Bizi genä gülmää aldılar: Üstolan Kongres olmayacek, ama “Ekonomika Forumu” hem “Şarap Günü” olacek

Bizi genä gülmää aldılar: Üstolan Kongres olmayacek, ama “Ekonomika Forumu” hem “Şarap Günü” olacek

Komrattan geldi haber, ani Gagauziya Halk Topluşu (GHT) Prezidiumu almış karar Canavar ayın (oktäbri) 2-dä yapılmak neettä olan Gagauziyanın hepsi uurlarda deputatların Üstolan Kongresi olmayacek. Sebep – nesoysa stareysinalar Sovetinin hem başka cümne kuruluşların, nesoysa primarların hem BAŞKANın, Gagauziya İspolkom azalarının hem kimi GHT deputatların danışmalarıymış.

Esaba alarak, ani Kongresä buyur edileceydilär Türkiye, Rusiya hem OESD temsilcileri, Moldovada bulunan diplomatiya misiyaların başları hem büükelçileri, çünkü Kongrestä danışılaceydılar Türkiyeyä, Rusiyaya hem OESDya, ani onnar Gagauziya (Gagauz Yeri) avtonomiyasını yok edilmektän kurtarsınnar hem onu korumakta arka olsunnar, Kongresin olamaması Gagauziyaya karşı gidän kuvetlerin dermennerinä su akıdêr.

Yukarda belertilän kişilerin hem kuruluşların yazılı danışmaları GHT Prezidiumunda var mı acaba? Osa genä nesoysa babu mu demiş.

Bir iş şüpeyä alêr: neçin Kongres olmêêr da “Ekonomika Forumu” hem “Şarap Günü” olacek. Ne ölä şen hem zengin yaşamamız mı var, osaydı Kongresin yapılmamasına Kişinevdan izin mi geldi da erindekilär nestelerinä nestettilär?




Источник anasozu.com
250

İlgili statyalar

Kongrestä Türkiyedän Gagauziyayı korumakta arka yardımı istenilecek

Bitki vakıtlarda Gagauziya üstünä saygısızlıklan hem baskılarlan hem Moldovanın Gagauziya avtonomiyasını yok etmäk eşinmeklerinnän ilgili olarak, neettä var Canavar ayın (oktäbri) 2-dä olacek Gagauziyanın hepsi uurlarda deputatların Kongresindä Türkiye Respublikasından Gagauziyayayı korumak için arka yardım istemää. Gagauziyaya yapılan saygısızlıın hem baskıların arasında en ilk sırada var Moldova Prezidentın Gagauziyaya adanmış vizitlarından vazgeçmäk hem Moldovanın “Fulger” speţnaz poliţiya Birliin Komrat kasabasının merkezindä silählı denemelär yapması. Bundan kaarä Gagauziyada sayêrlar, ani, ortalık karışırsa, Gagauziyaya var nicä Moldova silählı kuvetlerinnän bilä Romıniya silählı kuvetlerin da girsini. Kongresi hazırlayannar açıkladılar, ani Moldovanın büünkü kuvetleri hepsini yapêrlar, ani Romıniyaylan birleşmää, ama gagauzlar Romıniyaya girmäk istämedikleri…

Hepsi uurlarda deputatların Kongresi toplanıncak eşecik var nicä ölsün

Gagauziya Halk Topluşu genä açıkladı (kaçıncılaa artık!!!), ani Gagauziyada Hepsi uurlarda deputatların Kongresini toplêêr. Moldovada Gagauziyaya karşı yapılan işlerin çerçevesindä Gagauziya Halk Topluşu genä açıkladı, ani Gagauziyada Hepsi uurlarda deputatların Kongresini toplêêr. Bu kerä – Kırım ayın (dekabri) 9-da. Bu Kongres lääzımdı birkaç kerä olsun, ama Kişinev Gagauziya öndercilerini hep otlattı da onnar, Gagauziya kuvetleri, bu kongresi birkaç kerä erteledilär. Şindi dä, açan Gagauziyaya karşı Kişinev baskıları kertää geldi dä öndercilerä Kişinevda may hepsi kapular kapandı, GHT savaşacek Hepsi uurlarda  Gagauziya deputatların Kongresini toplaaa. Bu Kongres olacek, herliim eşecik ölmärsä. Источник anasozu.com

Canavar ayın 1-2-dä ekonomika forumu, 3-dä dä – arda kalan GHT seçimneri

Koronovirus zapalarına bakmadaan, 2021-ci yılın Canavar ayın (oktäbri) 1-2 günnerindä Gagauziyada geçecek VII-ci Halklararası “Invest Gagauzia-2021” investiţiya forumu. Forumun arkasından da,  Canavar ayın (oktäbri) 3-dä Gagauziya Halk Topluşuna seçimnerin II-ci turu hem I-ci turda olmayan seçimnär enidän yapılacek. “Invest Gagauzia-2021” investiţiya forumu beklener erindeki hem aşırı develtlerdän işadamnarı, Moldova öndercileri hem Moldovada bulunan diplomat misiyaların temsilcileri, başka insannar. Canavar ayın (oktäbri) 3-dä dä Gagauziya Halk Topluşuna seçimnerin II-ci turu 11 seçim bölümündä (Komrat № 1 s.b., Komrat № 4 s.b., Çadır № 5 s.b., Çadır № 6 s.b., Baurçu № 12 s.b., Bucak № 15 s.b., Ütülü küüyü № 20…

Eşecik öldü: Gagauziyanın mezarından titsi bir esmä eser

2023-cü yılın Canavar ayın  (oktäbri) 12-dä biz yazdıydık “Hepsi uurlarda deputatların Kongresi toplanıncak eşecik var nicä ölsün” adlı haberi, neredä sansın fal atmışık, ani bu Kongers, nicä neetä koyulmuştu, Kırım ayın (dekabri) 9-da olmayacek (bak: https://anasozu.com/hepsi-uurlarda-deputatlarin-kongresi-toplanincak-esecik-var-nica-olsun/). Kasımın 28-dä, Gagauziya Halk Topluşu 12 oylan aldı karar, ani Gagauziyanın “Hepsi uurlarda deputatların Kongresi”ni Kırım ayın (dekabri) 9-da yapmamaa da geçirmää onu belli olmayan bir günä. Bu karar için dä temelä alınmış uydurma bir “Gagauz Yeri aksakallar birlii” kuruluşun danışması, neredä “nasaat” veriler bütün gagauz halkın adından seçilän deputatlara ne yapmaa. Fasıl iş. Stalin zamannarına benzeyänbir iş. Şaşmaa da buna diil lääzım, zerä…

“Separatizma nacaa” Dimitriy KONSTANTİNOVun ensä kökündä

Geçennerdä Moldovada “Separatizmaya karşı” kabledelän zakonu isteerlär Gagauziya Halk Topluşu Başı Dimitriy KONSTANTİNOVa karşı “separatizma propagandası için” kullanmaa, çünkü o “demiş, ani insannar isteer Gagauz Respublikasını enidän kurmaa”. Aklınıza getireriz, ani Transnistriya televideniyasına verilän intervyuda hem taa sora “Europa Libera” radiosuna da, Gagauziya Halk Topluşu Başı Dimitriy KONSTANTİNOV açıkladı, ani “gagauzlar var nicä Gagauz Respublikasına dönsünnär, çünkü insannar Gagauz Respublikasına dönmesini isteerlär”. Şindi bu laflar için kendisinä karşı Moldovada “Separatizmaya karşı” Zakonu kullanmaa isteerlär. Maamilä surat Moldova kuvetleri buna karşı bişey demedikleri için, Moldovada bir partiyanın başı açıkladı, ani yollamış prokuraturaya haber, ani bu sözlär için Dimitriy KONSTANTİNOVa karşı ceza…