Bakannık Komiteti kabletti 2022 yılına bücet proektini
Bakannık Komiteti kabletti 2022 yılına bücet proektini, angısını taa lääzım olacek kabletsin Halk Topluşu. Ama ilkin bücet proekti lääzım geçsin cümne seslemeklerini.
Gagauziyanın büceti 2022 yılına taa kabledilmedi. Büünkü günä avtonomiya birvakıtlık bücetä görä yaşȇȇr, çünkü taa ilerdän Halk Topluşunnan kabledilmiş bücet kanonunu devlet üüsek daavası iptal etti.
Bakannık komiteti bitki oturuşunda canavar ayın 31-dä baktı 2022 yıla eni bücet proektini. Bücet kuruldu, esaplayarak ekonomika krizisini, nışannadı Gagauziya finans bakanın işini götürän Tatyana Doyçeva.
Bücet harçların payı yaraştırarak 2021 yıllan üüseldi 108 million leya. Onnarın taa çoyu 938 mln ley gidecek soţial harçlarına. Bücetın 71 proţendi gider kultura, saalık hem üüretim sferasında. Bücet proektinä girdi üürenicilerä para yardımı için harçlar da, ani lääzımdı verilsinnär taa ceviz ayın 1-dän. Bücettä bu harçlara 19 buçuk mln leydän zeedä bakılı. Bücet kabledilincä hepsi uşaklara bu ödemeklär yapılacek.
Bücet proekti için kendi seslerini verdi hepsi bakannık komitetin azaları. Şindi o lääzım cümneya seslemeklerä çıkarılsın, ondan sora da verilecek Halk Topluşuna bakılmaya hem kabledilmeya.
Источник grt.md 01.11.2022