Çadır kasabasının primariyası taradı proekttä. Plana koyuldu elektrik stanţıyasını düzmää

Çadır kasabasının primariyası taradı proektı  5  million leyä , angısı finanslanacek Moldova  kuvetlerinnän, muniţipiya bucetından koyulacek 470 bin ley. Bu proekta görä  bu yıl lääzım düzülsün güneş elektrostanţiyası.Temayi ilerleder   bizim korrespondentımız.

Güneş elektrostanţiyanın düzülmesi  yardım edecek insannara, ki onnar  taa az ödesinnär sokak şafklar için, hem da olacek kolaylık paraylan yardım yapmaa insannara, angıları taa fukaarä.Kasabanın yaşayannarı sayȇrlar,  ani bölä proektlar lääzım olsun, çünkü onnarın büük fayda  getireceklär.

— «Bän  sayȇrım, ani pek  lääzım,  ondan  fayda  olacek  insana.  Bu  paalarlan,  angıları   şindi  var,  büük yardım    olacek  insana» .

— «Bän sanêrım,  ani  çok  fayda insana  olacek,   da bizim  primariya    yapacek,  ki  islä  olsun  bizim  Çadıra  hem  da  bizim  insana».

— «Elbetki,  lääzım,  şindi  hepsi  ilerleer. Onuştan  alternativ  energiya  resursları   bulmaa,  ilerletmää   -lääzımnı  iş«.

Çadır kasabasının primarı Anatoliy Topal nışannadı,  ani bu proekt büük bir adım kasabanın ilerlemesinä deyni. O çizgiledi, ani erli kuvetlär    savaşêrlar yapmaa kasabanın yaşayannarına en ii  kolaylıkları, ki yaşamak kasabada üüsek uurda olsun.

ANATOLİY  TOPAL  Çadır  kasabasının  primarı : — » Yapacez   bir  güneş elektrostanțiyasını, neredä güneştän  yapacez  energiya. O  bizä,  büceta   verecek  taa  çok  para , o paraylan  biz  isteeriz  ödemää  bizim   sokak   şafkını  hem  yardım   etmää  insannara,  kim   taa yufka    , vermä  yardım. Bizdä  var  fond,  angısını  isteeriz   zeedeletmää  da  taa  çok  insana  yakışsın  yardım   etmää, bu  ilk  etap olacek. İkinci etap-  biz  isteeriz   genişeltmää  o  güneş  stanţiyasını,    taa  koymaa  panelleri  da  olsun   bizim  uşak   başcalarına , okullara    parasız  şafk».

Ileriya  dooru  muniţipiyanın  administraţiyası   isteer  büültmää  güneş  elektrostanţiyasını , ki  olsun   kolaylık   primariyanın  obyektlerindä  başka  resurs energiyasına  geçmää.

 




Источник grt.md
256

İlgili statyalar

Çadir – Lungada çoyu sokaklarda yollar düzüler

Çadir – Lunga kasabasında önemli infrastruktura proektleri ilerleer. Düzüler yollar hem trotuarlar.  Çadır muniţipiyasında yollar yapılêr Karl Мarks, Lenin, Oktäbrskaya hem Puşkin sokaklarında. Başarıldı işlär 1 May, Olimpiyskaya hem İzmaylavskaya sokaklarında.  Kasabanın yaşayannarı seviner,  ani düzüler yollar, çünkü ilerdän yaamurdan sora herersi çamur olardı. «Uşaklarımız için önemli, onnarvar nicä oynasın, kaçınsın burada. Bizä mamulara da pek büük kolaylık, kaläskalarlan geçmää, bizdä burada çok uşak, hepsini beendim». «Elbetki çok sevineriz, hepsi islää yapılı. Var neredän girmää,  bordürlar koyulu, pek gözäl». «Pek sevinerim hem pek beendim. Bu yol yaamurlardan sora çok batak olardı. Çok sevineriz, ani düzeceklär». Düzmak kurumun başı Georgiy Kioroglo…

Çadır-Lungada mitinga çıkmış insannar isteerlär işitsinnär onnarin kahırlarnı

Geçän pazar, harman ayın 7-dä, Çadır kasabasında geçti taa  bir miting,  zor  vakıtlar devlettä  kahırlandırêr  insannarı.  Çekim grupamız lafetti kasabasının   yaşayannarınnan da üürendi onnarın  bakışlarını. Büük paalar gaza, şafka, mallara hem izmetlerä — hepsi  bunnar dürter insannarı mitinglara çıkmaa. Her  keret  mitingta  pay alannarın sayısı  taa  zeedelener, insannar danışêr devletin baş  kuvetlerinä  yaşayannara  yakın  olsunnar. «Bu ihtiyär insannar 1,5  binä pensiyasını yok nereyi çeksin, o tarafa mı, bu  tarafa mı, insan aç  gezer. Bakêrsın  babulara olmuş  iki  kat, gençlär  düşünerlär  gitmää, ama o insan nereyi  gidecek? O kalêr burada, o deer: “Benim  evim  burada, bän  gitmeyecäm  birercää». «Şindi  annaşılêr, ama …

Kardaş halkının yardımı Kazayak küüyün yaşayannarına deyni

Kazayak küüyü kabletti yardımı Türkiya devletindän,  bu iş verecek kolaylık türlü taraflardan küüyü taa gözelletmää, üüsek uura kaldırmaa.  Yardımı kabletti uşaklar da ,   ihtärlar da, temayı ilerleder bizim korrespondentimiz. Mramor plitaları kliseyi  hem  pargı düzmäk için, uşak meydanları, uşaklara kiyatlar  hem  rubalar, ihtär insannara bastonnar  hem başka. Hepsi bu baaşışları Kazayak küüyü kabletti Türkiya devletindän Türk dünnenin primarların Asoţiyaţiyasının yardımınnan. Kazayak  küüyün primarı Anatoliy Uzun çizgiledi,  ani büük iş yapıldı  , ki bu yardımı toplamaa  da  Kazayak küüyünä getirmää. ANATOLİY   UZUN   Kazayak küüyün primarı :- «Bu  işlär,  bu yardım toplandı Türkiyada diil bir gün, diil iki,  diil bir  ay,bütün yılın …

Çadir – Lungada paaların büümesinä karşı insannar mitinga çıktılar  

Orak  ayın  17-dä  Çadır  kasabasının  meydanında  geçti  miting üüsek paalara karşı.  Biz lafettik  kasabasının yaşayannarınnan da üürendik onnarın  bakışlarını  mitinga, hem nicä  üüsek   paalar  diiştirdi  onnarın yaşamasını. Büük  paalar — o  bir tema,  angısı Moldova  devletin  insannarını pek raatsız eder  hem kahırlandırêr.  Bizim  devletimiz karşlaştı   pek  büük   paalarlan, her  gündän günä  paalar   diişiler. İnsannar umutlanêr,  ki  onnarı  işideciklär, çünkü  her  gün  diişilän paalar çok   zoorluk  yapêêr  onnarın  yaşamasında. İhtär insannar kahırlanêr kendi hem uşakların yaşaması için. «Çok harcamaa yok nasıl, çünkü bizim paramız  yok, kazanç  yok,  hepsi  bitti. Sınırları  açtılar,  herşeyi Ukrainaya  yollȇrlar,  bizim   insan   aaç  kaldı». «Biz  etiştirämeeriz  onnarın …

Çadır-Lungada bu yıl yaşayannarın proektlerinä onnarın para eklemesinnän verilecek 500 bin ley

İkinci yıl sıra vardır nicä Çadır – Lunga kasabasının primariyası barabar yaşayannarlan gerçää çıkarȇrlar bir sıra proekt kasabanın içindä, neetlän tertiplemää hem gözelletmää yaşamak erini. Da hepsi bu işlär olȇrlar partisipativ büdjetın yardımınnan, ya da başka türlü — cümnenin büdjetı, angısına görä insannar erli kuvetlerin uzmannarı gibi kablederlär kararı harcamak için devlet parasını. Nekadar proekt giriştirildi bıldır hem  neetleniler 2022 – ci yılda, üürendi Polina Barbova. Çadır – Lunga kasabasının yaşayannarı verdilär bir sıra danışmaklarını primariyaya giriştirmäk için bir sıra proekt. Bıldır ayırıldı hem giriştirildi 15 önemli hem lääzımnı proekt, haberledi Çadır  — Lunga kasabasının primarı Anatoliy Topal. Partisıpativ büdjetı…