Çadır-Lungada boks okulun kurucusunu Valeriy Potapovu anmak turnirı geçti

Kasım ayın 26-da Valeriy Potapov adına Çadır dolay spot okulunda geçti boks turnirı. Onu geçireräk hazırlayannar hem payalannar andılar Moldovanın şannı trenerını Valeriy Potapovu.

Turnirın pay alannarı nışannadılar, ani büük havezlän kabletillär teklifi pay almaa turnirda. Onnara deyni bu bir ii kolaylık gostermää kendi becerikliini boksta hem butakım anmaa şannı trenerı.

«Bän bilerim bu trenerı, ani o pek islää trener oldu, pek çok islää boksör büüttü. Bän pay alêrım bu turnirda, neçin ki bän pek beenerim boksu, pek çok ürendim boksa, duudum bu zalda vaar niçasolemää», — paylaştı sportçülardan biri.

Turnirin musaafirleri nısannadılar, ani pek önemli bölä turnirları geçirmää, çünkü o yardım eder  aklımızda tutmaa da unutmamaa o insannarı, kim kendi kuvedinnän kaldırdı sportu Gagauziyada üüsek uurlara.

«Bu turnira çok yıllar gelärdilär boksörlar başka devletlerdän: Türkiyedän, Ukrainadan, Belarusiyadan, Rusiyadan, Bulgariyadan. Bizim bu turnir anılmış. Bu turnirı geçireriz, anêrız Moldovanın hem Gagaziyanın trenerını Valeriy Grigorieviç Potapovu», — açıkladı Gagauziya gençlik hem sport bakanı Sergey Stoyanoglo.

 

«Siz kendiniz düşünün, şindi Valeriy Georgieviç yaşasaydı, o buna sevineceydi. Neçinki bölä zal nicä siz görersiniz, o bölä zal istärdi olsun, ama etiştiremedi bola gözäl yapmaa. Ama gene dä yaptı, bola gözäl duvarlar vardı», — söledi Gagauziya boks federaţiyasının başı Dmitriy Çakusta.

 

 “Biz bulunêêrız bu çok gözäl zalda, angısında geçer pek gözäl turnir,vardı bizdä anılmış trener Valeriy Georgieviç Potapov. Çok boksör geçti onun elindän, o onnarı  koydu dooru yola. İsteerim onnar büün göstersinnär,neyä onnarı üürettilär onnarın trenerları, ileriya dooru düşünerim, ani bu işlärlän onnara yaşamakta taa kolay olaçek gitmää bizim bu zor vakıtlarda», — söledi Çadır-Lunga muniţipiyasının primarı Anatoliy Topal.

Çadır sport okulun başı Andrey Lazarev nışannadı, ani hepsi finansları turnirı geçirmek için aldı  üsüstünä Çadır sport skolası.

«İsteerim sölemää, ani hepsi yaraşmanın  pay alannarı kabledeçek gramotaları, medalileri hem para baaşışlarını», — nışannadı o.

Turnirda pay aldılar 10-dan 18 yaşınadan gençlär Komrat, Valkanes, Kaul, Çadır kasabalarından hem Baurçü küüyündän.

Tekst: Oleg Duloglo, çekim hem kurgu Leonid Arfonos




Источник grt.md
227

İlgili statyalar

Gagauziyanın hem Tarakliyanın en ii voleybolcuları pay aldılar  Çernobil çıkışlarını yokedenneri anmak turnirında

Hederlez  ayın  29-da Kıpçak küüyününü sport şkolasında geçti  Çernobil avariyasının çıkışlarını yokedenneri anmak turnirı. Kim bu yıl  aldı ilk eri, Oleg Duloglonun materialında. Çernobil avariyasının çıkışlarını yokedenneri anmak turnirı geçti 8-ci keret da topladı  Kıpçak küüyüdä Gagaziyanın hem Tarakliya  kasabasının en kaavi  komandalarını. Oyuncular nışannadılar, ani bu turnir çok önemli  onnara deyni. Kimsey istemäärdi aşaa kalmaa, hepsi istärdi taramaa turnirı. «Biz bu turnirda  diil ilk keret, bu 8-ci turnir. Biz isteriz  almaa ilk eri, ki kupa  kalsın  bizdä, biz  onu  kimseya  vermeyecez, neçinki  biz çok  hazırlandık».    «Bu turnirda  biz pay alêrız  diil ilk keret.  Her yıl geçer  bölä  turnirlar. Geldik …

Tomay küüdä geçti treneri Vladimir Taukçiyi anmak turniri

Tomay küüyüdä geçti  serbest güreşi turniri deyni anmaa şannı  treneri  Vladimir   Taukçiyi. Turnir  geçti şansora 8 keret,  o toplȇȇr  Gagauziyanın   hem  Moldovanın  en  kaavi  güreşçilerini. Vladimir  Taukçiyi anmak turnirdä  pay aldı  12 komanda  12 aarlık  katigoriyasında. Vladimir Taukçi –  insan, angısı bütün yaşamasını sportlan  baaladı,  büük  bir  iz  braktı kendi ana küüyünün istoriyasında. Gençlerdä o  teerbi  edärdi   diil  sade   kaavi  güreşçileri,  ama  haliz  insannarı da. Güreşçilär  Gagaziyanın  hem  Moldovanın  türlü  taraflarından her  yıl büük havezlän pay alêrlar  bu turnirda. «Pek sevinerim pay almaa bölä  turnirlarda, çünkü  isteerim ensemää». «Bän ilk keret  pay  alêrım  böla  turnirlarda,  tarattım,  ama bän  hiç  durgunmayacam,…

Çadırda geçti kolaylıksız uşakların yaradıcılık festivali

Çadır — Lunga  kultura  evindä, Hederlez  ayın  28-dä, geçti  festival kolaylıksız uşaklara hem insannara deyni. Onda pay aldı Moldova hem Gagaziya reabilitaţiya merkezlerindän uşaklar. Festival yarattı uşaklarda gözäl duyguları. Bu onnara deyni bir kolaylık  hepsinä göstermää — onnar da hep ölä, nica başka uşaklar, çizgiledilär olayın musaafirleri. «İsterim sölemää, ani bu  çok gözäl  bir olay. Neçinki bölä insannar, bölä uşaklar lääzım çiksınnar, lääzım  onnarı da görsünnär. Onnar kapalı içerdä, o üzdän, büün  onnar çiktılar sţenaya, bu bir gözäl  olay, içim doldu», — söledi Çadır kasabasının yaşayankası Mariana Tihu.   «En önemli bizim  yaşamamızda, bu uşakların  yaşamasında,  ani onnar duysun  kendini …

Başküüyüdä geçti voleybol turnirı Çernobıl sonuçlarını yokedicilerin hatırına

Çiçek ayın 30-da Başküüyüdä voleybol turnirı  geçti. Oyun geçti, ki anmaa  insannarı, angıları katıldılar Çernobıl hatalı olayın sonuçlarını yokedilmesinä. Onnar şindän sora geçindilär, ama insannar tutȇrlar bu yaşayannarı aklılarında. Turnirda pay aldılar takımnar Komrattan, Tomaydan, Beşalmadan hem Başküüyündän. Çernobıl  hatalı olayın sonuçlarını yokedennerini anmak için turnirlar verer kolaylık terbietmää uşaklarda patriotik duygularını, nışannadı Başküüyünün primarı Sergey Sapunjı. «Biz mutluyuz, ani hepsi takımnar bizim teklifimizä görä pay aldılar bu gün turnirda. Hem  aklımıza getirecez  kahramannarı, hem  dä  sport  becermeklerini  üüseldecez», — söledi primar. Başküüdä  voleybol  turnirını  geçirmää  fikiri verdi  «Gagauziyadan Çernobıldä pay alannarı» cümnä topluluun başı Emmanuyıl Velikov. «Biz  gençlerin akılına…

Yildiz Viktor Ţoyun adına anmak konţerdi

Harman   ayın   24-dä   Çadır  kasabasının     kultura evi    geçirdi anmak   konţerti,  angısı  adalıydı  anılmış muzikacısına Viktor  Ţoya.Temayi  ilerleder   bizim  korrespondentımız   Oleg Duloglo. Viktor   Ţoy –rus   çalgıcıların   arasında   yıldızların  biriydi ,  onun  türkülerini   tanȇrlar  hem  severlär. Pek    çok  insan  sever  onun  zanaatını,  büün dä  onun  türkülerini   sesleerlär , çalêrlar ,  koşup oynȇȇrlar. Kasabanın   yaşayannarında,  kim  geldi  anmak konţerdä,  vardı  kolaylık   taa yakın   tanışmaa  anılmış  muzikacının  zanaatınnan hem   biografiyasınnan. —  «Çok  dooru, lääzım  korunsun  hem  ilerlesin  bu  iş,  gençlär   lääzım  bilsinnär  ölä  insannarı   da  alsınnar  onnardan  örnek».  — «Hepsi  onun  türkülerini  bilerim,  çoyunu  bilerim  , çalardım  onnarı,  biz  onun türkülerindä  büüdük. Beenerim  onun …