Askercilerin girginnii insannarin akillarinda kalêr
Kıpçak küüyündä açtılar Afgan cengin askerlerlerinä anmak taşını. Açılmaya geldi musaafirlär da , küüyün yaşayannarı da, temayı ilerleder bizim korrespondentimiz.
Afgan askercileri her zaman hepsinä örnek , nica lääzım bitkiyadan kendi vatanını korumaa , nica lääzım beenmää kendi ana tarafını. Kıpçak küüyün Afgan cengin askerleri nışannadılar, ani bütün üüreeni koydular ki bu anmak taşını kaldırmaa. Hepsi işleri onnar yaptılar kendi kuvetlerinnän hem kolaylıklarınnan.
İVAN DRAGAN Kıpçak küüyün Afgan ascercilerin birliin başı : — «Bu anmak taşı üüsek uurda durêr öbür anmak taşların arasında Afgan askercilerinä deyni. Açan biz düzärdik bu anmak taşını, küüyün yaşayannarı yaklaşıp söleyärdi ani pek gözäl. Küüyün yaşayannarı beendisä , biz sevineriz, biz kuvetlerimizä görä hem bütün üreemizi koyduk ki bu anmak taşını kaldırmaa».
MİHAİL STAMAT Afgan cengin veteranı : — «Bu anmak taşı lääzım kalsın bizim küüyümüzä, bizim uşaklarımıza. Bu iş lääzımdı olsun, anmak taşı lääzım olsun, unutmamaa bizim kafadarları kiminnän geçirdik askeri. Boris Yanakogluynan biz bir şkolada, bir klasta üürendik, bir gündä askerä da çaardılar, oldu ölä ani bän geldim geeri, o kaldı orada, önemli aklımızda tutalım onnarı».
PANTELEY ÇAVDAR Afgan cengin veteranı : — «Çok saa olsun hepsicii kim yardım etti bizä bu anmak taşını koymaa. Bän isteerim üreemdän bir büük laf sölemää hepsiçocuklara , kim bizim küüdän yardım ettilär bizä bu anmak taşını koymaa. Onnar şindi yok burada, çoçuklar Almaniyada».
Anmak taşı olacek nicä bir örnek askercilerin kaavi ruhun icin,kahranmalık için. O ölä bir örnek angısına görä lääzım büüsün gençlär, bizim borcumuz tutmaa aklımızda o vakıtları- nışannadı çaarılmış musaafirlär.
MİHAİL MOKAN Moldova Afgan cengin askerlerin birliin başı : -«Afgandaykana, açan bizim kafadarlarımız ölärdi bizim ellerimizdä, biz saydık, biz evä dönärsaydık diri biz hepsini yapacez ki onnarı unutmamaa. Biz bu işä bütün üreemizi koyêrız, gençlär lääzım terbi edilsin bu iştä, siz gördünüz,ani burada vardı büüklärda , küçüklärda».
OLEG GARİZAN Kıpçak küüyün primarı : -«Biz lääzım koruyalım, aklımızda tutalım insannarı , kim verdi kendi yaşamasını, Afganistanda, başka cenklerdä. Bizim gençlär, örnek alsınnar bu işlerdän da sıra geldiynän, Allaa veermesin, ama sıra geldiynän korusunnar kendi topraanı».
1989 – cu yılın küçük ayın 15 – dä cenk Afganistanda başarıldı, o gidärdi 9 yıl, 1 ay hem da 19 gün.
Источник grt.md
