19 çift , 50 hem 55 yıllık evli aylelär, gramotaları hem başışları kablettilär
Komratta islää adet var — kutlamaa çiftleri, angıları birerdä yarım asir yaşadılar. 19 aylä çifti, angıları 50 hem 55-yaşını birliktä yaşadılar gramotaları hem baaşışları kablettilär. Anmak günündä ana-bobalarını uşaklar hem unukalar toplandılar.
Altın yıldönümünü Leonid hem Viktoriya Vradiya nışannadılar. Onnar kısmetli ayledä 50 yıl yaşȇȇrlar. 1972 yılda eşlär Leonid hem Viktoriya ayleyi Komratta kurmuşlar, ozamandan da evlenmäk dokumendini koruyȇrlar, çünkü sayȇrlar, ani en önemli yaşamakta – o aylä, uşaklar hem unukalar.
VİKTORİYA VRADİY Komrat kasabasının yaşayanı : — «Bizdä 3 uşak, 5 unuka. Hepsi uşakları da üürettik».
LEONİD VRADİY Komrat kasabasının yaşayanı: — «50 yıl-bana deyni diil büük vakıt. Biz açan evlendik, ayırılmak geçmärdi. Ayledä sıkça lääzım çekişmää, ozaman doorusu üzä çıkȇr».
Altın düününädän yaşamaa veriler sade onnara, kimin can erleri altın, bunun için çetin var nicä sölemää, ani eşlärdä İlya hem Anastasiya Kaykı halizdän altın ürekleri. Onnarın aylesindä en büük paalılık – 3 uşak hem 5 unuka.
İLYA KAYKI Komrat kasabasının yaşayanı: — «Biz sesledik biri-birimizi hem sevdik. Başka saklılık».
ANASTASİYA KAYKI Komrat kasabasının yaşayanı : — «Unukamız maasuz bu oluş için geldi bizi tutturmaa, biz bir-birimizdän aşaa kaldık, eşim bana pek yardım eder».
Kazanılmış dinnenmektä bulunan herbir gün seviner karı-koca Stepan hem Domnika Arabadjı. Bu yıl onnar aylenin 55-ci yıldönümünü nışannȇȇrlar».
STEPAN ARABADJİ Komrat kasabasının yaşayanı:- «55 yılda iki uşak yarattık, 4 ta unukamız var. Onnarın uşaklarını bekleeriz da dileeriz hepsicii Gagaauzyada yaşasınnar».
DOMNİKA ARABADJİ Komrat kasabasının yaşayanı : — «İlktän aldandık biri-birimizlän, sora uşakları yarattık, şindi sa aramızda annaşmayı yaşȇȇrız».
Komradın başı Sergey Anastasov ayleleri altın hem zümrüt düünnerinnän kutladı.
SERGEY ANASTASOV Komrat kasabasının primarı : — «Bizim var çiftlerimiz, angıları ikinci sıra kutlȇȇrız. taa 10 çifti da evdä kutlayacez. Hepsinä dileerim uzun ömür, onnar bizä yaşamak örnää».
Hem belli ki, butakım yortulu gündä «Mendelson» marşına çiftlär valsı oynadılar. Oluş yortulu konţertlän bitti.
Источник grt.md 23.08.2022