Avdarma 2018-dän beeri Aaçlık kurbannarını ofițial olarak anêr

Avdarma 2018-dän beeri Aaçlık kurbannarını ofițial olarak anêr

Hepsimiz bileriz, ani 2019-cu yıldan beeri Canavar ayın (oktäbri) 19-zu Gagauziyada,  ofițial olarak, “Aaçlık kurbannarını Anmak Günü” oldu, ama bu işi Gagauziya Halk Topluşu taa ilktän, 2018-ci yılda teklif edildiinän, kabletmeyincä, Avdarma küüyün primariyası 2018-ci yılda karar aldı Canavar ayın (oktäbri) 19-da “1946-1947 yıllarda Aaçlık kurbannarını Anmak Günü”nü bakmaa.

Avdarmada bu yıl 1946-1947 yıllarda Aaçlık kurbannarını Anmak sırası yapıldı küüyün mezarlıında kurulan “Avdarmada 1941-1945 yıllarında tiftan ölän 575 kişiyi hem 1946-1947 yılında aaçlıktan ölän 583 kişiyi anmaa deyni” Çasovnänın yanında, angısı düzüldü Avdarma küüyün mețenatlarının parasınnan hem açıldı 2019-cu yılın Canavar ayın (oktäbri) 19-da, Gagauziyada “Aaçlık kurbannarını Anmak Günü”n seftä ofițial bakmak günündä.

Aaçlık kurbannarını anmasında pay aldılar küüyün Primarı Marina KAPSAMUN, Avdarma küüyündän Gagauziya Halk Topluşun VI-cı toplumun deputatı hem küüyün istoriyası muzeyin direktoru Elena KARAMİT, muzeyin zaametçileri, küü lițeyin üüredicileri hem üürencileri.

Hepsi bu insannar, aaçlık kurbannarını anarak, Çasovnenin anmak taşına çiçeklerini koydular, mumnarını yaktılar hem aaçlıktan bir kabaatsız raametli olan cannar için dua ettilär. Küüyün Ay-Mihayıl klisesinin popazı Ay-Boba Konstantin raametlilerin cannarı için liturgiya okudu.

Bilinän bilgilerä görä Avdarma küüyündä 1946-1947 yılında aaçlıktan 800 kişidän zeedä insan öldü, onnarın salt 583 adı hem laabı bulundu. Kalanını taa aaraştırêrlar.

Not. Gagauziyada“Aaçlık kurbannarını Anmak Günü” bakılsın deyni karar alındı Gagauziya Halk Topluşu deputatlarının Elena KARAMİTin hem Ekaterina JEKOVAnın GHTya danışmasına görä, angısı için Gagauziya Halk Topluşu aldı karar 2019-cu yılın Canavar ayın (oktäbri) 15-dä.

Avdarma 2018-dän beeri Aaçlık kurbannarını ofițial olarak anêr

Avdarma 2018-dän beeri Aaçlık kurbannarını ofițial olarak anêr

Avdarma 2018-dän beeri Aaçlık kurbannarını ofițial olarak anêr




Источник anasozu.com
218

İlgili statyalar

Avdarma 2018-dän beeri Aaçlık kurbannarını ofițial olarak anêr

Hepsimiz bileriz, ani 2019-cu yıldan beeri Canavar ayın (oktäbri) 19-zu Gagauziyada,  ofițial olarak, “Aaçlık kurbannarını Anmak Günü” oldu, ama bu işi Gagauziya Halk Topluşu taa ilktän, 2018-ci yılda teklif edildiinän, kabletmeyincä, Avdarma küüyün primariyası 2018-ci yılda karar aldı Canavar ayın (oktäbri) 19-da “1946-1947 yıllarda Aaçlık kurbannarını Anmak Günü”nü bakmaa. Avdarmada bu yıl 1946-1947 yıllarda Aaçlık kurbannarını Anmak sırası yapıldı küüyün mezarlıında kurulan “Avdarmada 1941-1945 yıllarında tiftan ölän 575 kişiyi hem 1946-1947 yılında aaçlıktan ölän 583 kişiyi anmaa deyni” Çasovnänın yanında, angısı düzüldü Avdarma küüyün mețenatlarının parasınnan hem açıldı 2019-cu yılın Canavar ayın (oktäbri) 19-da, Gagauziyada “Aaçlık kurbannarını Anmak Günü”n seftä…

Büün Gagauziyada “Aaçlık kurbannarını Anmak Günü”

Gagauziya Halk Topluşu deputatlarının Elena KARAMİTin hem Ekaterina JEKOVAnın danışmasına görä Gagauziya Halk Topluşu 2019-cu yılın Canavar ayın (oktäbri) 15-dä aldı karar, ani her yılın Canavar ayın (oktäbri) 19-da Gagauziyada“Aaçlık kurbannarını Anmak Günü” bakılsın. Gagauzların istoriyasında 1946-1947 yıllarında Sovet rejımının  tarafından gagauzlara karşı zorlan yapılan aaçlık – bu gagauzların en büük tragediyasıdır, zerä bu aaçlık gagauzların yarısından çoyunu mezarlara soktu (bak: http://anasozu.com/gagauzlara-karsi-yapilan-aaclik-genitidin-70-ci-kara-yildonumu-hem-o-genotidin-buunku-sonuclari/). Onuştan biinnärlän kabaatsız aaçla kurban olan insannarımızı analım. Topracıkları ilin olsun! Источник anasozu.com

Çeşmä küüyündä Aaçlık kurbannarını anmak sırası

Canavar ayın (oktäbri) 19-da, Gagauziyanın “Aaçlık kurbannarını Anmak Günündä”,   Çeşmä küüyün primariyasının çalışmasınnan, bu küüyün 1946-1947 yıllarda Aaçlık kurbannarını Anmak Memorialında bu kurbannarı anmak sırası oldu. Anmak sıranın başında, küü lițeyinin gagauz dilindä hem literaturasında üürediciykanın Elena Nikolaevna KÖSÄnin zaametinnän üürencilär, ellerindä aaçlıkta diri kalan dedelerinin patretlerini tutarak, okudular onnarın 1946-1947 yıllarda zorlan yapılan aaçlık için annatmalarını. Bu aar hem yaslı gündä söz tutan Çeşmä küüyün primarı Sofiya JEKOVA şükür etti küülülerä hem o insannara, angılarının yardımınnan hem parasınnan kuruldu bu Anmak memorialı (bak: http://anasozu.com/cesmakuuyunda-aaclik-kurbannarini-anmak-memoriali-acildi/), ani verer kolayını daymalarda anmaa aaçlaa kurban olan insannarı. Neyi, yaşlarlan gözlerindä, bir susmak…

“Gagauziyada 1946-1947 yıllarda aaçlık kurbannarını Anmak Günü”: Bilelim. Analım. Unutmayalım.

“Gagauziyada 1946-1947 yıllarda aaçlık kurbannarını Anmak Günü” çerçevesindä Canavar ayın (oktäbri) 16-da Avdarma küüyün istoriya muzeyindä oldu “Bilelim. Analım. Unutmayalım.” adlı bir sıra, neredä annadıldı o 1946-1947 yıllardakı kara günnär hem anıldı hepsi o insannar, ani bir kabaatsız kurban oldular amansız o aaçlaa. Bu sırada pay aldılar Avdarma küüyün primarı, primariya Sovetinin azaları hem primariya zaametçileri, Dimitri ÇELENGİR teoretik liţeyin direktoru hem üüredicileri, uşak başçanın başı hem terbiedicileri, muzeyin işçileri. Sırayı açtı Avdarma küüyün istoriya muzeyin direktoru Elena KARAMİT laflarlan, angıları epigraf alınmıştı büük gagauz yazıcısının Dionis TANASOGLUnun “Uzun kervan” romanına – “Yok istoriya halksız, nicä da yok halk istoriyasız!” Bundan…

Tipardan çıktı “Ana Sözü” gazetasının 2021-ci yılın Canavar ayın (oktäbri) nomerı

Canavar ayın (oktäbri) 29-da tipardan çıktı “Ana Sözü” gazetasının 2021-ci Canavar ayın (oktäbri) nomerı. Nomerdä tiparlanan materiallar: “Gagauzların XX üzyılın en büük tragediyası için başkandan hem başkancıklardan bir çıt ta çıkmadı: Bİ-ŞEY-CİK!”, “Cannarı taştan olmayannar Aaçlık kurbannarını andılar”, “Türkiyenin 98-ci yıldönümü kutluca olsun”, “Aleksandr STOYANOGLU: “Onnar hepsini ilerdän hazırlamıştılar. Benim arestımı da!””, “Aleksandr STOYANOGLU tutuklandıynan: “Bu – memlektin prezidentı tarafından kinnik””, “Aleksandr STOYANOGLU: “Bu iş politika harakterını taşıyan bir iştir””, “Aleksandr STOYANOGLUnun üstünä ataka – bütün Gagauziya insannarı üstünä atakadır!”, “Aleksandr STOYANOGLUnun serbest brakılması için mitinglar hem protestlar geçer – Gagauziya başkanı susêr!”, “Fadey NAGAÇEVSKİY: Stoyanogluyu lääzım diil salt serbest…