29 09 21 TOMAY KÜÜYÜNDÄ YAPTILAR BİTKİ KÖTÜ YOLU
Tomay küüyündä düzdülär en kötü halda bulunan yolların bitkisini. Sadovaya maalesinin yaşayannarı bu işi bekledilär 5 yıldan zeedä.
Sadovaya maalesinin yolundan, aaz buçuk yamurdan sora, ne yayan ne dä transportlan geçmää yoktu nicä. Yolu 50 yıldan zeedä düzmedilär. Bu yıl, primȇriyanın hem devletin yol fondun yardımınnan problema çözüldü.
«Yollar, angıları bulunȇrlar dik erlerdä, herzaman bu bayırlardan su geler, da yolda ne var, hepsini aşaa alȇr. Bölä yollar çok dayanmȇrlar. Açan başladık işlemää, çaardık proektantı, angısı aldı esaba bu maalenin bayırda bulunmasını, ki taa aaz su yola dooru aksın», — Tomay küüyünün primarı Födor Topçu.
Bütündän yolun düzülmesi için arcandı 800 bin leydän zeedä, angılarının 570 bini devletin yol fondundan verildilär, 300 bini dä erli bücetindän. Yolu dooruttular, birkaç kat şebönka koydular hem suları sapıtmak sistemalarını düzdülär.
«Bu yola pek çok kır suyu gelärdi büük yaamurlarda. Şindi biz aldık onu bir tarafa. İkinci- şindi nekadar su gelecek, hepsi onnar su endeklerinä doorudulaceklar da dooru dereyä akaceklar».
Sadovayä maalesinin yaşayannarı nışannȇȇrlar, ani yol оkadar prosttu, ani insan evä gelärdi hem tranportlarını brakardı komuşu maalelerdä.
«Pek çirkin yoldu şindiyädän. Gözäl yaptılar, raar-raat gezeriz».
«Bän sade bu yoldan gezerim. Pek islää yaptılar».
«Şindi raat-raat gezerim, kösteklänmeerim, ayaklarım kendileri beni bu yoldan götürerlär».
Büünkü gündä işlär başa çıkȇrlar. Kaldı sade su sapıtmak endeklerinin üstünä setka hem evlerin girişlerinä beton plitaları koymaa.
Источник grt.md
