28 09 21 İŞ ÖTÄÄ DOORU İLERLEYECEK

Moldova Devletin İnfrastruktura hem Regional ilerlemesi devlet sekretari Anna Mardare pay aldı Gagauziyanın Regional ilerlemesi Agenstvosunun oturuşunda hem nışannadı, ani iş ilerleyecek ileeri dooru.

MD-dä diil çoktan geçti ministerliklerin restrukturizaţiyası. Buna görä İnfrastruktura hem Regional ilerlemesi uurları birleştirildilär bir ministerlää. Kurumun devlet sekretari Anna Mardare nışannadı, ani bu iş engel etmeyecek ileeri dooru da başarılı işlemää.

«Biz ilerledecez işi eni strategiyaya görä. O yardımcı olacek bizim işimizdä. Bundan kaarä işledileceklär regional operaţion programaları, angıları yardım olaceklar bizä palannanmış proektleri ilerledip, başa çıkarmaa», — söledi devlet sekretari.

Gagauziyanın başkanın yardımcısı Olesä Tanasoglo açıkladı kendi umudunu, ani iş ötää dooru da hep ölä başarılı ilerleyecek, getirip fayda regionun yaşayannarına.

«Umutlanȇrız, ani gelän 5 yıl da ölä başarılı olacêklar bizä deyni. Bizdä var lääzımnı bilgilär, praktika hem istemäk  yapmaa bişey faydalı hem uygun bizim yaşayannarımıza deyni», — söledi Olesä Tanasoglo.

Önemli urgulamaa, ani MD reorganizaţiya getirdi 13 ministerliin kurulmasına, ilerdän sa vardı 9 ministerlik.




Источник grt.md
1017

İlgili statyalar

Üüretim grantları programasının yardımınnan üürenmiş gençlär Tehnik universitetini bitirdilär

Gagauziyaya geldilär ilk uzmannar, angıları üürenmäk grantlarına görä Moldovanın Tehnik universitetindä zanaat kablettilär. Onnarlan buluştu İrina Vlah. Üürenicilerä, angıları istedilär üürenmää MD Tehnik Universitetinä, verildi finans yardımı Gagauziyanın tarafından. Bu programa işlemää başladı 2018-ci yılda. Büün ilk uzmannar şansora geeri Gagauziyaya döndülär. “Siz ilksiniz hem siz okadar bizä deyni önemliyiniz, ani biz isteeriz ki bizimnän barabar koyulmuş kuvet hem neetlär üüsek uurda gerçeklensinnär. 4 yılın süresindä pek çok kuvet koyuldu hem biz herzaman düşünärdik ne yapmaa taa, ki sizä taa meraklı üürenmää olsun”, — söledi Gagauziyanın Başkanı. İrina Vlah nışannadı, ani üürenmäk uuruna koyulan investiţiyalar büün en önemli hem gelecektä…

“Soţial izmetlerdä eni adım”. Gagauziada başladıldı eni proekt soţial koruması uurunda

Kirsovo küüyündä  «Çehiya hem  Gagauziyada  soţial sistemanın  kurulması hem ilerlemesi» proektin açılması geçti. Onda pay aldılar primarlar, dolayların öndercileri, soţial bakannıkların  temsilcileri. Toplantının baş davasıydı – kaliteli koşulları yaşayannara onlayn vermää,  kolaylatmaa  insananarın danışmalarını türlü bölümnerä. «Çehiya hem  Gagauziyada  soţial sistemasının  kurulması hem ilerlemesi» proekti – bu eni yol koşulların ilerlemesi için Gagauziyada. Bu proekta avtonomiya gitti üç yıl, ama GOVİD – 19 hastalıın beterinä plannar biraz diiştilär, onun için proektin  giriştirilmesi çeketti biraz ta sora, nışannadı Gagauziyanın Bakanık komitetin başın yardımcısı Olesä Tanasoglo. «Praktika kendisi gösterer bizä, ani pek önemli kurmaa  IT malını, IT programasını  onlayn rejımında. Onun için,…

Komratta açıldı informaţiya tehnologiyaları merkezi

Komrat  Devlet universitetindä açıldı POWER IT  kompaniyasının ikinci  filialı Moldovada. Bu kurumun baş neeti, ki genç olannar, studentlär hem iş adamnarı Moldovanın üülen tarafından olsunnar taa yakın eni tehnologiyalara, türlü konsultativ kolaylıklara. Gagauziada yapılȇr hepsi, ki gençlerin olsun kolaylıkları eni tehnologiyaları üürenmää, nışannadı avtonomiyanın Başkanı İrina Vlah. O çizgiledi IT sektorun ilerlemesinin önemliini bizim avtonomiyamızda. “İlk, ne lääzımdı yapmaa, lääzımdı açmaa regionu, sölemää kendimiz için. Bana geler, ani siz bizi üürendiniz da siz büün buradaysınız. İkincilää, lääzımdı inandırmaa sizi, bzizim partnörları, gelmää bizä. Da göräsiniz bizim kolaylıkları, bizim genç olannarı. Bizim gençlär  pek talantlı, da biz istämeeriz onnarı bireri kolvermää”,…

Deputatlar ensedilär başkanın vetosunu baş investiţıyalar kanonuna

Orak ayın 5-dä Gagauziya Halk topluşu  masuuz oturuşunda kanon kurucular Başkanın vetosunu «Baş investiţıyalar» Kanonu için ensedilär. 22 deputat kendi  sesini  verdi ki  diişilmeklär kanonda olsunnar. «Baş  investiţıyalar» Kanonu ilk sıra  2017-ci  yılda  hazırlandı  hem kabledildi. Gagauziya Halk topluşu deputatları  mehanizmayı  kurdular  baş investiţıyaların pay edilmesindä. Paralar  maasuz formulaya görä  verilerlär. 50%  bütün  paradan veriler bölge  maanalı  proektlerin çalışmasına, angılarını giriştirer Bakannıık komiteti, öbür  50% erideki  proektlerä  düşer, angılarını  primariyalar  teklif ederlär. ALEKSANDR  TARNAVSKİY,  GHT başının yardımcısı: «Bundan kaarä  kuruldu  taa bir  platforma. Ona görä  küülär, neredä az kişi  yaşȇȇr, taa zeedä  investiţıya kableder. Bir kaç yıl kanon bölä mehanizmaylan …

Gagauziyanın primariyaları var nicä katılsınnar küülerin hem kasabaların ilerlemesi için proektların yarışmasına

İnfrastruktura Ministerlii hem Gagauziyanın bölgeyi ilerlemäk Agenstvosu haberledilär, ani proekt yarışmasını çekettirerlär. O geçer «Evropalı küü» Millet programasının çerçevesindä. Proektlär finanslanacȇklar Millet dolay hem kasaba – küü ilerlemesi fondundan. İstekleri para kabletmää deyni var nicä vermää baba marta ayın 22-dän çiçek ayın 20-nädän. Gagauziyanın primariyaları var nicä pay alsınnar proektlar yarışmasında ölä isteklärlän nicä su, kanalizaţıya, yaslaları, okulları, Kultura evleri düzülmesi için.Var nicä olsun proektlär erideki biznesın ilerlemesi için hem ȇnergiyanın koruması için. «Biz isteriz nekadar taa çok erideki kuvetlär pay alsınnar yarışmakta hem tarasınnar proektleri. Ama diil lääzım unutmaa, ani bu yarışmak yapıldı ,ki en ii proektleri aslıya çıkarmaa.…