Dionis Tanasoglunun yaptıkları unudulmadı

Orak ayın 7-dä  Komrat  Devlet  universitetindä  «Dialog millet dili  için hem  onun rolü kultura, üüretim hem incäzanaat ilerlemesindä» temayalan bilim – praktika konferenţıyası geçti. Oluş baalıydı Dionis Tanasoglunun duumasından 100 yıldönümünä.

Sabaalen  Gagauziyanın bilim adamnarı, üüredicilär, Dionis Tanasoglunun  dostları, ortakları Komrat  Devlet  universitetin şannı  alleyasında toplandılar, ki  anmaa gagauz yazıcısını hem onun büstuna çiçekleri  koydular.

«Büün önemli gün. Dionis  Tanasoglu nekadar  yaşadı  hepbir  sölärdi, ani  biz diil lääzım gagauz dilini  unudalım. Koruyunuz  Gagauziyayı, ilerledin gagauz dilini «, — söledi KDU rektoru Sergey Zahariya.

Esaba alarak  Dionis Tanasoglunun yaptıklarını  gagauz dilin korumasında hem ilerlemesindä hem  onun 100-cü  yıldönümünü, M.Maruneviç adına  bilim -aaraştırmak  merkezi  » Dialog millet dili  için hem  onun rolü kultura,üüretim hem incäzanaat ilerlemesindä» temaya görä  bilim — praktika konferenţıyası geçirdi.

«Büün gagauzların yazısı  var. Gagauz dilindä  tiparlanȇrlar kiyatlar  hem  gazetalar. Kulturamız ilerledi. Şindiki  zaman  bütün dünnä  gagauzlar için biler hem taa üürenecek  tä. Bu  lafları  Dionis Tanasoglu  yazmış  «Bucaktan seslär» kiyadın ilk sayfasında  1957-ci  yılda «, — açıkladı BAM başı  İrina  Konstantinova.

Gagauziyanın başkanı  İrina  Vlah  nışannadı, ani  Dionis Tanasoglu örnek nicä   uşak  küçük küüdän  var nicä  zor  yaşamak  yolunu  geçsin hem  braksın  bukadar derin  iz halkın istoriyasında.

«Dionis  Tanasoglu  kendi  yaşamasınnan  bildirtti, ani  herbiri  istärsä  var nicä  iilik yapsın. Ama yaparkana diil lääzım beklemää  ney sä  geeri», — söledi başkan.

Dionis Tanasoglu pek  çok kaçındı, ki  ilerlesin  gagauzların  kulturası  hem incäzanaatı, çizgiledi  filologiya doktoru Vitaliy  Sırf.

«Büünkü  konferenţıya  adalı  yazıcının yıldönümünä. Bu  oluş  birleştirer bizi  hem gösterer Tanasoglunun  yaptıklarını. Onun patriotik  duyguları  yardım etti  gagauzların kulturasını ,yazısını  eni  uura kaldırmaa».

«Düz-ava» oyun hem türkü ansamblisi yortulu konţerdi  hazırladı. Hep  ölä  Dionis Tanasoglunun «Neçin, neçin» türküsü  konferenţıyada öttü, onu çaldı  İvan  Babov.




Источник grt.md
356

İlgili statyalar

Gagauziyada Dionis Tanasogluya adalı simpozium geçti. Onda laf gitti gagauz klasiin zaameti için halkına

2022-ci  yıl Gagauziyada adalı Dionis Tanasogluya. Bu yılın süresindä avtonomiyada D.Tanasoglunun duumasının 100 — cü yıldönümünä baalı 272 olay yapıldı: konferenţiyalar, açık derslär okullarda, sergilär. GRT Cümne Kompaniyası da 2022-ci  yılda yaptı hem yayınnadı bir sıra programa baalı D. Tanasogluylan. Kıran ayın 13-dä  Gagauziyada regional simpoziumu geçti, neredä  bilim  adamnar  annattılar D. Tanasoglunun yaratmak yolu hem  yaşaması için. Simpoziumu M.Maruneviç adına  Bilim-aaraştırma  merkezi  Gagauziya Kultura bakannıınnan barabar hazırladılar. Bu  yıl anılmış  gagauz yazıcısına, şayırına, filologiya doktoruna, Dionis  Tanasogluya adalı 2022-ci  yılda  geçirildi  türlü  buluşmalar, bilim konferenţıyalar açık derslär  okullarda, angıları  baalıdı  Dionis Tanasoglunun yaratmak  yolunnan hem ecelinnän.  Oluşlar derindän açıkladılar…

Kiriyettä Dionis TANASOGLUya byust açıldı

Büük ayın (yanvar) 13-dä Gagauziyanın Kiriyet küüyün “Dionis TANASOGLU” adına gimnaziyanın aulunda açıldı bronzadan byust gagauzların anılmış yazıcısına Dionis TANASOGLUya. Kiriyet küüyün “Dionis TANASOGLU” adına gimnaziyanın aulunda yazıcının byustunu kurmaa deyni Gagauziya Halk Topluşun Kiriyet küüyündän deputatına Mihail JELEZOGLUya bir tekliflän danıştı bu gimnaziyanın gagauz dili hem literaturası üüredicisiykası Anna Kirilovna GÜMÜŞLÜ. Nedän sora, GHT deputatı Mihail JELEZOGLU Gagauziya öndercilerinä bu işlän danıştı da Gagauziya İspolkomu proekt için gagauz halkın paralarından para ayırdı. Lääzım urgulamaa, ani yazıcı Dionis TANASOGLUnun ana-boba evi durardı taman o erdä, neredä büün gimnaziya bulunêr da byustun burada açılması halizdän bir simvoldur. Dionis TANASOGLUnun byustun açılış…

Gagauziyanın uşak başçalarında Dionis Tanasoglunun 100 yaşına baalı anmak olayları geçer

Aprel ayı Gagauziyada Ana dilinnän baalı. D. Tanasoglunun 100 yaşına görä 2022 yıla avtonomiyada onun adı verildi. Buna görä üüretmäk kurumnarında geçirilecek oluşlar gagauz dilindä, angıları baalı yazıcının, pietçinin, dramaturgun Dionis Aganın yaradıcılıına. Beşgioz küüyündä geçti bölä bir oluş. Yazıcının Dionis Tanasoglunun 100-cü yaşına baalı yortulu oluş gagauz dilindä Beşgioz küüyündä «Güneşçik» uşak başçasında geçirildi. «Mardın bitkisindän çekettik oluşları yaslada geçirmää. «Мasal-masallansın» ikinci grupadan çekettiynän terbiedilennärlän göstereriz, şiirleri okuyȇrız, oyunnarı oynȇȇrız», — annattı uşak başçasının başı Nadejda Stoyanova. Üüredicilär uşaklarlan türlü boyda geçirdilär yarışmayı pak gagauz dilindä Dionis Tanasoglunun yaratmalarınnan. «Bu gün, uşaklar, biz tanışacez D.Tanasoglunun şiir yaradıcılıınnan. Yazıcı, şayır…

Dionis Tanasoglunun yaradıcılıına baalı oluş geçti Komrat S.Kuroglo adına gimnaziyasında

Komrat kasabasının Stepan Kuroglo adına gimnaziyasında geçti toplantı, angısı adalıydı  yazıcının, üüredicinin, muzıkantın, dramaturgun  Dionis  Nikolaeviç Tanasoglunun 100 – cü yıldönümünä. İki ayın süresindä Komrat kasabasının Stepan Kuroglo  adına gimnaziyasında  geçiriler oluşlar, baalı peetçiya, yazıcıya,dramaturga, folklorista, gagauz dilindä  ilk yaratmanın avtoruna Dionis Tanasogluya. Hepsi onnar hazırlanȇr üürenmäk kurumun gagauz dili,  literatura, gagauz halkın adetleri üüredicisinnän Vera Arakelännan. Gimnaziyanın başlankı klasların üürenicileri  hazırladılar programayı avtorun yaratmalarına görä. Dionis Nikolaeviç Tanasoglunun 100 –cü yıldönümü için üürenmäk kurumu plana koydu  geçirmää bir sıra toplantıları, angıları geçeceklär nicä erli, ölä da regioun uurunda. Источник grt.md

Gagauziyada Dionis TANASOGLUnun yılı ilerleer

Gagazuiyanın İspolkomu, esaba alarak, ani bu yıl, Orak ayın (iyül) 7-dä, tamamnanacek 100 yıl büük gagauz aydınnadıcının hem yazıcının Prof. Dr. Dionis Nikolaeviç TANASOGLUnun (07.07.1922 – 23.08.2006 y.y.). duuma günündän, 2022-ci yılı Gagauziyada Dionis TANASOGLUnun yılı olmasını açıkladı. Bu – sıradan dışarı bir kultura olayı. Çünkü bu iş, gagauz dilinin hem literaturasının direklerindän birisi olan, Prof. Dr. Dionis Nikolaeviç TANASOGLUnun gagauz dilin hem kulturasının ilerlemesindä zaametlerinin, yazıcı hem bilim adamının sonsuz çalılşmalarının tanınması hem ona büük saygı. Bir simvoldır, ani Dionis Nikolaeviç TANASOGLUnun razgeldi başka bir yortuya, angısını Canabisi baaşladı bizä – gagauz yazılarının 65-ci yıldönümünä. Dionis Nikolaeviç, bu yazıların…