2022-ci yılın ilk payında Gagauziyanın gelirlari büüdülär .Bu yıl toplanıldı 1 miliard 139 million 650 bin ley.
Bakannık Komitetin sıradakı oturuşunda bakıldı soruş ,angısı baalıydı büdcet gelirlerinnän hem harçlarınnan 2022-ci yılın ilk payında.Taa derindän İrina Karaman annadȇr.
Soruş bücetin kurulması için 2022-ci yılın ilk payında açıklanıldı finans Bakannıın başının Tatyäna Doyçevanın rapordunda.
TATYÄNA DOYÇEVA finans bakanı : — «Gagauziyanın bücetindä gelirlär hem harçlar kurȇrlar 1 miliard 110 milion 610 bin ley, ama eklenmäklän 1 miliard 139 million 650 bin ley. Şansora, harcandı 651 milion 268 bin ley –bu bücetin 59 % ».
Avtonomiyanın kendi gelirleri kurȇrlar 43, 5 % -çizgiledi finans bakannın başı Tatyäna Doyçeva.Gagauziyanın Başkanı İrina Vlah yalvardı açıklamaa kimi sayıları.
TATYANA DOYÇEVA finans bakanı : — «Bütündän , gelirlär büüdülär 87 milliona –bu insannardan gelir vergileri . Onnar normadan taa üüsek .Bu finanslar yılın ilk payında geldilär».
Hepsi ödemeklär yapıler heryılkı kurallara görä. Bakannık komiteti bu rapordu yollandıracek Gagauziya Halka topluşuna.
Источник grt.md 06.09.2022