Çevirmäk konkursun Premiyaları Galası
Ceviz ayın (sentäbri) 27-dä, Evropa dilleri Günündä, Kişinevyn “B.P. Hajdeu” bibliotekasında olan “Lafın büülülüü” („Magia Cuvântului”) dernää şerçevesindä yapıldı “II-ci Euceniu KOŞERİU (Eugeniu Coșeriu) Evropa dilleri evrenindä” Çevirmäk konkursun Premiyaları Galası sırası, angısı kuruldu Kişinev Devlet Universitetın literatura fakultetınnan ortaklıkta.
Sırayı açtı Çevirmäk konkursun proektın kordinatoru Kişinev Devlet Universitetın profesoru, Dr. Hab. Viktoriya FONAR (Victoria Fonarı). Canabisi söledi neçin yapılêr bu konkurs hem urguladı, ani Premiyaları Galası sırası denk geldi iki önemni yortuya: Evropa dilleri Gününä (bakılêr Ceviz ayın (sentäbri) 27-dä) hem Halklararası şeviricilerin Gününä (bakılêr Ceviz ayın (sentäbri) 30-da).
Viktoriya FONAR bildirdi, ani “II-ci Euceniu KOŞERİU (Eugeniu Coșeriu) Evropa dilleri evrenindä” Çevirmäk konkursunda bu yıl pay aldı 60 kişi (üürencilär, studentlar, üüredicilär hem sıradan insannar). Moldovadan, Romıniyadan. Serbiyadan, Franțiyadan hem Şveyțariyadan. Onnara teklif edildi çevirmää Euceniu KOŞERİUnun peetini “Bizim kanımız” („Sângele nostru”), neyi da yaptılar, çevirip on 14 dilä.
Dr. Hab. Viktoriya FONAR okudu bu peeti originalda, nedän sora, uurencilär hem çeviricilär okudular onu türlü düllerdä: angliyca, urkainca, nemțeycä, italyanca, ispanca, rusça h.b.
Konkursta birinci eri alannarın arasında vardı bu peeti gagauzçaya çevirän Nadejda MANASTIRLI da, Moldovada bulunan Birleşmiş Milletlär Kuruluşu ilerlemä Programası (BMKİP) zaametçiykası.
Premiyaları Galası sırası özel musaafiri oldu Kişinev Devlet Universitetın profesoru, Dr. Hab. İrina KONDRÄ (Irina Condrea). Konkusrun jürisindäydi universitetlar profesorları, bilimcilär, yazıcılar, angıların arasında vardı gagauz yazıcısı Todur ZANET ta.
Bizim kanımız
Bizim kanımızdan
doyurdular okadar halk,
Bizim kanımızdan
duudular şairlär hem rus bilgicilär,
Taa rus nekadar ruslar.
Bizim kanımızdan
duudular voevodlar hem venger krallar,
kazak öndercilär,
arnavut, serb, kırgız liderlär.
Bizim kanımızdan
duudular başkannar,
grek kahramannar hem saabilär,
taa grek nekadar greklär.
Ama korku almasın sizi.
Diil! Biz sormêêrız onu geeri –
Kanı, angısını baaşladık
Poyraz hem üülen Tunaya!
Yalvarêrız, sade sormayın
onu da, angısı bizdä taa var.
Brakın bizä da baari birkaç damna,
ani peydalanım onnarlan
gök daavada.
(gagauzçaya çevirdi Nadejda MANASTIRLI).
Not. Euceniu KOŞERİU (Eugeniu Coșeriu) (27.07.1921 – 07.09.2002)romın kökenni nemțä filosofu hem universitet profesoru, yazıcı, dünn8ä uurunda romın dili bilimcisi.
Источник anasozu.com
