22 09 21 İVAN KIRIM – HALK OPERATORU
Baalamaa yaşamayı sevän işinä, da hiç bir keret tä gücenmemää pek paalı eder. Yaşamaa eşinnän birliktä 48 yıl – bu en önemli yaşamakta. Bunnar hepsicii operator İvan Kırım için, angısı brakmȇȇr elindän kamerayı 30 yıldan zeedä. Bizim korespondent üürendi diil sade onun işinin sırrını, ama nösoy koorumaa ayleyi bu yııların içindä dä.
Taa üürenärkana okulda İvan Kırım gelärdi erdeki kluba da siiredärdi hem yardım edärdi göstermää kinoyu. İvan Nikolayeviç meraklandı da başladı orada çalımaa, başardıynan okulu ofiţıal işlemää erleşti. Ondan sora nicä kapandı kinoteatr, çeketti kendisini denemää video çekimnerindä, sınaştı da 90 yıllardan sora girdi işlemää erdeki muzeydä operator, da te bün da taa işler. Bu yılların içindä muzeyın videoarhivı yıl-yıldan zeedelener paalı materiallarlan. Nicä söler kendisi İvan Nikolayeviç, bir-iki gün geeri çıkarılmış oluş, büün şındän istoriya. Çeketti çalışmaa da taa eski kinokameralarda.
İvan Kırım getirer aklına, nesoy bu yılların içindä kabletmärkana para, brakmadı kendi sevän zanaatını hem uydurtmaa işini aylesinnän. Muzeyin fondlarında korunȇrlar diil sade eksponatlar hem dokumentlär, ama videoarhivlar, angılarına görä var nicä enidän kurmaa küüyün yaşamasını sovet vakıdında hem gagauziyanın kurulmasını. Büün hepsi bu işleri düzenler halk operatoru.
Onun işleri paaasız material diil sade muzeyä deyni, ama gagauz halkına deyni da. Lüdmila Marın söledi, ani bu adam büük bukvadan.
Büün İvan Nikolayeviçin videoarhivını var nicä erdeki televizionda siiretsin küüyün yaşayannarı. İnsannarın var kolylıkları görsünnär nicä kurulardı Gagauziya, nicä yaşardı küü çok yıl geeri. Çok yıl dileriz halk operatoruna.
Источник grt.md 23.09.2021