Video: 14 yıl geri GRT diiştirdi statsusunu da oldu cümnä kompaniyası
Canavar ayın 29-da GRT kompaniyası 14 yıl tamannadı nicä devlet statusundan cümnä statusuna geçti. Nesoy büünkü gün çalışȇr gagauz televizionu hem radiosu, hem ne lääzım onun ilerlimesi için, materialımızda.
2007 yılında GRT kompaniyası cümnä statusunu kableder, angısı insannara deyni önemli temalara görä haberleri hem programaları hazırlȇr. GRT kompaniyasını finaslȇr avtonomiyanın büceti. Yayınnarı var nasıl siiretmää hem seslemää bütün Moldova devletindä hem Ukrainanın sınır dolayında bulunan yaşamak punktlarında. Kompaniya düzer kendi redakţiya politikasını teleradio kanonnarına görä.
Haberlerdä hem programalarda türlü aktual temalar açıklanȇrlar, angıları meraklandırȇr yaşayannarı. Tanışmaa kanalın içinnän var nicä televizion hem radio yayınnarında, bundan kaarä grt.md grt.md saytında hem soţial baalantılarda. Ama o üzerä, ani yok kolaylık geçmää ţifra yayınına, kalȇr açik soruş kanalın işi ileri dooru, nışannȇr başın işini bir vakıda götüreni Yaroslav Bulgaru.
O hep ölä çizgiledi, ani taa kaliteli yapmaa işi kanalda deyni lääzım tehnikanın eniletmesi dä.
Kompaniya büünkü gün 24 saat çalışȇr hem dä hazırlȇr haberleri hem programaları 3 dildä — gagauz rus hem moldovan
Büünkü gündä kompaniyada yaratma ideyalarını giriştirer profesiional komanda. Herbiri onnardan çalışȇr ki kaliteli olsun yayınnar.
Источник grt.md 29.10.2021