3666 leyın erinä 4300 ley bir gigakaloriya için
Canavar ayın 1 – dän Komrat kasabasının yaşayannarı, angıları kablederlär sıcaa merkezin kurumundan ödeyeceklär 3bin 666 ley bir gigakaloriya için. Bakmadaan buna, bu en üüsek paa sıcak için Moldova devletindä, ama o da örtämeyecek kurumun hepsi harçlarını. Var mı çıkış peydalanmış durumdan üürendi Polina Barbova.
O üzerä, ani gazın paası ilkyaz – yaz zamanında üüseldi diil bir sıra, Komrat kasabasının «Sıcaa verän»kurumu danıştı millet ȇnergetika uurunda Agentstvosuna, kaldırsınnar tarıfleri sıcaa, neçinki kurum satın alamȇȇr gazı, o üzerä, ani para yok. Komrat kasabasının»Sıcaa verän»kurumu kendi işlettirer sıcaa. Zamandaş ȇnergetika hem gaz krizisı adȇȇr büük problemaları, ama aarttırmaa yok nicä, çizgiledi Komrat kasabasının»Sıcaa verän»kurumun öndercisi Vadim Barbanägrȇ.
VADİM BARBANÄGRȆ Komrat kasabasının»Sıcaa verän»kurumun öndercisi: — «Bizim sayımızdı 4300 ley bir gigakaloriya için, ki biz işlettirmää, nekadar verdik, nekadar aldık — sıfıradan. Bizä sa kararladılar 3666 ley bir gigakaloriya için». Bu payı kararladı millet ȇnergetika uurunda Agentstvosu. Elbetki biz bu tariflan işleyämeyecez, bizä para etişmeyecek, ödemää şafkı hem gazı?»
Büünkü günnär Komrat kasabasının»Sıcaa verän»kurumu çekedämeyecek yısıtmak zamanını hem da yapamayacek annaşmakları, çizgiledi Komrat kasabasının»Sıcaa verän»kurumun öndercisi Vadim Barbanägrȇ. Eni paa gaza örtämeyecek Komrat kasabasının sıcaa vermäk kurumun hepsi harçlarını, ama nasıl aykırlamaa paanın üüselmesini.
VADİM BARBANÄGRȆ Komrat kasabasının»Sıcaa verän» kurumun öndercisi: — «Var mı nasıl annaşmakları yapmaa, annayıp, ani bizim kolayımız yok gazı ödemää, angısını biz lääzım kullanalım, yapmaa deyni gigakaloriyayı. Bakarak Kişinöv hem Belţ kasabalarına, neredä barabar işlettiriler şafk hem da haşlak su, ama ne bu haşlak su – o sayılȇr bir mal, angısını kurumnar kendi başına yapȇrlar da onnarda taa ucuz hem su hem da şafk – bu bir moment, ikincisi sa – onnar işlettirerlär şafkı, da satȇrlar onu ».
Vadim Barbanägrȇ görer peydalanmış durumdan sade bir çıkışı — bu üüseltmää sıcaan bir gigakaloriyanın paasını 4bin 300 leyadan. Komrat kasabasının»Sıvcaa verän» kurumun öndercileri neetlener millet ȇnergetika uurunda Agentsvosuna taa bir sıra danışmaa yalvarmaklan, enidän baksınnar tarifleri. Erli onnar kayıl olmarsaydılar, o zaman Komrat kasabasının sıcaa vermäk kurumu neetlener danışmaa dava kurumnarına. Bu yılın dokuz ayın içindä kurumda toplandı borç, sayıda bir million 800 bin ley, ama bitki üç yılın içindä borç sayısı bütündän kurȇr 3 million 800 bin ley. Komrat kasabasının sıcaa vermäk kurumu balansında bulunȇrlar 11 kotelnıy hem da üç bindän zeedä metra trubaları.
Источник grt.md
