09 09 21 CALTAY KÜÜYÜN GIRIŞ YOLU YAPILDI
Caltay küüyunä giriş yolun proektın ilk payı başarıldı. Döküldü yakın 2 km asfalt. Şindi yaşayannarda peydalandı kolaylık gezmää kaliteli yoldan.
Bu proektı Caltay küüyun yaşayannarı çoktan beklärdilär. Taşlı yoldan diil kolay gezmää. Çok sıra şoferlera lääzım olȇr düzmää transportu.
Yolun düzülmesi başladı 1.5 ay geeri. Bütün yolun uzunnuu 7.5 km, ama bu yıl yapıldı yakın 2 kilometra. Drumuri-Comrat düzmäk kompaniyasının temsilcisi Alexey Chesea haberledi, ani koyuldu 18 sm biyaz taş, sora da iki kat asphaltlan örtüldü.
Caltay küüyun giriş yolunda koyuldu 10 140 kvadrat metra asfalt. Yolun genişlii 6 metra, nışannadı tehnika gözletmesindä uzman Väçeslav Topal. O taa urguladı, ani yol yapıldı hepsi koşullara görä.
Küüyun başı İlya Koşulinskiy haberledi, ani proekt getirecek ilinnik yaşayannara.
Gelecek zamanda “Drumuri –Komrat” kurumu lääzım kaavileştirsin yolun boylarını, döşesin orayı taş.
Proektın paası 5 million leydän zeedäkurer. Paralar verildilär regionun büdjetından.
Источник grt.md 09.09.2021