09 09 21 GHT SEÇİMNERİNİ GÖZLETMÄK RAPORU

«Piligrim Demo» cümnä kurumu presa konferenţiyasında temsil etti Gagauziya Halk Topluşuna seçimnerin gözletmäk raporunu.  Gözletmeklär harman ayından ceviz ayın 3-nä kadar yapıldılar.

«Piligrim Demo» kurumu seçimneri 2010-cu yıldan beeri gözleder. Bu yıl halklaraarası gözledicilär bakȇrlar seçim organnarın işini hem elektoral dartışmaklarını esaba alȇrlar.  «Piligrim Demo» kurumun öndercisi Daryä Paproţka nışannadı, ani Merkez Seçim Komisiyası sayıya koydu 122 kandidatı HT deputat olması için.

«18-zi onnardan karılar, 21 kandidat Komunist hem soţialıst partiyalarının blokundan, 2 kandidat «Stroim Evropu doma»  partiyasından. Kalanı baamsız kandidatlar», — dedi Paproţka.

İlk gözletmelerä görä, seçim kampaniyası pek aktiv geçmeer.

«Kimi kandidatlar lafederlär yaşayannarlan buluşmaklarda. Kimisi agitaţiya kiyatlarını daadȇr, kimisi internet sayfalarına girip yaşayannarlan lafeder. Geneldän kandidatlar kendi programalarını pek annatmêrlar, taa çok annadêrlar kendi yapılmış işleri için hem büük urgu yapêrlar dinnän baalı temalarda. Kara piar da belli edildi», — açıkladı gözledicilerin temsilcisi.

Gagauziya Halk Topluşuna seçimnär 2021-ci yılın ceviz ayın 19-da geçeceklär.

 




Источник grt.md
1004

İlgili statyalar

04 10 21 GÖZLEDİCİLÄR: SEÇİMNERİN İKİNCİ TURU USLU GEÇTİ

«Piligrim—Demo» cümnä topluluun neeti – Halk Topluşuna seçimneri gözletmää. Seçimnerin ikinci turun öncelik çıkışlarını misiyanın temsilcileri Darya Paproţka hem Raşad Şirinov açıkladılar. GHT deputatların ikinci seçim turu uslu durumda geçti, sayȇr «Piligrim-Demo» cümnä topluluun misiyasının başı Darya Paproţka. «MSK-sı kanon zamanını baktı. İkinci turun ilk datası vakıtlan bildirildi, ama sırasız hem vakıdında açıklanmadı, ne seçimnerin geçirilmesini korkunçluk durumuna koydu», — söledi Paproțka. Kandidatlar hem erideki kuvetlerin temsilcileri kanona karşı gitmeklerini seçimnerdä bildirdilär, seçim urnasının kullanmasında, insannara para ödenärdi, yaşamak erleri diiştirilärdi. «Ne baalı seçimnerin geçirilmesinnän, «Piligrim-Demo» belli eder, ani  «insan havezsiz seçimnerä gidärdi». Yakın 1500 seçiciyä eklemäk listelerinä yazdırıldılar», — nışanadı Raşad Şirinov.…

Gagauziya Halk Topluşuna seçimnär geçer

2021 yılın Ceviz ayın (sentäbri) 19-da Gagauziya Halk Topluşuna (GHT) eni seçimnär geçer. Halk Topluşunda 35 mandata 124 kandidat var.   Bütün Gagauziyada seçmcilär listelerindä 114 210 kişi var. Kaçı onnarın seçim bölümnerinä geleciklär pek tezdä üürenecez. Gagauziya Merkez Seçim Komisiyasını (MSK) bildirdi, ani seçimnerdä 80 erindeki hem 50 yabancı gözlemci var. Источник anasozu.com

GHT seçimnereri – 122 kandidata yol açık

Umut ederiz, ani Ceviz ayın (sentäbri) 19-da genä dä Gagauziya Halk Topluşuna eni seçimnär olacek da Gagauziya Merkez Seçim Komisiyasını (MSK) geçän 132 kandidattan 122-si onnara katılacek. Nicä açıkladı MSK bu 122 kandidattan 21-ri Komunistlär hem soțialistlär blokundan, 2-si – PACE partiyasından, kalan 99 deputat ta, sözdä, baamsız. Herliim bakarsak seçim bölümnerinä göra: ozaman göreriz, ani Gagauziya Halk Topluşunda depuat olmaa en çok isteerlär komratlılar: Komrat № 1 seçim bölümündä – 7 kandidat; Komrat № 4 s.b. – 7 kandidat; Ütülü küüyün № 20 s.b. – 6 kandidat. Kalan çoyu seçim bölümünerindä 3-4-där kandidat var. İkişär kandidat 6 seçim bölümündä…

GHTya kandidatlara yol açık, ama ilktän imzalar toplanacek

2021-ci yılın Ceviz ayın (sentäbri) 19-da olacek Gagauziya Halk Topluşu seçimnerindä GHT deputatı kandidat olmaa deyni danışmalara 21.07.2021 günü kapular açıldı. Gagauziyanın Merkez seçim komisiyası bildirdi, ani artık altmıştan zeedä kişi imza toplamaa listelerini aldı. Bundan kaarä MSK açıkladı, ani yazıya aldı 13 inițiativa grupasını: 10 soțialistlär hem komunistlär blokundan, 3 – baamsız kandidatların. GHTya kandidatlar lääzım toplasınnar imza bu algoritmaya görä: 500 kişidän aaz yaşaşan küülerdä – 50-70 imza, kalan erlerdä – 100-150 imza. İmza toplamaa listeleri Harman ayın (avgust) 20-nin saat 17:00-nä kadar Gagauziyanın Merkez seçim komisiyası tarafından kabledileceklär. Gagauziya Halk Topluşuna lääzım olacek 35 tek mandatlı seçim…

17 09 21 MERKEZ SEÇİM KOMSİYASI HAZIR SEÇİMNERÄ

Ceviz ayın 19-da avtonomiyada geçecieklär seçimnar Gagauziyanın Halk Topluşuna. Onnarda pay alacêk 123 kandidat. Gagauziyanın merkez seçim komissiyasının hazırlık durumu için annattı komisiyanın başı  Yana Kovalenko. Bületennär GHTopluşuna seçimneri için artık tiparlandılar, ceviz ayın 18 –dä onnarı daadacêklar avtonomiyanın hepsi seçim bürolarına. Toplu sayıda hazırlandı 116 086 bülleten. «Bületennär tiparlandılar Gagauziyada ofițial olan dillerdä: gagauz dilindä – 3 966 parça, devlet dilindä — 3 073 parça, hem rus dilindä  -109 047 parça», — haberledi Gagauziyanın MSK başı Yana Kovalenko. Seçim büroları çekedeceklär kendi işini Pazar günü saat 7 – dan sabalen  sat 9 –za kadar avşama. GH Topluşuna seçimnerin geçirilmesini 47 gözledici izleyecek, ölä…