AAR ATLETİKA OKULUN FİLİALI AÇILDI
Kirsovo küyün Tanagoglo adına gimnaziyasında açıldı regional aar atletika okulun filialı. Olayda pay aldılar küü kuvetleri, bakannık komitetin azaları hem sportçular, okulun zaametçileri.
Gitmää ileri da kalmamaa aşaa, bakmadaan taramaklara hem taratmaklara. Çoyu sportçular bölä devizlan çıkȇrlar matlara, dayannara, totamilerä hem ringlara. Bunadan onnar saatlarlan geçirerlär sınışları zallarda becerikli sportçularlan. Ama üüsek uurda hazırlanmaa deyni regionda yapılȇrlar hepsi koşullar. Örnek buna eni sport zalın açılması Kirsovo küyündä, neredä uşaklar zanaatlanaceklar aar atletikaylan. Şindi onnarda olacek kolaylık kendi yaşamak erindä hazırlanmaa.
MARİYA BOYKOVA Tanasoglo adına gimnaziyasının başı:
“ Bizä geldi teklif Sergey Sapunjidan var nicä mı gimnaziyada kolaylık ilerletmää bu sportu. Biz tutturduk bu ideyayı. Geçmedi yarım yıl da , nicä biz yapıdan, neredä bişey yoktu, çalıştık yapmaa, nekadar finaslarımız vard,ı bu zalayı. Gimnaziyanın zaametçileri kendi kuvetlerinnän yaptılar pek çok. Büün iki zalda açȇrız aar atletika filialını. ”
Zalın açılmasında yardım ettilär gençlik hem sport bakannıı, aar taletika federaţıyası hem erli primariya barabar okulun zaametçilerinnän. Yapıda geçirdilär düzmäk işlerini, hem aldılar lääzımnı tedarlıkları bu sport uurunda. Nicä nışannadılar musaafirlär sadece birliktä var nicä yapmaa büük proektleri.
SERGEY SAPUNJİ Kirsovo küüyün primarı:
“ Açıp bu ii sport merkezini, bizdä var kolaylık burada terbietmää bizim uaşkları, bizim kızları hem çocukları, bizim yaşayannarı bu sport çeşitinä. Da biz umutlanȇrız , ani gelecek çok insan ”.
Şindän 30 uşak gelerlär sınışlara, ki hazırlanıp, etişmää üüsek çıkışlara sport uurunda.
PÖTR TOPAL aar atletika trenerı:
“Pek ii sport zalası, bu oldu kompleks, neredä sportçular diil sade hazırlanaceklar, ama yakışacek kalsınnar yatmaaa ikinci katta hem imää. Bu pek önemli insannarın saalıklarına hem sportu ilerlemää deyni.”
Sportçular, angıları hazırlanȇrlar regional okulunda, nışannȇȇrlar, ani zalın açılması verecek kolaylık te onnara, kim istärdi aar atletikaylan zanaatlanmaa , ama yoktu kolaylıkları gitmää Komrada, erindä geçirmää sınışları. Erli uşaklara deyni – bu önemli olay küüyün yaşamasında.
“ Bizim gençlär ilerlämeerlär, çünkü çok vakıt kaybederlär telefonnarda, internetta, sport meraklandırȇr yaşamanızı, verer saalık hem duyȇrsın kendini insan.”
“Sportt diiştirer bütündän yaşamayı, da bän çeketmediynän sportlan zanaatlanmaa duymazdım kendimi insan”.
“ Bän isteerim nesä diiştirmää kendi saalımda, üürenmää taa çok bu sport için. Bän beenerim bu işi”.
Regional aar atletika okulun başı Viktor Mavrodi nışannadı, ani bu ilk filial küüdä. Da kısa vakıttan sora biz hodulanacez okulun terbiedilennerinnän , angıları tanıttıraceklar regionu türlü yarışmaklarda.
VİKTOR MAVRODİ regional aar atletika okulun başı:
“Bizim zaldan kaarä, nekadar taa çok filial lääzım açmaa Gagauziyada, ki bizim gençlär olsunnar saalıklı, da hazırlı olsunnar yaşamaya”.
Büünkü günä ilk katta yapıldı iki sport zalı, ileri dooru plana koyulu ikinci katta yapmaa yatmak odaları. Gagauziyanın sportçularında olacek kolaylık burada yaşamaa da hazırlanmaa halklararası yarışmaklarına.
Источник grt.md
