10 01 22 KOLADA KONŢERDİ

Pek paalı okucularımız hem saygılı can dostlarımız kutlêêrız sizi Koladaylan hem hepsi yıl başı yortularınan! Allaa versin saalık hem uzun ömür hepsimizä. Cannarımızda olsun mutlulklan dolu. Evlerimizä kısmet hem selemetlän bereket, raatlık hem annaşmak. Ko kahırlar arda kalsınnar hepsi zorluklar hem belalar. Saalık Allaa versin!!! Saygılarımızlan, “Ana Sözü” redakțiyası Resimnär: Komrat Dimitri SAVASTİN adına resimcilik şkolasının üürencilerinin Источник anasozu.com

Gagauziya kultura Upravleniyasının çalışmalarınnan hem emirinnän, Kolada günündä Kolada hem “Çıbık günü” (“Surva”) adetlerimizi göstermäk için, Komrada Gagauziyanın küülerindän hem kasabalarından ansamblilär, teatrucular hem başka kultura insannarı getirildi. Gagauziyanın Başkannıı binasının önündä konuylan ilgili büük hem şen bir Kolada yortusu yapıldı, neredä milli rubalara giimni ansamblilär, teatrucular, uşaklar hem kultura insannarı, “Kolada” çalmaktan kaarä, halk oyunnarını oynadılar, Koladaylan hem “Çıbık günü”nän (“Surva”) adeterinnän baalı teatrulu gösterileri yaptılar, “survaklințlarlan”  surva gezdilär hem başka şenniklärlän sefa sürdülär. Belli ki, burada bulunan Gagauziya Başkanı, nicä düşer bir ev saabiykaya, hepsi bu insannara para, kolaç, tatlılık hem imäk ikramnarında bulundu. Patretlär: kultura-ge.md, gagauziyainfo.md Источник…

Bitki yıllar Gagauziyanın Tomay küüyündä yapılêr festival – “Kolada adetleri”, angısına toplanêrlar küülerin Kultura evlerin zaametçileri, ansamblilär, şkolalardan uşak başçalardan hem kliselerin pazar şkolalarından uşaklar. Tomay küüyün Kultura Evin sțenasında gösterildi Yıl Başı yortuları hem sıraları adetleri için Kolada, “Hêy-hêy” hem “Çıbık günü” (“Surva”) teatrulu gösterişlär, okundu “Kolada” hem “Hêy-hêy” diil salt gagauz dilindä, ama moldovan, rus, ukrain hem bulgar dillerindä dä. Festivalda ii nasaatlan söz ettilär Gagauziyanın popazları da. Bu gözäl festivali ortak hazırladılar Gagauziyanın Kulturaylan turizma hem Üüredicilik Upravleniyaları. Источник anasozu.com