Caltay küüyündä sokak şafkları hererdä var

Birkaç yıl geeri Gagauziyanın Halk Topluşu kabletti “Aydın küü” programasını. Ona görä avtonomiyanın küüyleri hem kasabaları gecä vakıdı aydınnadılardılar. İşleer mi bu programa büün hem var mı gecä şafk Caltay küüyündä, annadı korrespondentımız Alöna Terzi.

Büünkü gündä Caltay küüyün herbir maalesindä gecä şafklar yanȇrlar. 4 yıl geeri bütün küüyün uzunnuuna 16 km gecä şafkı telleri geçirildilär. Bundan kaarä diiştirildilär aydınnatmak için eni lampalar da.

İLYA KOŞULİNSKİY Caltay küüyünün primarı: “4 yıl geeri biz bütün küüyä şafkları geçirdik. Şafk büün herbir maaledä var. Koyduk 250 lampa. Şafklar tutuşȇrlar avşamneen karannık olduynan taa beşädän sabaaylen.  2 yıl geeri para bu uura deyni “Aydın küü” programasından gelärdi, bu yıl sa kendi bücetimizdän bu uura finans vereriz. Para büünkü gündä eter, ama kalkarsa paalar şafka , bilmeerim ne yapacȇz ötää dooru”.

Yaşayannar nışannȇȇrlar, ani gecä vakıdında, şafkların peydalanmasınnan, taa kolay oldu çıkmaa dışarı hem korkusuz sokaklarda gezmää.

“Bütün gecä şafklar yanȇrlar. ”

“Yanȇrlar pek islää, gecä nicä gündüz. Hiç problema bu uurda yok. Benzämeer, nicä ilerdän köstekleneräk orayı, köstekleneräk burayı gezärdik. 3 yıl geeri eni lampaları koydular, ama şafk küüydä var bir sekiz yıl. Bu eni şafklarlan pek  aydınnık gecä”.

“Birkaç yıl oldu, nicä şafklar gecä var”.

Caltay küüyünün sokaklarında gecä aydınnatması için her yıl 100 bin leyä yakın harcanȇr.




Источник grt.md
167

İlgili statyalar

Caltay küüyündä sokak şafları hererdä var

Birkaç yıl geeri Gagauziyanın Halk Topluşu kabletti “Aydın küü” programasını. Ona görä avtonomiyanın küüyleri hem kasabaları gecä vakıdı aydınnadılardılar. İşleer mi bu programa büün hem var mı gecä şafk Caltay küüyündä, annadı korrespondentımız Alöna Terzi. Büünkü gündä Caltay küüyün herbir maalesindä gecä şafklar yanȇrlar. 4 yıl geeri bütün küüyün uzunnuuna 16 km gecä şafkı telleri geçirildilär. Bundan kaarä diiştirildilär aydınnatmak için eni lampalar da. İLYA KOŞULİNSKİY Caltay küüyünün primarı: “4 yıl geeri biz bütün küüyä şafkları geçirdik. Şafk büün herbir maaledä var. Koyduk 250 lampa. Şafklar tutuşȇrlar avşamneen karannık olduynan taa beşädän sabaaylen.  2 yıl geeri para bu uura deyni…

09 09 21 CALTAY KÜÜYÜN GIRIŞ YOLU YAPILDI

Caltay küüyunä giriş yolun proektın ilk payı başarıldı. Döküldü yakın 2 km asfalt. Şindi yaşayannarda peydalandı kolaylık gezmää kaliteli yoldan. Bu proektı Caltay küüyun yaşayannarı çoktan beklärdilär. Taşlı yoldan diil kolay gezmää. Çok sıra şoferlera lääzım olȇr düzmää transportu. Yolun düzülmesi başladı 1.5 ay geeri. Bütün yolun uzunnuu 7.5 km, ama bu yıl yapıldı yakın 2 kilometra. Drumuri-Comrat düzmäk kompaniyasının temsilcisi Alexey Chesea haberledi, ani koyuldu 18 sm biyaz taş, sora da iki kat asphaltlan örtüldü. Caltay küüyun giriş yolunda koyuldu 10 140 kvadrat metra asfalt. Yolun genişlii 6 metra, nışannadı tehnika gözletmesindä uzman Väçeslav Topal. O taa urguladı, ani…

Video: İnfrastruktura proektleri Çok-Maydan küüyündä

Bitki yılların içindä avtonomiyanın küüykerindä giriştirilerlär türlü  infrastruktura proektleri, angıları doorudulu ki kurmaa ii koşulları yaşayannara deyni. Önemli onnrdan yolların düzülmesi, angıları yapılmadılar çok yıl, hem sokakların aydınnatması. Aktiv bu işlär yapılȇrlar  Çok-maydan küüyündä dä. Çok-Maydanda  “Küülerin aydınnatması” programası yapılı may 100 proţendä, sade küüyün en kenarkı sokaklarında taa yok şafk. İki ay geeri adınnattılar iki ara sokaa,  neredä karannıkta yaşayannar zorlanardılar geçmää çukurları. Bu işlär için avtonomiyanın bücetindän verildi 180 bin leydän zeedä. Lääzım nışannamaa, ani bir — iki yıl geeri küüdä diiştirdilär lampaları taa ekoom variantına — led- lampalara, nışannadı küüyün primariyanın uzmanı  Anatoliy Zadır. Şafkın geçirmesinnän bilä küüdä düzerlär yolları da, neredä şebönkaylan, neredä döşener  asfalt, hem koyulȇr plitka trotuarlara. Şındı…

Kongazda Ukraina vatandaşlarını kabledän merkezin aşçılarını şükür ettilär işi için

Kongaz küüyünün merkezindä, neredä büün kablederlär Ukrainadan gelän insannarı, volontörlar işleerlär. Aftadan zeedä bu insannara deyni hepsi koşullar kurulȇrlar. Kurumda çalışan aşçıları onnarın işi için şükür etti Devlet konţeläriyası teritorial büronun öndercisi. Aftadan  zeedä  Kongaz küüyünün merkezindä, neredä kablederlär Ukrainadan gelän insannarı, saymadaan zaametini, gecä-gündüz 24 saat aşçılar işleerlär. Birkaç sıra gündä haşlak imäk Ukrainadan gelän insannara deyni hazırlȇȇrlar. Onnarın işi için şükür etti Devlet konţeläriyası teritorial büronun öndercisi Genadiy Kazanci. GENADİY KAZANCİ,  Devlet konţeläriyası teritorial büronun öndercisi: “Saygılı karılar, Devlet konţeläriyası teritorial büronun hem Moldovanın Hükümeti adından isteerim şükür etmää sizi bu iş için. Siz saymȇȇrsınız zaametinizi da Ukraina…

Kazayakta temeldän düzeceklär trotuarı küüyün mezarlıına dooru

Фото: Примэрия Села Казаклия Kazayak küüyün primariyası başlattı hazırlık işleri önemli soţiyal proektın aslıya çıkarılması için. Ona görä küüdä temeldän düzülecek trotuar yolun boyunda Cadir tarafına doru. Onun uzunnu 475  metra olacek. Kazayak küüyün primarı Anatolıy Uzun açıkladı, ani bu yol baalayacek klisayı hem mezarı. Onnar R-37 gegional yolun boyunda bulunȇrlar. Orada dayman gezer transport, yayan gidan insannar için dä yoktu düzülmüş yol boyu.Onnuştan insan da yoktu nica raat, korkmayarak kendi yaşaması için geçsin oradan, maalez bir ölüyü bitki yola geçirärkana. İşlär artık gider, yolun boyunda diktilar genç fıdancıkları, koyacȇklar slemga hem gübürlük için urnaları. Bundan kaarä geca vakında da…