Beşalma küüyündä enilederlär Kultura evin dış üzünü

Beşalma küüyü 2022 yılda Gagauziyanın baş investiţiyalar kanonuna görä  507 bin ley kimi proektlerin geliştirmesinä kabletti. Erli kuvetlär kablettilär kararı üç obyektä bu paraları doorutmaa, onnarın birisi küüyün Kultura evi. Onun dış üzünü şindi enilederlär.

Kultura evin enilenmesinä 157 bin ley verildi, onnardan 130 bin baş investiţiyalar programasına görä hem primariyanın büdjetindän 27 bin ley.

«Proektä görä, Kultura Evin dış üzünü düzmää lääzım. O 2012-ci yılda yapıldıydı, ama 10 yıl geçti. Kabledildi karar eski ştukaturkayı çıkarmaa da duvarları bütündän boyamak için hazırlamaa», — annattı  Beşalma küüyünün primarı Valeriy Moş.

Beşalma  Kultura evi 1968-ci yılda kaldırıldı. Yapının içindä kimi odalarda remont işleri taa ilerdän yapıldıydı. Şindi Kultura evin ȇstetika üzü lääzım diişilsin.

«Ştukaturka çatlamış da vardı nicä şansora düşsün. Biz bütündän onu çıkarȇrız, setkayı koyacez, duvarları kaaviledecez», — açıkladı  düzücü İvan Kösä.

Beşalma Kultura evinin baş sţenası diil çoktan enilendi, haberledi küüyün başı. İşlär içyanda ama taa ilerleyeceklär.

«Şţena kötü haldaydı. Biz onu enilettik, perdeleri astık. Gelän yıla kalȇr salonun duvarlarını boyamaa. Şindi hazırız region uurunda musaafirleri kabletmää», — söledi Valeriy Moş.

Beşalma küüyünün Kultura evindä her gün vokal, oyun bölükleri hem folklor kolektivi çalışȇrlar.

Reportör: Svetlana Dimitroglo

Video: Grigoriy Stavilov

Kurgu: Mariya Kazaku




Источник grt.md
264

İlgili statyalar

Beşalma küüyünün kuvetleri: “Odun hepsi kabledecek”

Dual gaza paaların büümesinnän, yaşayannar geçerlär odunnan yısınmaya. Primariyaya yaşayannarın danışmakları onnara odunnan yardım etsinnär, gün-gündän zeedelenerlär. Komrat dolayın Beşalma küüyündä yakacakları insana vermesinnän problemayı çözmää düşüner erideki kuvetlär. Beşalma küüyünün hepsi 830 ev çorbacılıı tezdä kabledeceklär yakacak kış için. Bir buçuk skladometra odun 900 ley tutacek. Yakacakları yaşayannara evä getireceklär. «Kablettik kararı hepsi insana, kim yazacek danışmayı, yakacak getirecez. Birär priţep evä. Büünkü günä 300 danışmaktan zeedä var», — haberledi küüyün primarı Valeriy Moş. Odunnarı insana evä erli liderların birisinin başçesindän getirerlär. Bu işi erli kuvetlär birleşip tä yapȇrlar, söledi deputat Grigoriy Dülger. «Bu büünkü günün probleması diil. Taa…

Başkan kontrol etti Svetlıy küüyün Kultura Evindä yapılı remondu  

Komrat dolayın Svetlıy komunasında Kultura Evi enilenmesindä işlär başarıldılar. Şindiki vakıda Kultura Evin ilk hem ikinci katlarında iç işleri yapıldı. Gagauziyanın başkanı İrina Vlah kontrol etti yapılı remondu.   Svetlıyın Kultura merkezi 30 yıldan zeedä enilenmedi. Remont işleri yapıldılar iki ȇtapta. İşleri çekettilär 2017-ci yılda. İlktän örtü diiştirildi hem yapının dış üzü yapıldı. İkinci ȇtapta Kultura evindä remont işleri yapıldı iki katın girişleri, basamakların bölükleri, oyun salonu hem  temizlemäk odası. Remondu yapan firma pençereleri hem kapuları diiştirdi. Enilenmiş odalarda ȇlektrika diiştirildi, zamandaş şafkları koyuldular. Şindiki vakıda remont işleri başarıldılar. Svetlıy küüyünä iş sırasında bulunarkana Kultura evindä yapılı işleri Gagauziyanın başkanı…

Proekt hazır, ama para yok. Tülüküüyün Kultura Evin zalı lääzım temeldän tertiplensin

Tülüküüyün Kultura Evin zalı bulunȇr kötü durumda. Oluşlar orda yapılmȇȇr şansora üç yıl. Onu temeldän eniletmää deyni lääzım buncak para, angıları primarıyada yok. Ama erli kuvetlär hazırladılar proektı da umutlanȇrlar, ani bu iş bitki – bitkiya gerçekleşecek.  “Kultura – o hepsini birleştirän bir dil” – ölä bir yazı asılı dürȇr Tülüküüyün Kultura Evin zalında. Bitki oluşlar orada yapıldıydı 3 yıl geeri. Zalın kötü durumun beterinä onu kapadılar, ki ap – ansızdan bir kimseyin kafasına yıkılmasın tavan. Nemdän her taraf çatlak, duvarlar küflü, kimi erlerdä duvarların suvası düştü. Taftadan erlär hem sţena lääzım diiştirilsin, şafklar, isıtmak sisteması hem mobilya läzım eni…

Video: Erli iniţiativ grupalarının ilk festivali

Beşalma küüyündä ilk sıra geçirildi erli iniţiativ grupalarının festivali. Onda pay aldılar 18  küü. Bu forum geçirildi neetlän göstermää yaşayannara erli iniţiativ grupalarının, folklor toplumnarının hem halk ustaların işini. Festival geçti devizlän «Geleceemiz için birliktä». «Büünkü forum pek önemli bizä deyni. Umutlanȇrız, ani o olacek örnek herbirimizä. Sade birliktä biz yapabilecez faydalı hem gözäl işleri», — söledi Valeriy Moş Beşalma küüyünün primarı. Beşalma küüyünün merkezindä erleştilär küülär kendi gözäl adetlerini göstermää. 5 yılın süresindä iniţiativ grupaların yardımınnan küülerdä gerçeklendi çok meraklı hem faydalı proekt. Bu iş için herbirini şükür etti Gagauziyanın Kultura Baş bakannıın başı Marina Semönova. Beşalmanın yaşayannarı hem…

Yaradıcı kolektivlerä odalar etişmeerlär

Kongazın Kultura evindä yaradıcı uşak kolektivlerinä vokallan hem oyunnarlan zanaatlanmaa deyni çalışmak odaları etişmeerlär. Bu problema yıllarca çözülmeer. Yaradıcı kolektivlerin pay alannarına sıra geler sıralıkça zanaatlanmaa. Kongazın Kultura evindä erleştirili kurumnar, angıları küüyün yaradıcı kolektivlerin odalarını tutȇrlar. Bu beterä uşakların bölükleri bir-bir ardına hep odalarda zanaatlanȇrlar hem maasuz sıralamaya görä, ne uygun diildir kolektivlerin çalışannarına. Bundan kaarä, yaradıcılaa katılmaa çok isteyän uşak var№ ama odaların etişmemezlii beterinä, Kultura Evi uşakları kabledämeer. АNDREY PALİK Kultura Evin direktorun bir vakıda işini götürän : — «İki biblioteka: uşaklar hem büüklär için, muzıka okulun filialı, yaradıcılık okulun filialı, miliţiya buradaţ çalışannarımıza er etişmeer». Erideki…