Bu yıl Konstantin Germek tamannayaceydı 70 yaşını.

“Düz-Ava” oyun kollektivin horeografı Konstantın Germek  koydu çok kuvet ki gagauz milli oyunnarı ilerlesinnär. Bu  yıl  o tamannayaceydı 70 yaşını.

Çok yıl horeograf K. Germek aşırıda çalışardı. Onun dönmesinnän ana tarafına  “Düz-Ava” oyun kollektivin yaradıcılıı oldu taa şıralı. O yaptı ölä, ki herbir insan  sevsin gagauz milli oyunnarını.

TATYANA ŞOGOLEVA  “Düz-Ava” oyun kollektivin yaradıcılık başı:- “O yaşardı bu oyunarlan, o türlü ideyaları açıklarda. Nışannardı, ani pek sever kollektivlän çalışmaa. O yaptı okadar, nekadar  kimisi yapmadı kolektivin bütün çalışmasının süresindä”.

4 yılın süresindä ansambl koydu 13 oyun. “Düz-Ava” kollektivin  şindiki öndercisi Viktor Gradinar  «Общественный интерес»  programasında GRT kanalında nışannadı, ani maestruylan herzaman meraklıydı işlemää.

VİKTOR GRADİNAR  «Düz-Ava» kollektivin   öndercisi:-“Bän annardım, ani lääzım ondan üürenmää. Bu ölä bir şanstı, angısını kimisi sana verämeyecek. O çok iş başaraadı. O tek insandı, angısı annardı, nicä professional tarafından oyunnarı koymaa”.

Çalgıcı hem kompozitor Vitaliy Manjul , getirärkän aklına kendi dostunu, annattı, ani horeograh ii cannı bir insandı hem herzaman gelärdi yardıma.

VİTALİY MANJUL çalgıcı hem kompozitor :-“ O sıcak ruhlu insandı. O  yaradıcılık uurunda pek sevärdi çalışmaa. Herzaman yaşardı bir fikirlän, ani lääzım etıştırmää naşeysä yapmaa”.

Maestronun oolu  gitti bobanın professional yolundan. Şindi Konstantin Konstantinoviç  İrlandiyada yaşȇȇr. Komratta o kendi aylesini buldu. O onnarı ölä sevärdi. Şükür ederim hepsini. O nereyi sä herzaman alatlardı. Sanki duyardı. Umutlanȇrım, ani etiştirdi yapmaa. Onun büük aylesi vardı.   Bu yıl büük ayın 15-ndä  “Düz-Ava” kollektivi kabletti Şannı ansambl adını. Maestrunun en büük istemesiydi  ki gagauz halk oyunnarını bilsinnär bütün dünnedä. Konstantin Germek gitti yaşamaktan bu yıl çiçek ayın 2-ndä.




Источник grt.md
229

İlgili statyalar

Konstantin GERMEK geçindi

2022-ci yılın Çiçek ayın (aprel) 2-dä geçindi S “Düz Ava” gagauz türkü hem oyun ansamblisinin horeografı hem baletmeysterı Konstantin Afanasieviç GERMEK. Konstantin GERMEK çok yıllar işledi Semön POMETKO adına “Düz Ava” gagauz türkü hem oyun ansamblisindä hem o ansamblinin üüselmesi için çok zaamet etti. Ansamblinin horeografı hem baletmeysterı olarak Canabisi koydu sțenaya gagauzların istoriyasında horeografiya tarafından en gözäl oyunnarı: “Çobannar”, “Dostluk oyunu”, “Düün”, “Kız oyunu”, “Köstek oyunu”, üç bölümnü “Gagauz süitası”, “Bulgar süitası”, “Moldovan süitası”, “Valkaneş kadıncası”. Bu oyunnarın horeografiyası hem onnar için yapılan kostüm şedevraları, halizdän oldular dünnää uurunda eşi olmayan büük yaratmalar. Konstantin GERMEK zaametlerinnän Semön POMETKO adına…

Geçindi «Düz Ava» türkü hem oyun ansamblisinin horeografı Konstantin Germek

Konstantin Afanasiyeviç Germek geçindi aprelin 2-dä. Bu yıl o olaceydı 70 yaşında. Konstantin Afanasiyeviçin zaameti Gagauziyanın professional oyun uuruna paasız. O çok işledi deyni ilerletmää bu bölümü. Onnan yaradılmış oyunnar Gagauziyanın istoriyasına yazılaceklar. «Düz Ava» ansamblisinnän işläärkana Konstantin Germek koydu 10 halk oyunu. Onnar haliz halk muzikanın, giimnerin hem oyunnarın spektaklileri oldular, üüsek professional uurunda gösterilän hem dünnedä unikal olarak. Onarın arasında “Kız oyunu”, “Baada”, gagauz adet oyunu “Düün”, «Köstek oyunu», adam oyunu «Çöbannar», «Molduvan süitası», «Valkaneş kadıncası», üç bölümlü «Gagauz süitası», «Dostluk oyunu», «Bulgar süitası». “Konstantin Afanasiyeviçin professionallıınnan hem paasız zaametinnän büün «Düz Ava» gagauz türkü hem oyun ansamblisi…

Geçindi gagauz türkü hem oyun ansamblisinin “Kadınca” incazanaat uurunda başı Avram Kösä

Avram Petroviçin geçinmesi için bildirildi bugün, aprelin 1-dä. Acı haberi paylaştı Komrattakı Kultura Evin kollektivi Facebook-ta. Avram Kösä 70 yaşındaydı, onun yaşaması koptu aar hastalıın beterinä. Kultura Evin kollektivi açıkladı acısını Avram Petroviçin geçinmesi için. “Avram Petroviç Kösä – büük bukvaylan Adamdı, açık pak hem yımışak cannı, oyun incä zanaatı uurunda maȇstro, angısı bütün yaşamasını gagauz kulturasının ilerlemesi için izmet etti. Açıklȇȇrız acızgannıımızı Avram Petroviçin senselelerinä hem yakınnarına. O diveç kalacek aklımızda!”, — sölener Komrattakı Kultura Evi kollektivin yazısında. Avram Petroviç Kösä gagauz türkü hem oyun ansamblisinin “Kadınca” incazanaat uurunda başıydı. O gençerin arasında becerikli yaradardı sevgiyi halk oyunnarına, başarılı…

«Evelki oyuncular» ansamblisi «Folkfest-2022» festivalindä gran-pri aldı

«Evelki oyuncular» oyun kolektivi Komrattan «Folkfest-2022» Halklarası folklor festivalindä Çernogoriyada Gran-Pri ödülünü aldı. Festivalä katalmısı için kolektivin artistleri GRT CK sabaalenki “Eni Gün” programasında annadȇrlar. 15 halkın arasından Halklararsı folklor «FOLKFEST-2022» festivalindä Gran-Pri ödülünü «Evelki oyuncular» oyun kolektivi Gagauziyadan aldı. Yarışmak oluşu orak (iyül) 24-25 Çernogoriyanın Bar kasabasında geçti. Oyuncular kendi programasınnan gittilär. İLYA MİNÇOGLO, «Evelki oyuncular» kollektivin başı: «Festivaldä iki gagauz hem bir gagauz-moldovan oyunnarını gösterdik.  Ödülü allele biziyaşlarımız hem giimnerimiz için verdilär. Herbir oyuna millet rubalarını diiştirdik, başkaları birär giimnän çıktılar. Bizi sevdilär». «Evelki oyuncular» oyun kolektivin artisti Georgiy Çoban Moldovada halkaların kulturası için oyunnarda annadȇr hem bunu…

Avram KÖSÄ raametli oldu

Çiçek ayın (aprel) 1-dä raametli oldu “Kadınca” gagauz türkü hem oyun ansamblisinin öndercisi Avram Petroviç KÖSÄ. Avram KÖSÄ bütün ömürünü baaşladı gagauz kulturasına hem gagauz halk oyunnarına, ilktän “Düz Ava” ansamblisindä hem sora da, açan bu ansambli büüdü da lääzım oldu ikiyä bölünsün da oradan “Kadınca” ansamblisi duusun, o oldu o ansamblinin yaratmak öndercisi. Büük adam, pedagog hem pek käämil baletmeyster olarak, Avram KÖSÄ birkaç boy oyuncu ayaa koydu, onnardan artist yaptı hem “Kadınca” ansamblisinin o artistlerinnän bilä Canabisi gagauzları bütün dünneyä tanıttı. Kendisinin gagauz hem Moldova kulturasına izmetleri için, Avram KÖSÄ çok ödüllär kabletti, angıların arasında var Gagauziyanın “Mihail…