Allahım, Panayıyacıım, taa biri isteer…

Baba Marta ayın 22-dän, 2023 yılın Çiçek ayın (aprel) 30-da olacek Gagauziya Başkanı seçimnerindä Başkannaa kandidat olmaa adam kulluundan 7 kişi vardı. Ama şindi dengä bozuldu – araya bir da karı girmää isteer.

Baba Marta ayın 22-dä, Gagauziya Başkannıına kandidatlaa danışmak zamanı ternin yollanmasına taman bir afta kaldıynan, Gagauziya Merkez Seçim Komisiyana (MSK) Gagauziya Başkannıına kandidat olmaa deyni imza toplamak inițiativa grupalarına registrațiya yapmaa danıştı “Şor” partiyasının adından büünkü günädän birerdä işidilmeyän insan – Evgeniya GUȚUL (yurist).

Belli, ani bu danışmak sadece bir piar işi, ama neçin olmasın – bekim bu iş Evgeniya GUȚULun gelecää atlama köprüsünün temelinä ilk taş olacek.




Источник anasozu.com
186

İlgili statyalar

Düşürülän merdivendän pinmää savaşêr

Gagauziya Merkez Seçim Komisiyası (MSK) tarafından Gagauziya Başkannıına kandidat olmaa isteyän Sergey ÇİMPOEŞ için toplanmış imza listelerini kabledilmesi hem Baba Marta ayın 23-dä ona registrațiyada ret cuvap verälmesi beterinä, Sergey ÇİMPOEŞ enidän imza toplamaa başladı. Gagauziya Başkannıına kandidatlık basamaklarından pinmää isteyän Sergey ÇİMPOEŞ MSKda inițiativa grupalarına enidän registrațiya yaptı hem imza için eni listeleri aldı. Öbür taraftan yolda düşürülän kandidatlaa kandidat bildirdi, ani Gagauziya Merkez Seçim Komisiyası (MSK) on karşı ret cuvabını ortadan kaldırmaa deyni suda danışacek. Источник anasozu.com

2023 yılın Çiçek ayın (aprel) 30-da Gagauziya Başkanı seçimneri olacek – kandidatlar 8 var

Çiçek ayın (aprel) 30-da, Gagauziyada olacek Gagauziya Başkanı seçimneri. Bu seçimnerä, kandidat olarak, 8 kişi etişti: 7-si – adam kulluundan, 1-si dä – karı kulluundan. Tiparlêêrız onnarın adlarını o sıraya görä, nicä Gagauziyanın Merkez seçim komisiyası onnara registrațiya yaptı: 1. Nikolay DUDOGLU (baamsız kandidat, Komrat kasabasından Gagauziya Halk Topluşun şindiki deputatı, Moldova demokrat partiyasının eski azası); 2. Grigoriy UZUN (Moldova soțialistlär partiyasının kandidatı, Valkaneş kasabasından Gagauziya Halk Topluşun eski deputatı); 3. Mihail FORMUZAL (baamsız kandidat, iki dönem Gagauziya başkanı oldu); 4. Viktor PETROV (Moldova soțialistlär partiyasının kandidatı, Komrat kasabasından Gagauziya Halk Topluşun şindiki deputatı); 5. Dimitriy KROYTOR (baamsız kandidat, 2002-ci…

Bakalım, bu kerä Kişinev Gagauziyaya Başkan kimi koyacek?

Gagauziya Halk Topluşu kararına görä Gagauziya Başkanı seçimnerin 2023 yılın Çiçek ayın (aprel) 30-da yapılmasına Baba Marta ayın 1-dä start verildi. Baba Marta ayın 1-dän beeri Gagauziya Merkez Seçim Komisiyası (MSK) başladı kabletmää Gagauziya Başkanı olmaa isteyennerä arka olmak inițiativa grupaların dokumentlerini. Bu uurda ilk dokumentleri verdilär Nikolay DUDOGLU (Moldova demokrat partiyasının eki azası) hem Grigoriy UZUN (Moldova soțialistlär partiyasının eki azası). Bu iki adam da şindi, maamilä surat, kendilerini baamsız olduklarını açıkladılar. Nicä bildirdi Gagauziya Merkez Seçim Komisiyanın (MSK) başı Yana KOVALENKO, “registrațiya yapıldıktan sora, inițiativa grupaları lääzım olacek toplasınnar, en azdan 9 küüdän hem kasabadan, 1500-2000 arası geçerli…

Bir kandidatı düşürdülär

Baba Marta ayın 23-dä Gagauziya Merkez Seçim Komisiyası (MSK) istämedi kabletmää Gagauziya Başkannıına kandidat olmaa isteyän Sergey ÇİMPOEŞ için toplanmış imza listelerini, açıklayarak, ani o imzalar dooru toplanmamış. Merkez Seçim Komisiyasının (MSK) toplantısında MSKnın başı Yana KOVALENKO söledi Sergey ÇİMPOEŞä, ani, onnarın bakışına görä, toplanan imzalar vermeerlär kolayını Canabisini Gagauziya Başkannıına kandidatlaa yazmaa. Kendi tarafından Sergey ÇİMPOEŞ söledi, ani “bu sıradan dışarı iş – politika zakazıdır” çünkü onu Rusiyanın kandidatı görerlär da o üzerä Başkannaa kapuları kapêêrlar. Источник anasozu.com

Bir kandidatı düşürdülär

Baba Marta ayın 23-dä Gagauziya Merkez Seçim Komisiyası (MSK) istämedi kabletmää Gagauziya Başkannıına kandidat olmaa isteyän Sergey ÇİMPOEŞ için toplanmış imza listelerini, açıklayarak, ani o imzalar dooru toplanmamış. Merkez Seçim Komisiyasının (MSK) toplantısında MSKnın başı Yana KOVALENKO söledi Sergey ÇİMPOEŞä, ani, onnarın bakışına görä, toplanan imzalar vermeerlär kolayını Canabisini Gagauziya Başkannıına kandidatlaa yazmaa. Kendi tarafından Sergey ÇİMPOEŞ söledi, ani “bu sıradan dışarı iş – politika zakazıdır” çünkü onu Rusiyanın kandidatı görerlär da o üzerä Başkannaa kapuları kapêêrlar. Источник anasozu.com