Aleksandr STOYANOGLU: “Bu iş politika harakterını taşıyan bir işdir”.
(Aleksandr STOYANOGLUyu, bir kabaatsız, 30 gün ev tutuklaması altına koydular)
Aleksandr STOYANOGLUnun tutuklamasından 72,5 saat geçtiktän sora, Kişinevun Çokana bölümü sudu karar aldı Moldovanın gagauz olan Baş prokurorunu Aleksandr STOYANOGLUyu, bir kabaatsız, 30 gün ev tutuklaması altına koymaa.
Bu karardan sora Aleksandr STOYANOGLU dedi: “Yannış bir karar. Bän bişey kötü yapmadım, bunu da gösterdik işin incelemesindä. İnternet skrinnarından kaarä, prokuratura hiç bir temel belgi gösterämedi. Biz gösterdik benim kabaatsız olduumu belgileri. Bu iş politika harakterını taşıyan bir işdir. Baskıya yakalanmak durumuna döneriz. Beni kabaatlı bulêrlar, ani bän 2011-ci yılda ne sa yapmışım, açan halizdän o diiştirmäk Moldovanın MB tarafından geldi. Hiç bir insan gösterämeyecek, ani benim makar bir ilişkim var Platonnan, angısı cümneyä okadar çok negativ emoțiyalar getirer. İncelemä işinä karşı bendä bişey yok, ama bän annamêrım, neçin bän, ani iki yılın içindä bukadar enilik getirdim, bunu çekmäm lääzım? Jurnalistlerä hem cümneyä karşı hiç bir zakaz edilän baskı olmadı”.
Источник anasozu.com
