24 09 21 ERİK BEREKETİN TOPLAMAK ZAMANI (Video)

Avtonomiyanın meyva başçalarında eriklerin toplaması ilerler. Çifçilär alatlȇrlar, çünkü hava diişer. Bereketi ayırı kurallara görä toplamaa lääzım. Onun bir payını serin kameralara erleştireceklär, kalanını sa işlettirmäk kurumnarına götüreceklär. Taa çok meyva üüsek paalara görä aşırı devletlerä satılsın deyni, çifçilär kendi işini Evropa standartlarınagörä götürerlär. Temayı V.Çoban açıklȇr.

Süjet hazırlandı ABD Halklararası ilerletmäk Agentstvosunun yardımınnan (USAID).




Источник grt.md
373

İlgili statyalar

23 09 21 “MOLDOVA” ÜZÜMÜNÜ TOPLAMAK HEM KORUMAK KOŞULLARI

“Eniycä” çifçi çorbacılıı “Moldova” üzümü bereketin toplamasına hazırlanȇr. Kır zamanın süresindä uzmannar hem işçilär lääzımnı işleri geçirdilär. Kaliteli hem ȇkstra klass bereketi büütmää deyni bunnar hepsi önemli. Bu mallar sora dünya panayırlarına başarılı hem üüsek paalara görä satılȇr. Nicä “Eniycä” çifçi çorbacılıı “Moldova” üzümünü toplamaa deyni uygun vakıdı aarȇr, annadȇr V.Çoban. Süjet hazırlandı ABD Halklararası ilerletmäk Agentstvosunun yardımınnan (USAID).   Источник grt.md

15 09 21 MEYVALARI HEM ÜZÜMNERİ TOPLAMAK VAKIDI ÇEKETTİ

Moldovada başladılar toplamaa meyvaları hem üzümneri. Bu yıl uzmannarın laflarına görä, bereket taa üüsek bakarak geçän kuraklık sezonuna. Bereket çok, ama satmaa yok nereye. Büün Komrat kasabasının  bir çiftçi çorbacılıında çekettilär toplamaa erikleri hem masa çeşitindä üzümneri. Paa politikası bu yıl pek sevindirmeer çiftçileri, neçinki  kabledilmiş paralar kapȇȇrlar sade şindiki harcamakları.  Brakmaa bereketi kırda laf yok, söledi kurumun başı, çünkü fidannarı lääzım hazırlama gelän yıla. Sölemää eksport için aşırıya yada satmaa devlet panayirinda sıra gelmeer, zerä satın alan yok. Bunun beterinä bütün erik bereketi, bakmadaan ii kaliteya hem formasına, satılȇr erideki işletmelerä. Bakmadaan buna, çiftçi çorbacılıın başı söler, ani yoknicä…

Video: GAGAUZİYADA İLERLER ÜZÜMÜN TOPLAMASI

Gagauziyada üzümün toplamak proţesin ikinci ȇtapı başladı, toplȇȇrlar tehnik çeşitlerini, onnarı yollȇȇrlar  şarap kurumnarına.  Taa çoyu kurumnarında var kendi  baaları.   Bizim televizion gruppamız bulundu  Kirsovo küüyün kırlarında. Bu yıl Kirsovo küüyün kurumunda üzümneri taa geç çekettilär toplamaa. Bu çiftçilik kurumnarında masa hem tehnik çeşitlerini büüderlär. Nicä nışannadılar uzmannar, bu yıl paa pek küçük. Bu üzerä “Arkadiya”  üzümü  aşırıya satılmadı, onu erli şarap kurumnarına verdilär,  ki şarap yapsınnar. Bu yıl geçmiş yıla görä üzüm bereketi taa üsek, ama  rekordları geçmeyecek, çünkü 2020 yılın kuraklıı belli etti kendisini çotuklarda. Yaamurların beterinä baaları taa sık bu yıl hastalıklardan lääzımdı korumaa. Vakıtçasına yapılmış hepsi korunmak…