ÇALIŞANNARI KORUMAK GÜNÜ
Halklararası çalışannarı korumak günü heryıl çiçek ayın 28-dä bakılȇr. O nışannanȇr,ki korumaa işleyännärin haklarını. Bu günü başladılar nışannamaa 2003-cü yıldan.
Bu yıl Moldova Devletin kuvetleri Milli saalıı koruyan hem devlet iş inspekţıyasının Agenstvosunnan barabar iş planını belli ettilär. Oluşlar «Kurmaa işleyennerin haklarını » temaya görä geçirileceklär. Gagauziyanın işleyenneri ta sık kanonca çalışmȇȇrlar, vakıdında kazanç paralarını kabletmeerlär,iş saatları taa zeedä ,nekadar lääzım. Söleyeräk korunçlu iş koşulları için,Gagauziyada 1 kişi iş erindä geçindi, 4 olayda insannarın saalı iştän yufkaladı ,çizgiledi iş inspekţıyasının başın görevindä duran İvan Komur.
İVAN KOMUR iş inspekţıyasının başın görevindä duran:
«Geçti yıl için sölärsäydik, Gagauziyada 29 razgelmä iş erindä oldu. Onnarın arasından 3 geçindi, birisi Çadırlıydı,öbürlär Komratlı. Birär aar razgelmesi Çadırda hem Komratta sayıya koyuldular. 25 kişi bir vakıda yufka kolaylıklı kaldılar».
Moldova Devletin Hükümetin kararına görä hepsi insannar kim işä çekeder gitmää lääzım mutlaka doktorlarda bakılsınnar.
TATYANA KUYJUKLU Komrat cümnä saalıı korumak merkezin başı:
«Hepsi mutlaka doktorlarda lääzım bakılsın. İşä girärkänä hem her yıl.Hepsi karşı geler türlü risklarlan».
Bakmayarak ona,ani Moldova Devletindä Hatalı durumunu uzattılar,ama işleyennerin hakları hep o uurda korunȇr. Kanona görä Ukrainadan kacannarını da yakışȇr işä kabletsinnär,nışannadı iş inspekţıyasının başın görevindä duran İvan Komur.
İVAN KOMUR iş inspekţıyasının başın görevindä duran:
«Bu proţedura verer kolaylık işä kacannarı da kabletmää kolay shemaya görä. O insana tek iş annaşamalara dokumenti açılȇr. Ama iş verän agenstvosunun haberindä lääzım olsun. En az 5 günün äçändä kişi agenstvoya sayıya koyulȇr».
Moldova Devletin hükümetin kararına görä iş verennär lääzım ii iş koşullarını çalışannarına yapsınnar. İşçilär dä kendi sırasından lääzım korunçlu kuralları esaba alsınnar hem kullansınnar, bilsinnär kendi haklarını.
Источник grt.md
