Bir gagauza hem bütün Gagauziyaya karşı bir zakon

2021-ci yılın Harman ayın 24-dä Moldova Parlamentında “Moldova Respublikasının Prokuraturası için” zakonuna diiştirmeklerin ikinci okumakta kabledilmesinnän Gagauziyanın temeldän sökülmesi başladı.

Bakmadaan ona, ani “Moldova Respublikasının Prokuraturası için” zakonuna diiştirmeklär için cümne insannar hem yuristlär, kendi bakışlarını açıklayarak, dedilär, ani bu diiştirmeklär politika işi hem prokuraturayı politika ökçesi altına almak, zakon ikinci okumakta kabledildi. Moldovada “zakonçuluu korumasında duran” halklararası kuruluşlar, dilsizlär gibi, sustular, bakmadaan ona, ani bu Zakon proektı, nicä düşer Evropaya bakannara, Venețiya komisiyasına yollanmalıydı hem Moldova Prokurorların Üüüsek Soveti tarafından incelänmeliydi.

Zakonu kabledennär ne da deselär, bu zakon en aazdan bir gagauza, Moldovanın büünkü Baş prokuroruna Aleksandr STOYANOGLUya hem bütün gagauzlara hem Gagauziyaya karşı bir zakon, çünkü, Gagauziyayı sıradan bir rayon uuruna indirip, Gagauziyanın Baş prokurorunu hem gagauz olan Moldova Baş prokurorunu Aleksandr STOYANOGLUyu Moldova Prokurorların Üüüsek Sovetinin azalıklarından da çıkardılar.

Bu diiştirmeklerdän sora Moldovanın Baş prokuraturası bildirdi, ani “Moldova Respublikasının Prokuraturası için” zakonuna diiştirmekleri kabledilmesi sebepinnän Moldova Konstituțiya Suduna danışacek. Esaba alarak ne kararlar Moldova Konstituțiya Sudu bitki vakıtlarda kabletti, dooruluu bulmaa zor olacek.

PATRETTÄ: Gagauz olan Moldova Baş prokuroru Aleksandr STOYANOGLU.

Foto: Public Domain / Parlamentul Republicii Moldova

Источник anasozu.com

Haberci

25.08.2021

527

Categories: Новости

İlgili statyalar

Gagauziyayı temeldän sökerlär – Gagauziyanın garantı Gagauziya Başkanı kırları gezer

Gagauziyanın temel çivilerini sökmää hem Gagauz prokuroru çıkarmaa deyni eni seçilän Moldova Parlamentında çounnuu olan PAS (“Çalışmak hem Birlik”) partiyası kendi çalışmasını başladı ondan, ani “Moldova Respublikasının Prokuraturası için” zakonu diiştirer. Moldova Parlamentında “Moldova Respublikasının Prokuraturası için” zakonda diiştirmekleri deputatlara Harman ayın 13-dä teklif etti Moldovanın yustițiya ministrusu hem PAS deputatı Sergey LİTVİNENKO. Canabisi, maamilä surat, yustițiyayı düzeltmäk sebepinnän, açıktan söledi, ani var sade bir yol Moldova Başprokurorunu Aleksandr STOYANOGLUyu iştän çıkarmaa – “Moldova Respublikasının Prokuraturası için” zakonunda diiştirmeklär. Onnarın birisi da – Prokurorların Üüüsek Sovetinin azalarını 15 kişidän 12-ya indirmää, oradan Moldovanın Baş Prokurorunu Aleksandr STOYANOGLUyu, Gagauziyanın Baş prokurorunu…

BOT işçi

459

14.08.2021

Tren gittiynän Gagauziya Başkanı eşinmää başladı

Harman ayın 24-dä Moldova Parlamentında “Moldova Respublikasının Prokuraturası için” zakonuna diiştirmekleri ikinci hem son okumakta kabledilmesindän sora, Gagauziya Başkanı İrina VLAH, bu uurda biraz dalga yapmak için, eşinmää başladı, bileräk ani artık geç, çünkü Zakon geeri dönmäz. Ama bu eşinmelärlän Gagauziya Başkanı kiminsa önündä suratını kurtarmaa pek isteer (bak: https://gagauzinfo.md/top1/61722-bashkan-irina-vlah-nastaivaet-na-vklyuchenii-prokurora-gagauzii-v-sostav-vsp.html). Açan Harman ayın 13-dä Moldova Parlamentı tarafınfan ilk okumakta kabledildi “Moldova Respublikasının Prokuraturası için” zakonuna diiştirmeklär, neredä belli oldu, ani kuvettä bulunan partiya Gagauziyayı temeldän sökmää başladı, Gagauziya Başkanı İrina VLAHtan buna karşı bir “gık” ta çıkmadı. Taa da beter, ançan lääzımdı çannarı düümää hem büünkü eşinmeyi yapmaa, Canabisi kırları gezärdi…

Haberci

489

26.08.2021

EİHS: Aleksandr STOYANOGLU Baş prokurorluktan zakonu ezmäklän alındı

Yaklaşık bir ay geeri Evropa İnsan Hakları Sudu (EİHS) almış karar, ani Moldovanın gagauz olan Baş prokuroru Aleksandr STOYANOGLU Moldova Respublikasının Baş prokurorluundan zakonu ezmäklän alındı. Ama, Moldova kuvetlerinä vakıt vereräk, EİHS, neçin sä, kararını sadece Canavar ayın (oktäbri) 24-dä üzä çıkardı. Moldova kuvetleri bu ayı pek islää kullandılar. Moldova prezidentı, Evropa Birliin teklifleri “kabaatsızlık prezumpțiyası”ndan üstün koyarak, Ceviz ayın (sentäbri) 26-da imzaladı Emiri, angısına görä Moldovanın gagauz olan Baş prokurorunu Aleksandr STOYANOGLUyu Baş prokurorluk işindän çıkardı. Ardından da, Canavar ayın (oktäbri) 21-dä, Moldovada eni Baş prokurorluk için artık konkurs açıklandı. Moldova Respublikasının Baş prokurorluundan zakonu ezmäklän alınana Moldovanın gagauz…

Haberci

25.10.2023

Aleksandr STOYANOGLU tutuklandıynan: “Bu – memlektin prezidentı tarafından kinnik”

(Moldovanın Gagauz olan Baş prokuroru Aleksandr STOYANOGLU 72 saada tutuklandı) Dün avşamneyin, saat 18:00 için açıklanmış pres-konferențiyanın önündä, Moldovanın informaţiya Slujbasının SİSı (eski KGB) tarafından 72 saada tutuklandı Gagauz olan Moldovanın Baş prokuroru Aleksandr STOYANOGLU. Bu iş yapıldı bölä sțenariyaya görä: – Moldova justițiya ministrusu Serdjiu LİTVİNENKO zorlan toplandırdı Moldova Prokurorların Üüüsek Sovetini; – Bu sovetä gelän Baş prokuroru Aleksandr STOYANOGLUyu Serdjiu LİTVİNENKO kuudu oradan; – Sovetin gündelik işinä zorlan koyuldu soruş: “ Moldova Parlamentı PAS parstiyasından deputatın Lilian KARPın Moldovanın Baş prokuroru Aleksandr STOYANOGLUya karşı danışması için”; – Danışma koyulunca hem kabledilincä, Antikorupțiya prokuroru Viktor FURTUNA Moldovanın Baş prokuroru…

Haberci

456

06.10.2021

Konstituțiya sudu STOYANOGLUnun iştän atılmasını zakonsuz tanıdı

Moldovanın gagauz olan Baş prokuroru Aleksandr STOYANOGLUnun advokatlarının danışmasına görä, Moldova Konstituțiya sudu “Prokuratura için Zakonun 31-ci statyası” konstituțiyaya uymamasını tanıdı. Kasım ayın 9-da Moldova Konstituțiya sudun toplantısından sora, Moldova Konstituțiya sudun artık eski başı Nikolae ROŞKA açıkladı, ani “Prokuratura için Zakonun 31-ci statyası” konstituțiyaya uymêêr”. Aklınıza getireriz, ani bu statya görä, Moldovanın gagauz olan Baş prokuroru Aleksandr STOYANOGLUya, kendisini zakonsuz iştän alınma zamanında, verilmedi kolayık korunmaa. Eridir urgulamaa, ani Konstituțiya sudunda bu karar alınırkan sudyalar Nikolae ROŞKA hem Lüba ŞOVA başka fikirdä kaldılar. Hep o zaman, Nikolae ROŞKA Konstituțiya sudun başından atıldı da, birkaç gündän sora, Konstituțiya sudun başı…

Haberci

16.11.2023

Yorum yapabilmek için giriş yapmalısınız.