CENK: Rusiya Ukraynanın üstünä üüşer

CENK: Rusiya Ukraynanın üstünä üüşer

Küçük ayın (fevral) 24-dä, Rusiya Prezidentı Vladimir PUTİNın emirinä görä, rus askeri başlattı Ukraynaya karşı ölä denilän “maasuz asker operațiyası”nı, ama halizdän Rusiya kolmşu devletinin, Ukraynanın, üüstünä açıktan bir cenklän üüştü.

Küçük ayın (fevral) 24-dä, çin sabaalendän, Ukraynanın Kiyev, Harkov, Dnepr, Odesa, Mareupol gibi kasabaların yakınnarına yaadı rus raketaları, angıları urdular asker infrastukturası obyektlarına. Rusiyanın korunmak ministerkiin ofițial açıklamasına görä onnar darmadaan ettilär “Ukraynanın 74 obyektını, angılarının arasında var 11 aerodrom, 3 kamanda punktu, deniz-asker bazası, C-300 hem Buk-M1 zenitka kompleksların 18 radiolokațiya stanțiyası, asker eraplannarı, asker vertolötları, 4 “Bayraktar” razvedka hem urucu dronnarı. Bundan sora da Ukraynanın her tarafından Rusiyanın tankları, bronemaşınaları hem askerleri bu devletin en büük kasabalarına hem strategiyalı obyektların üstünä gelmää başladılar. Rus desantnikleri, havadan paraşutalarlan inip, Dnepr deresinin strategiyalı köprüsünü aldılar hem Kiyavın yakınnarında olan aeroportu.

Bundan kaarä, Belarusiya tarafından girän rus tankları hem asker Çernobıl AESını elä geçirdilär da oradan savaştılar Kiyeva yollanmaa.

Bumbalardan hem raketalardan insannar Kievın (bak: burada) hem Harkovun (bak: burada) metrolarında saklanmaa savaşêrlar.

Vladimir PUTİN Ukraynaya karşı bu cengi başlattı ondan sora, açan tanıdı Donețk hem Lugansk Halk Respeblikalarını, ani Ukraynada kendilerin baamsızlıını 2014-cü yılda dünneyä bildirdilär. Bu cengä Vladimir PUTİN “Donețk hem Lugansk Halk Respeblikalarını korumak maasuz asker operațiyası” deer, ama belli, ani bu 1941 yılını aklımıza getirän bir cenktir.

Ukrayna devlet kuvetlerinin açıklamasına görä, bu cengin ilk günündä Ukrayna 137 askerini kaybetti hem kırka yakın țivil vatandaşını.

Bu gecä Ukrayna Prezidentı Vladimir ZEKENSKİY imzaladı İzini, angısına görä devlettä 90 günnük bütünnä mobilizațiya yapılêr.

Açıklanêr, ani Rusiyanın 48 kasabasında bu cengä karşı protestlar geçti hem o protestlara katılan 1746 kişi tutuklandı.

Moldovada Rusiya Büükelçiliin önündä dä bu cengä karşı protestlar oldu.

Moldova, Ukraynada gidän cenk sebepinnän, memlekettä 60 günä sıradakı taa bir üstolan durum kurdu.

Küçük ayın (fevral) 25 sabaası Uktaynadan gelän haberlerä görä Ukrayna hem Rusiya askerleri arasına düüş gider. Rusiya Kievı, Harkovu, Nikolaeva, Odesa kasabalarını bombalêr. Țivil insannarın arasında yaralı hem ölü var.

Sıradan insannar savaşêrlar kasabalardan uzaklaşmaa, kimiliri Moldovaya hem Romıniyaya kaçêrlar.

CENK: Rusiya Ukraynanın üstünä üüşer

CENK: Rusiya Ukraynanın üstünä üüşer

CENK: Rusiya Ukraynanın üstünä üüşer




Источник anasozu.com
319

İlgili statyalar

CENK: Rusiya Ukraynanın üstünä üüşer

Küçük ayın (fevral) 24-dä, Rusiya Prezidentı Vladimir PUTİNın emirinä görä, rus askeri başlattı Ukraynaya karşı ölä denilän “maasuz asker operațiyası”nı, ama halizdän Rusiya kolmşu devletinin, Ukraynanın, üüstünä açıktan bir cenklän üüştü. Küçük ayın (fevral) 24-dä, çin sabaalendän, Ukraynanın Kiyev, Harkov, Dnepr, Odesa, Mareupol gibi kasabaların yakınnarına yaadı rus raketaları, angıları urdular asker infrastukturası obyektlarına. Rusiyanın korunmak ministerkiin ofițial açıklamasına görä onnar darmadaan ettilär “Ukraynanın 74 obyektını, angılarının arasında var 11 aerodrom, 3 kamanda punktu, deniz-asker bazası, C-300 hem Buk-M1 zenitka kompleksların 18 radiolokațiya stanțiyası, asker eraplannarı, asker vertolötları, 4 “Bayraktar” razvedka hem urucu dronnarı. Bundan sora da Ukraynanın her tarafından…

Moldova Prezidentı Maya SANDUnun Ukraynaya iş vizitı

Moldova Prezidentı Maya SANDU Kirez ayın (iyün) 27-dä bir iş vizitınnan bulundu Ukraynada, neredä ilkin gitti gitti cenktän zarar görän Borodänka, Buça hem İrpen kasbalarına, sora da Canabisi buluştu Ukrayna Prezidentı Vladimir ZELENSKİYlän, bildirer presedinte.md saytı. Borodänka, Buça hem İrpen kasabaları baktıktan sora, Moldova Prezidentı Maya SANDU açıkladı: “Bän kendi gözlerimnän gördüm Borodänka hem İrpen kasabalarında kül olunca yakılan yapıları, raketalarlan tuz-buz edilän evleri, rus arteleriyasının atılan toplarlan darmadaan edilän bolnițaları, tükännarı hem uşak başçalarını. Hep bän gördüm kimi ortak mezarları Buça kasabasında, neredä gömülü onnarlan insan, ani kurşuna urulmuşlar rusların bu kasabayı okupațiyasında. Bu tragediyayi laflan yok nicä annatmaa”.…

Andılar, ama Ukraynaya bişey demedilär

Canavar ayın (oktäbri) 13-dä Moldova parlamentında andılar Moldova vatandaşlarını, ani Rusiya-Ukrayna cengindä Ukrayna tarafından öldürüldülär. Onnarın arasında o cengä bir kabaatsız kurban olana kongazlı Vasiliy KULİŞ ta var. 2022-ci yılın Orak ayın (iyül) 26-da Rusiyanın Ukrayna sınırında Bränsk bölgesinin “Troebortnoe” tamöjnä punktunda bulunan Moldova vatandaşları Vasiliy KULİŞ hem İvan SURDUL üstünä ukraynalı dronu tarafından ataka yapıldı hem bir bomba atıldı. Bu bombanın patlamasından İvan SURDUL erindä öldürüldü, Vasiliy KULİŞ ta aar yaralandı. Bakmadaan ona, ani Vasiliy KULİŞi vraçlar kurtaramaa savaştılar, o, 2022-ci yılın Orak ayın (iyül) 30-da can verdi. Ozaman Ukrayna açıkladı, ani bu atakada oldümüşlär Rusiyanın FSB zaametçilerini. Bakmadaan…

UKRAYNA CENGİ: Ukraynadan Moldovaya bu günädän yaklaşık 270 bin insan kaçtı

Moldova pravirelstvosunun açıklamasına görä, Ukraynada Rusiyaylan gidän cengtän Moldovaya bu günädän yaklaşık 270 bin insan kaçtı, onnarın taa çoyu Evropaya dooru yollarını ilerlettilär. Açıklanêr, ani sınırdan kaçakları avtobuslarlan hem mikroavtobuslarlan taşıyêrlar. Ölä Baba Marta ayın 8-10 günnerindä yapıldı 137 reys. Bildiriler, ani Moldovadan Evropaya gidennär için kara yollarda, demir yolu üzerendän hem havadan yollanmaa kolaylık kurulêr. Bakmadaan ona, ani Ukraynada Rusiyaylan gidän cengin beterinä Moldovada üstolan durumu kuruldu hem Moldovanın gökü uçmak için kapandı, Moldova pravitelstvosu komerțiya reysalarına deyni, eraplannara gökü açtı. Yapıldı birkaç reys: Frankfurta (1), Stambula (2), Tel-Avia (3). 1784 kaçaa deyni Baba Marta ayın 11-13 günnerindä taa…

Moldova yazıcılar Birlii cengä karşı protest yaprılar

Çiçek ayın (aprel) 18-dä Kişenevda Rusiya Büükelçiliin önündä Moldova yazıcılar Birlii cengä karşı protest yaprılar. Yazıcılar geldilär protesta Moldova hem Ukrayna bayraklarınnan hem da plakatlarlan “Durgudun cengi!” “Ukraynadan ellerinizi alın!”, “Agresora aıyıplık!” h. t. b. Protesta katılan Moldova yazıcılar Birliin azaları istedilär Rusiya askerini Ukraynadan çıkarsın. Patretlär: anasozu.com hem Andrei Mardari / NewsMaker. Источник anasozu.com