BAKANNIK KOMİTETİ TUTTURMADI GAGAUZ DİLİ BİLMESİ İÇİN KOMİSİYASININ KURULMASINI
Gagauziyanın Bakannık komiteti tutturmadı Avtonomiyada kuvetlär organnarına görevlendirilän kandidatların gagauz dili bilmesi uuru için komisiyanın kurulmasını.
Gagauziyanın M.Maruneviç adına BAM başı İrina Konstantinova nışannadı, ani Avtonomiyada kuvetlär organnarına görevlendirilän kandidatların gagauz dili bilmesi uuru için komisiyası büün yok nicä kurulsun, çünkü gagauz dilindä cümnä-politika uurunda lääzımnı leksika taa yok.
İRİNA KONSTANTİNOVA Gagauziyanın M.Maruneviç adına BAM başı:
«Geneldän Gagauziyanın yaşayannarı bilmeerlär gagauz dilinin özel cümnä-politika leksikasını üüsek uurda. Bu takım geçirmää test da bellietmää Gagauziyada kuvetlär organnarı görevlendirmä kandidatların , angıları mutlak lääzım bilsinnär gagauz dilini hem GHT deputatların gagauz dili bilmesi uurunu var nicä belli etmää sadece hazırlayıp hepsi didaktika materiallarını».
Bundan kaarä nışannandı, ani bu proekttä annaşılmȇȇr, neyı lääzım yapsın komissiya. Açıklasın kandidatın gagauz dilini bilmäk uurunu mu, osa kullanması uurunu mu. Bundan kaarä var soruşlar bu proektin içindelii için dä.
İRİNA KONSTANTİNOVA Gagauziyanın M.Maruneviç adına BAM başı:
«Reglamentin 1-ci punktuna görä lingvistika komisiyası kurulȇr HT. 6-cı punktuna görä kuruluşu diiştirer prezidium. 11-ci punktuna görä komisiyanın personal kuruluşunu kararlȇȇr GHT prezidiumu. Bundan bir çıkış, ani bu punktlar karşı koyȇrlar biri-birinä».
Alarak sıralanmış sebepleri esaba, Bakannık komitetin azaları desteklämedilär bu proekti.
İRİNA KONSTANTİNOVA Gagauziyanın M.Maruneviç adına BAM başı:
«Alarak esaba yukardakı yazıları, GBK desteklämeer bu proekti, angısında laf gider gagauz dilini bilmäk uurlarını bellietsinnär deyni lingvistika komisiyasının reglament proektini».
Bu soruştan kaarä oturuşun süresindä bakıldılar başka önemli soruşlar da.
Источник grt.md
