmää. Uşaklar da, angıları, beki, isteerlär kendilerini üürediciliklän baalamaa, annasınnar bu işi».
EGOR ŞEVÇENKO Komrat kasabasının D.Kara Çoban adına liţeyin üürenicilär nasaatın öndercisi: «Biz seftä üstümüzä aldık urokları götürmää, ama sayȇrım ani gelecektä taa sık bu işi yapacȇz».
Komrat kasabasının D.Kara-Çoban adına liţeyin üürenicilär nasaatın öndercisi nışannadı, ani tezdä onnar teklif edeceklär üürenmäk kurumun önderciliinä ki bu günneri taa sık geçirmää.
Источник grt.md
