Beşgöz küüyüdä geçti 16 – ci halklararası serbest güreşindä turnir

Beşgöz  küüyüdä geçti 16 –ci halklararası turnir, angısını geçirerlär deyni anmaa treneri Pötr Tülüyü.  Pötr Tülü giriştirdi güreşmeyı kendi duuma küüyündä. Onun  çoyu  terbiedilenneri tanıttılar Gagauziyayı halklararası arenada. Bu yıl turnir topladı 24 komanda Moldovanın üülenki dölaylarından, hem da 4 komanda Ukrainadan. Güreşleri gözletti korrespondetımız Zinaida Kanţır.

16 – ci halklararası turniri, adalı trenerın Pötr Tülünün anmasına, geçti Beşgöz küüyün kultura evindä. O topladı en islää güreşçileri devletin üülen tarafından, hep ölä pay aldılar genç olannar Ukraina devletindän da. Ofiţial açılışta  çok islää laflar sölendilär adam için, angısı bakmadaan kendi kısa ömürünä, yaptı pek çok, ki güreşmäk nicä sport soyu, ilerlesin. Da buna örnek – pay alannarın sayısı, angıları geldilär  göstermää  ne onnar becererlär.

Nikolay Gotişan,  Beşgioz küüyün primarı: «Her zaman  lääzım tutasınız aklınızda o kişileri, angıları tarattılar.Hazırlayasınız kendinizi  ensemäk için yarın. Unutmayınız hiç bunu».

İvan  Tülü,  Pötr Tülünün oolu: «Güreşmäk diil saade yarışmaklarda, güreşmäk — bütün yaşamak. Unutmayınız, ani siz bir büük güreşmäk aylesi».

Oyun pek meraklıydı. Vardı nasıl görmää sevinmäk yaşlarını, neçinki kimsey istemäärdı verilmää. Bakmadaan  genç güreşçilerin yaşına, onnarın gözleri yalabıyardılar, hem da havez ensemää duyulardı. Uşaklar savaşardılar göstermää hepsini, neyä onnarı üüretti trenerlar. Onnarın laflarına görä bölä uurda turnirlar vererlär kolaylık diil saade göstermää kendini, ama dostlaşmaa da, hem da almaa eni becermekleri.

«Benim için  yarışmaklar geçerlär pek islää. Bir sıra güreştim, da ensedim».

«Hepsi islääydi, ama biraz korku aldı  beni, ani enseyameyecäm».

«Bişey kötü yok nasıl olsun deyecez, herlim  tarayamaarsaydın – bu diil önemli, önemli o, ani sän saa olasın».

Yarışmalaradan uşakaları hazırlardılar oyuna hem da onnarı destekläärdilär trenerlar, angıları  hodullanardılar taramaklarınnan  hem da bulardılar lääzımnı lafları, açän onnar ensemäärdilär. Nicä sölendi, sportta  ensämeer te o, kim  hiç güreşmeer. Da her zaman var nasıl almaa revanşı karşı taraftan başka yarışlarda buluştuynan.  Nicä nışannȇȇrlar trenerlar, bölä uurda yarışmaklar  vererlär  uşaklara  kolaylık eni becermekleri almaa hem da taa yakın soperniini üürenmää.

Mihail Molla, Beşgioz küüyüdän treneri: «Geçirmää deyni büünkü turnirı yarımcı oldular Gagauziyanın  gençlik hem sport bakannıı, primariya, nasaatçılar, çok dost, angıları benimnän barabar terbiyedildilär, güreştilär bizim küüyümüzdän. Onnar pek yardım ederlär  kendi küülerinä».

Dmitriy Babov, Tomay küüyüdän trener: «Pek islä katılmaa bölä uurda turnirä, olma hepsinnän  barabar, neredä sa gözletmää».

Yarışmalarda pay aldılar güreşçilär  komuşu dolaylardan da  hem da Ukrainadan, angıları nışannadılar, ani  her yıl gelerlär, güreşmää hem da almaa ilk eri. Komuşu devletin  trenerları çizgiledilär, ani bakmadaan zor vakıtlara, pay almak turnirda pek önemli.

Mihail Lupaşko, Leova kasabasından trener: «Turnir geçer – bu çok eder, bu pek islää, pek önemli. Çok saa olsunnar bölä  yortu için bizim uşaklarımız».

Larisa Yaslava, Ukrainadan trenerın yardımcısı: «Pek islää geçer turnir, uşaklar evdän çıkȇrlar. Bölä güreşmeleri zor geçirmää. Uşaklar giderlär saade Odesa dolayına. Savaştık, geldik bu turnira. Çok şükür ederiz hepsini  kabletmäk için hem bölä gözäl yarışmalar için».

Yarışmaların bitkisindä hepsi enseyicilerä verdilär diplomnarı, medalileri hem da para premiyalarını. Ama en önemli o, ani hepsi katılannar kablettillär islää duyguları, hem da kuvet bütün aftaya. Kabledilmiş bilgilär sa vereceklär kolaylık kullanmaa onnara taa üüsek uurda.




Источник grt.md
302

İlgili statyalar

Tomay küüdä geçti treneri Vladimir Taukçiyi anmak turniri

Tomay küüyüdä geçti  serbest güreşi turniri deyni anmaa şannı  treneri  Vladimir   Taukçiyi. Turnir  geçti şansora 8 keret,  o toplȇȇr  Gagauziyanın   hem  Moldovanın  en  kaavi  güreşçilerini. Vladimir  Taukçiyi anmak turnirdä  pay aldı  12 komanda  12 aarlık  katigoriyasında. Vladimir Taukçi –  insan, angısı bütün yaşamasını sportlan  baaladı,  büük  bir  iz  braktı kendi ana küüyünün istoriyasında. Gençlerdä o  teerbi  edärdi   diil  sade   kaavi  güreşçileri,  ama  haliz  insannarı da. Güreşçilär  Gagaziyanın  hem  Moldovanın  türlü  taraflarından her  yıl büük havezlän pay alêrlar  bu turnirda. «Pek sevinerim pay almaa bölä  turnirlarda, çünkü  isteerim ensemää». «Bän ilk keret  pay  alêrım  böla  turnirlarda,  tarattım,  ama bän  hiç  durgunmayacam,…

Gagauziyanın hem Tarakliyanın en ii voleybolcuları pay aldılar  Çernobil çıkışlarını yokedenneri anmak turnirında

Hederlez  ayın  29-da Kıpçak küüyününü sport şkolasında geçti  Çernobil avariyasının çıkışlarını yokedenneri anmak turnirı. Kim bu yıl  aldı ilk eri, Oleg Duloglonun materialında. Çernobil avariyasının çıkışlarını yokedenneri anmak turnirı geçti 8-ci keret da topladı  Kıpçak küüyüdä Gagaziyanın hem Tarakliya  kasabasının en kaavi  komandalarını. Oyuncular nışannadılar, ani bu turnir çok önemli  onnara deyni. Kimsey istemäärdi aşaa kalmaa, hepsi istärdi taramaa turnirı. «Biz bu turnirda  diil ilk keret, bu 8-ci turnir. Biz isteriz  almaa ilk eri, ki kupa  kalsın  bizdä, biz  onu  kimseya  vermeyecez, neçinki  biz çok  hazırlandık».    «Bu turnirda  biz pay alêrız  diil ilk keret.  Her yıl geçer  bölä  turnirlar. Geldik …

Afgan cengin askerini Georgiy Yanevı anmak dzüdo turniri Kazayak küüyündä geçti 

GeorgiyYanevı anmak turnirlar geçiriler Kazayak küüyündä çok yıl. Hederlez ayın edisindä geçmiş dzüdo turnirindä pay aldılar uşaklar Moldovanın türlü dolaylarından. Afgan cengindä canını kaybetmiş GeorgiyYanevın hatırına dzüdo turniri yapıldı Kazayak küüyünün kultura evindä. Yarışmaklarda pay aldılar 11 komanda birkaç aarlık kategoriyasında. Genç dzüdocülar gösterdilär kendini en ii taraftan. «Duygularım pek islä, sevdim bu turniri. Biraz korkardım, ama bän dayandım».   «Bän isteerim üstelemää hepsini, ama altı kalasam da  kahır olmayacam. Bölä turnirlarda taa  pay almadım, ama iki keret Rumıniyaya gittim. Burada isteerim ilk eri almaa, başkalara da  kısmet olsun».   «Bu benim ilk  turnirım, onuştan biraz korkêrım. Isteerim ilk eri…

Çadır-Lungada boks okulun kurucusunu Valeriy Potapovu anmak turnirı geçti

Kasım ayın 26-da Valeriy Potapov adına Çadır dolay spot okulunda geçti boks turnirı. Onu geçireräk hazırlayannar hem payalannar andılar Moldovanın şannı trenerını Valeriy Potapovu. Turnirın pay alannarı nışannadılar, ani büük havezlän kabletillär teklifi pay almaa turnirda. Onnara deyni bu bir ii kolaylık gostermää kendi becerikliini boksta hem butakım anmaa şannı trenerı. «Bän bilerim bu trenerı, ani o pek islää trener oldu, pek çok islää boksör büüttü. Bän pay alêrım bu turnirda, neçin ki bän pek beenerim boksu, pek çok ürendim boksa, duudum bu zalda vaar niçasolemää», — paylaştı sportçülardan biri. Turnirin musaafirleri nısannadılar, ani pek önemli bölä turnirları geçirmää, çünkü…

Şahmata turnirı belli etti en ii oyuncuları devletin üülen tarafında

50 sportçudan zeedä devletin üülen tarafından toplandılar Komaratta, ki belli etmää  en kaavi şahmatistları 4 kategoriyada aşa görä. Üç günün içindä şahmata taftalarında  geçti kızgın hem kaavi oyun. Taa geniştän süjetımızda. Yarışmaklarda payaldılar Gagauziyanın hem dolay kasabaların, küülerin kaavi şahmatistleri, angıları koyup bütün kuvetlerini, çıktılar finala. Çoyu partiyalar şürtülär saatlarlan, çünkü karşı karşıya geldilär  Moldovanın halklararası  çempionarı. Okadar ki diil hepsinä uydu taramaa hepsi partiyaları, vardı yanışlıklar da. Oyuncuların laflarına görä, turnir angısı adalı halklararası şahmata gününä, geçti üüsek uurda, konkurentlar da pek islää hazırdılar. Turniri kararladılar geçirmää analar-bobalar barabar şaşki hem şahmata federaţıyasınnan. Trenerın Andrey çeşmedjının laflarına görä oyun…