Çiftçilik ministrusunnan buluşmakta açıklandılar gaza hem başka mallara kalkan paaları
Komrat dolayın başı İvan Topal çiftçilik ministrusunun Vladimir Bolänın aklısına getirtti, ani avtonomiyanın yaşayannarını dual gazın paası raatsız eder.
İVAN TOPAL, Komrat dolayın başı: «Açan 4,7 ley ödärdik, enseyäbilärdik. Ama şindi açan 1000 kub için 1450 ödeniler, nicä düşünersiniz, neylän insan ödeyecek?».
Şarap fabrikalarının birinin çalışanı Oksana Sarı çiftçilik ministrusuna söledi, ani Moldova-gaz kurumu hınşır telefon açȇr, ki vakıtlan ödeyelim.
Oksana Sarı, iş adamı: «Annaşın bitki-bitkiyä gazın paayı için. Bizim mallarımız esaba çıkmayaceklar. Kolegalarımı tutturȇrım kreditli vergi avans ödemesindä».
MD çiftçilik ministerliin öndercisi Vladimir Bolä urguladı, ani hükümet kabletti kararı kıştan çıkmaa deyni. O inandırdı, ani Hükümettä dual gazı için cuvap edennär Rusiyaylan annaşmayı götürerlär.
VLADIMIR BOLÄ, MD çiftçilik ministerliin öndercisi: «Çiftçilik ministerlii programayı devletin çiftçilerin tutturmasında kararlȇȇr. İmek malların saalıklı durumu önemli imek yapannarına deyni. Onnarın çoyu dual gazında yapȇrlar malları. Kompensaţiya paketi iş uurunda bulunȇr».
Gagauziyanın Başkanı İrina Vlah belli etti, ani bu zor vakıtta lääzım sorumnu koşulları agrariyalara deyni yapmaa.
İRINA VLAH, Gagauziyanın Başkanı: «Çiftçilik uurunda problemalar ȇnergetikaya baaladılı bizdä seftä oldular. Pek önemli partnörlarlan annaşmaa, angıları ȇlektroȇnergiyayı vererlär».
Avtonomiyanın yaşayannarı dual gazın paalılanmasınnan dalgalı, çünkü paa ona 5 keredä büüdü, bu pek düüyer insanın cöbünä.
Источник grt.md
