Dionis Tanasoglonun 100-cü yıldönümünä karşı Komratta regional bibliotekasında andılar onun katkısını gagauz halkına

Baurçu küüyün bibliotekasında geçti tombarlak masa hem sergi, baalı yazıcının, peetçinın Dionis Tanasoglunun100 –cü yıldönümünä. Gagauz yazıcısı, gagauz dilindä ilk romanın avtoru, şayır, üüredici, muzicacı, kompozitor, gagauz alfabetin kurucusu, folklorist, dramaturg, Milli teatru incäzanaatın kurucusu Dionis Tanasoglu bu yıl 100 yaşını tamannayaceydı. Tombarlak masa adalıydı bu büük insana. İstorik hem yazıcı Konstantin Kurdoglo çizgiledi, ani  bölä insannarın yaratmak yolu için lääzım hepsi bilsinnär. «Elbetki,bu şannı adam derin iz braktı istoriyada. Var taa bölä laflar halkların arasında, ani açan adam talantlı, o diil sade bir uurda talantlı. О çok açık her taraftan. Haliz Tanasoglo bölä bir adamdı. Bizä örnek nicä patriot…

Kiriet küüyündä  aandıar gagauz yazıcısını, şairi, dramaturgu D. N. Tanasogluyu. Küü gimnaziyasının uşakları barabar üüredicilärlän hazırladılar programayı, angısı duygulandırdı hepsi musaafirleri. Bu yıl gagauz yazıcısı, şair, dramaturg, gagauz dilindä ilk romanın avtoru D. Tanasoglo tamannaceydı 100-cü yıldönümünü.  Onun ana Kiriet küüyün gimnaziyasında açtılar onun adına anmak taftasını. Bu ideyaylan çıktılar insannar, angıları bilerlär onu hem sayȇrlar, ani bu adamı lääzım herzaman tutsunnar akıllarında evlad boyları da. Tanasogluların soyu anıldı bütün küüya , nışannadı liţeyın direktoru Valentina Molodıka. Gimnaziyanın üüredicileri hem üürenicileri hazırladılar muzika-literatura spektaklisini, angısında annadılȇr D. Tanasoglunun yaradıcılık yolu için. Gagauz dili üüredicisi Anna Gümüşlü nışannadı, ani  taa küçüklüündän…

Baurçu küüyün gimnaziyasında geçti yortulu oluş baalı yazıcıya, peetçiya, dramaturga, folkloristä, gagauz dilindä ilk romanın avtoruna Dionis Tanasogluya, angısı bu yıl tamanaceydı 100 yaşını, hem gagauz dili Gününä karşı. Baurçu küüyün üürenmäk kurumun 5 – 9 klaslarda üürenicilär annatılar gagauz  yazısının kurulmak yolunun ilk ȇtapları için, hem Dionis Tanasoglunun gagauz üüretim hem kultura uurunda katkıları için. Gagauziyanın Başkanı İrina Vlah çizgiledi üürenmäk kurumun üüredicilerin üüsekprofessionallıını, hep ölä danıştı üürenicilerä istemeklän üürensinnär kendi ana dilini. Gimnaziyanın öndercisi Galina Pamujak çizgiledi, ani üürenicilär kendi ana dilini üürenerlär büütün üürektän, da hepsi bunnar olȇr üüredicilerin yarımınnan. Dionis  Nikolaeviç Tanasoglonun 100 –cü yıldönümü için…

Orak ayın 7-dä  Komrat  Devlet  universitetindä  «Dialog millet dili  için hem  onun rolü kultura, üüretim hem incäzanaat ilerlemesindä» temayalan bilim – praktika konferenţıyası geçti. Oluş baalıydı Dionis Tanasoglunun duumasından 100 yıldönümünä. Sabaalen  Gagauziyanın bilim adamnarı, üüredicilär, Dionis Tanasoglunun  dostları, ortakları Komrat  Devlet  universitetin şannı  alleyasında toplandılar, ki  anmaa gagauz yazıcısını hem onun büstuna çiçekleri  koydular. «Büün önemli gün. Dionis  Tanasoglu nekadar  yaşadı  hepbir  sölärdi, ani  biz diil lääzım gagauz dilini  unudalım. Koruyunuz  Gagauziyayı, ilerledin gagauz dilini «, — söledi KDU rektoru Sergey Zahariya. Esaba alarak  Dionis Tanasoglunun yaptıklarını  gagauz dilin korumasında hem ilerlemesindä hem  onun 100-cü  yıldönümünü, M.Maruneviç adına  bilim…