ATATÜRK bibliotekasında Nataliya VORNİKOVAnın resim hem kukla sergisi

Küçük ayın (fevral) 18-dä Komrat ATATÜRK bibliotekasında açıldı Çadır kasabasından resimciykanın Nataliya VORNİKOVAnın resim sergisi. Nataliya VORNİKOVA geniştän biliner Gagauziyada 2008-ci yıldan beeri, açan Canabisi başladı katılmaa Gagauziyada hem dünnäda olan resim sergilerinä. Büünkü günädän pay aldı 15 resim sergisindä. Tanınêr resimciyka uşaklar için kiyatları resimnemäk tarafından da. Artık 5 kiyada resim yaptı. Bundan kaarä onuntaa bir meraklı marfeti dä var – kukla yapmak hem onnarı donaklamak. Komrat ATATÜRK bibliotekasında sergisinä o kendi kuklalarını da getirdi. Nataliya VORNİKOVA 2004-cü yıldan beeri Çadır D. Eräbakan adına uşak resimcilik şkolasında işleer, 2020-ci yıldan da bu şkolanın direktoru. Источник anasozu.com

Kasımın 26-da Komrat ATATÜRK bibliotekasında açıldı büünkü gündä ayakta olan en büük gagauz resimcisisinin Mihail ARABACInın resim sergisi, ani adalı resimcinin 65-ci yıldönümünä. Resimcinin Mihail ARABACInın resim sergisinin açılışı programasını götürdü Komrat ATATÜRK bibliotekasının direktoru Vasilisa TANASOGLU, angısı kısadan açıkladı resimcinin biografiyasını hem yaratmak yolunu da, geçip resimciyä soruş-cuvap bölümünä, ilerletti programayı. Bu soruşlara cuvap ederäk, Mihail ARABACI annattı nicä resimci yolunu aldı, neredä üürendi hem şükür etti hepsinä, kim ona bu yolda yardımcı oldu. Sora resimci için kendi sözlerini söledilär sergiyä gelän musaafirlär dä: resimci Dimitriy NOBAK (Ayoglu), yazıcı Todur ZANET, gagauz dilindä üürediciyka Vera ARAKELÄN, kultura zaametçiykası Valentina…

Gagauziyanın Regional resim Galereyasında açıldı Gagauziya resimciykaların resim sergisi – “İlkyaz kanatlarında”, angısı Baba Marta ayın sonunadan açık olacek. Kendi resimnerini sergiledilär resimciykalar Oksana ARABACI, Mariya DİMOGLU, Olga DİMİTROGLU, Vera JEKOVA, Tatyana KASIM (Tetrioglu), Natalya KOJAKAR, Olga KREȚU, Svetlana PANAİTOVA, Anastasiya RAKOVÇENA hem Natalya VORNİKOVA. Sergilenän resimlär yapılı yaalı boyaylan, grafikada hem suuk batik tehnologiyasında. “İlkyaz kanatlarında” sergisinin açılışını yaptı Gagauziya kultura Upravleniyasının başı Marina SEMENOVA hem kutlama sesinnän resimciykalara danıştı anılmış gagauz resimcisi Födor DULOGLU. Serginin açılış zamanında insannarı kendi yaratmalarınnan tanıştırdı Gagauziyanın “Elegiya” kemençecilär ansamblisi. Источник anasozu.com

Gagavuzya Resim Sergisi/ Yenikapı 2023 Источник www.gagauzya.com

Kasımın (noyabri) 15-dä Komrat regional resim Galereyasında açıldı Gagauziya resimcilerinin “Güz –2022” resim sergisi, neredä incäzanaatını sevennerin önünä sürüler 63 resim. Sergidä çalışmaları bulunan resimceliren (Lübov BRUMM, Elena DULEVA, Födor DULOGLU, Pötr FAZLI, Stepan JELEZOGLU, Konstantin KELEŞ, Natalya KOJOKAR, Pötr NOVAKOV, Lidiya PAPÄN, İvan SOLAMATİN, Tatyana TETRİOGLU, Natalya VORNİKOVA) yaratmaları türlü janralarda yapılı: peyzaj, natürmord, animalizma, abstrakțiya h. t. b. “Güz –2022” resim sergisindän faydalanmaa deyni, bu  sergiyä, kendi üüredicisinnän Vitaliy MANCULlan barabar, uuradılar  Komrat “Dimitriy SAVASTİN” uşak resimcilik şkolasından üürencileri. Источник anasozu.com