Boba Sergiy karısınnan Mariyaylan Çadırdan büüderlär 5 uşaa: «O pek islä ana»
2007 – ci yıldan beeri Moldova devletindä Hederlez ayin 14-dä bakılȇr Ana günü. Bu yortu adalı analara. Hederlez ayın 14 —dü — bu bir önemli gün hepsinä. Bu materialımızda annadȇriz çokuşaklı ana için, açık ürekli insan, sevän hem sevgili karı için Mariya Veliksarova için Çadır – Lunga kasabasından.
Büünkü günnerdä analar oynȇȇrlar büük rolü türlü sferalarda. Karıların ta çoyu her günkü işlerdän karä, duudurȇrlar hem da terbiyederlär uşakları, yardımcı olȇrlar türlü işlerdä fukaarä insannara hem başkalarına. Mariya Veliksarova Çadır – Lunga kasabasından duudurdu hem da terbieder beş uşak – dört ool hem bir kız. Kendi uşaklarını çokuşaklı ana savaşȇr terbietmää dinni, pravoslav kanonnarına görä, neçinki o çalışȇr ta matuşka da İisus Hristoz adına klisesindä.
«Onnar [uşaklar] taa islä annamȇȇrlar pravoslav ruhunu. İlk lääzım terbietmää onnarda patriot duygularını, onnar olsunnar insan, büüklerini saysınnar, pravoslav olsunnar. Bu işlär var nasıl olsunnar sade Allahlan, Allahın evinnän», — söleer matuşka Mariya.
Terbiyetmää pravoslav ruhunda uşakları Mariya Veliksarovaya yardımcı olȇr onun kocası Sergiy Veliksarov, hep o — İisus Hristoz adına klisesinin izmetçisi dä.
«İsteerim nışannamaa, ani benim karım verili bana Allahlan. Bu büük baaşış benim için, ama bän onu kazanmadım. Ama çünkü Alla verdi onu bana, bän lääzım koruyım onu, hem da biz lääzım yardım edelim biri – birimizä. Nicä ana o pek islä, pek hatırlı. Bän hodullanȇrın onunnan, hem da çok şükür ederim Allaha bizim beş uşaamız için», — söleer boba Sergiy.
Ana günü Moldovada bakilȇr 2007 – ci yıldan beeri hederlez ayın 14 – dä, neetlän – cümnä alsın esaba anaların statusunu.
Источник grt.md
